Facebook   Twitter
 
Միացյալ Նահանգները բացառում է ԼՂ խնդրի ռազմական կարգավորումը. ԵԱՀԿ-ում ԱՄՆ առաքելության ներկայացուցիչ

Միացյալ Նահանգները բացառում է ԼՂ խնդրի ռազմական կարգավորումը. ԵԱՀԿ-ում ԱՄՆ առաքելության ներկայացուցիչ

08 Նոյեմբերի 2018 - 23:23
Միացյալ Նահանգներն աջակցում է Հայաստանի ու Ադրբեջանի միջև վստահության հաստատմանն ու երկխոսության ընդլայնմանն ուղղված ջանքերին, որոնք կարող են կայունացնել անվտանգության շուրջ իրադրությունն ու ստեղծել առավել կառուցողական մթնոլորտ բանակցությունների համար:
Ինչպես հաղորդում է «Արմենպրես»-ը, այս մասին ԵԱՀԿ Մշտական խորհրդի նիստին ասել է ԵԱՀԿ-ում Միացյալ Նահանգների առաքելության ղեկավարի տեղակալի պաշտոնակատար Գրեգորի Մակրիսը: Նա ընդգծել է, որ որպես համանախագահ երկիր՝ Միացյալ Նահանգները ողջունում է ԵԱՀԿ Մինսկի խմբի համանախագահների, ինչպես նաև ԵԱՀԿ գործող նախագահի անձնական ներկայացուցչի գործունեությունը՝ վերահաստատելով իր ամուր աջակցությունը նրանց աշխատանքին:

«Մենք գնահատում ենք Լեռնային Ղարաբաղի հակամարտության խաղաղ կարգավորման հասնելու նպատակով ձեր համագործակցությունը կողմերի հետ: Մենք շնորհակալ ենք բոլորիդ, այդ թվում և Բարձր մակարդակի պլանավորման խմբին ձեր զեկույցների ու թարմացումների համար»,- ընդգծել է նա:

Մակրիսը նշել է, որ Միացյալ Նահանգներին ոգևորել են երկրների ղեկավարների ու արտգործնախարարների մակարդակով վերջին կառուցողական շփումները: «Այս շփումները ուղղակի ու դրական դիվիդենտներ են տալիս: Թե՛ երեք համանախագահները, թե՛ գործող նախագահի անձնական ներկայացուցիչը հաղորդել են, որ վերջին երկու ամիսներին շփման գծում և հակամարտությունից տուժած գոտիներում բռնության նվազեցում է նկատվում: Կողմերը պետք է օգտվեն ընձեռնված հնարավորությունից՝ գտնելու ուղիներ հակամարտության կարգավորումն առաջ մղելու համար»,- շեշտել է նա:

Գրեգորի Մակրիսն ընդգծել է, որ համանախագահները կողմերին առաջարկել են լարվածության թուլացման ու հաղորդակցման բարելավման մի քանի քայլեր, որոնց ԱՄՆ-ն լիակատար աջակցություն է ցուցաբերում: Նա համոզմունք է հայտնել, որ արտգործնախարարների միջև հանդիպումները կարող են դրական ազդեցություն գործել առաջարկված միջոցները կյանքի կոչելու գործում:

«Այս հակամարտությունն արդեն շատ երկար է շարունակվում: Եկել է ժամանակը, որ կողմերը զերծ մնան փոխադարձ մեղադրանքներից և նախապատրաստեն իրենց բնակչությանը խաղաղությանը: ԱՄՆ-ն աջակցում է Հայաստանի ու Ադրբեջանի միջև վստահության հաստատմանն ու երկխոսության ընդլայնմանն ուղղված ջանքերին, որոնք կարող են կայունացնել անվտանգության իրադրությունն ու ստեղծել առավել կառուցողական մթնոլորտ բանակցությունների համար»,- նշել է նա:

Դիվանագետը ևս մեկ անգամ հիշեցրել է, որ ԱՄՆ-ն մեծապես կարևորում է ԵԱՀԿ տարածաշրջանում հակամարտությունների, այդ թվում և Լեռնային Ղարաբաղի հակամարտության կարգավորումը: Նրա խոսքով՝ այդ պատճառով վերջին շաբաթների ընթացքում Միացյալ Նահանգներն այնպիսի բարձրաստիճան պատվիրակների ուղարկեց Հայաստան ու Ադրբեջան, ինչպիսիք են Ազգային անվտանգության գծով խորհրդական Ջոն Բոլթոնը և փոխպետքարտուղարի տեղակալ Ջորջ Քենթը:

«Միացյալ Նահանգները կիսում է այն տեսակետը, որ այս հակամարտությունը չի կարող ռազմական կարգավորում ունենալ: Ստատուս-քվոն անընդունելի է: Միացյալ Նահանգները հանձնառու է շարունակել աշխատանքը կողմերի հետ՝ հանուն տևական ու խաղաղ հանգուցալուծման, որը հիմնված կլինի ուժի չկիրառման, տարածքային ամբողջականության, հավասար իրավունքների ու ժողովուրդների ինքնորոշման իրավունքի սկզբունքների վրա՝ ինչպես նշվում է Հելսնիկյան եզրափակիչ ակտում»,- հայտարարել է Գրեգորի Մակրիսը:

HayNews.am
 
Նմանատիպ նորություններ
Թուրքիայի քրդամետ կուսակցության նոր համանախագահը նույնպես կարող է հայտնվել բանտում ու զրկվել մանդատից
14 Նոյեմբերի 2018 - 10:23
Թուրքիայի քրդամետ Ժողովրդադեմոկրատական կուսակցության համանախագահ Փերվին Բուլդանն այդ պաշտոնում իրեն նախորդած Սելահաթթին Դեմիրթաշի պես կարող է հայտնվել բանտում ու զրկվել պատգամավորական մանդատից, այս մասին գրում է թուրքական «Էվրենսել» պարբերականը:
Քալիֆորնիայում անտառային հրդեհի հետեւանքով զոհերի թիվը հասել է մինչեւ 48-ի
14 Նոյեմբերի 2018 - 09:46
Քալիֆորնիայում Camp անտառային հրդեհի հետեւանքով զոհերի թիվը հասել է մինչեւ 48-ի, հայտնում է KSBY հեռուստաալիքը՝ վկայակոչելով նահանգի շերիֆ Բյուտ Քորի Հոնեին:
Թրամփը կրկին վիրավորել է Մակրոնին
14 Նոյեմբերի 2018 - 09:35
ԱՄՆ նախագահը վիրավորելով իր ֆրանսիացի պաշտոնակցին, հայտարարել է, որ ժողովրդի շրջանում նրա վարկանիշը խիստ նվազել է:
Մերկելը ԵՄ միացյալ զինված ուժեր ստեղծելու կոչ է արել
14 Նոյեմբերի 2018 - 00:02
Գերմանիայի կանցլեր Անգելա Մերկելը Եվրոպական միության միացյալ զինված ուժեր ստեղծելու կոչ է արել՝ հիշելով Առաջին համաշխարհային պատերազմի դասերը եւ տարաձայնությունները, որոնք հանգեցրեցին հակամարտության՝ տեղեկացնում է Reuters-ը։
Ուկրաինական ուղղափառ եկեղեցին դադարեցնում է հաղորդակցությունը Կոստանդնուպոլսի հետ
13 Նոյեմբերի 2018 - 23:49
Ուկրաինական ուղղափառ եկեղեցու սինոդը որոշում է կայացրել խզել հաղորդակցությունը Կոստանդնուպոլսի պատրիարքության հետ:
Իսրայելական զորքերը մեկ օրում 160 թիրախ են խոցել Գազայի հատվածում
13 Նոյեմբերի 2018 - 23:05
Իսրայելական զորքերը վերջին մեկ օրում պաղեստինցի գրոհայինների արձակած ավելի քան 100 հրթիռ և ռումբ են որսացել և ի պատասխան 160 թիրախ խոցել Գազայի հատվածում:
Հայկական դպրոցից դուրս եկող աղջիկներին հետևող պակիստանցին ձերբակալվել է Ախալցխայում
13 Նոյեմբերի 2018 - 22:40
Ախալցխայում ձերբակալվել է Պակիստանի 37–ամյա քաղաքացի, որը հայկական դպրոցի հարակից փողոցում հետեւել է դպրոցից դուրս եկող աղջիկներին: Այս մասին հայտնում է akhaltskha.net-ը։

Բանտարկյալները օգնում են վերացնել Քալիֆորնիայի հրդեհները
13 Նոյեմբերի 2018 - 21:08
Քալիֆորնիայի հրշեջ ծառայությունները միայնակ գլուխ չեն հանում նահանգի պատմության մեջ ամենաավերիչ հրդեհից, որի զոհն է դարձել 40 մարդ։
Ռուսաստանը նավթի արդյունահանման ռեկորդ է սահմանել
13 Նոյեմբերի 2018 - 20:57
Ռուսաստանը ռեկորդ է սահմանել նավթի արդյունահանման ծավալների առումով: РИА Новости-ի հաղորդմամբ՝ այս մասին ասվում է ՕՊԵԿ-ի (Նավթ արտահանող երկրների կազմակերպություն) նոյեմբերյան զեկույցում:
1 | 2 | 3 | 4 | 5 | 6 | 7 | 8 | 4192
 
Լրահոս`