Facebook   Twitter
 
«Իրատես». Գազի սակագնի քաղաքական գինը. անձամբ Պուտինից պետք է «կորզել» թույլտվությունը

«Իրատես». Գազի սակագնի քաղաքական գինը. անձամբ Պուտինից պետք է «կորզել» թույլտվությունը

09 Նոյեմբերի 2018 - 09:43
«Իրատես» թերթը գրում է.
«Գազի եւ էլեկտրաէներգիայի սակագնի նվազեցման մասին իշխանափոխությունից հետո հաճախ են խոսում, բայց գործնականում իրավիճակը դեռ նույնն է։ Առաջինը վարչապետի պաշտոնակատար Նիկոլ Փաշինյանը հայտարարեց, որ ՌԴ նախագահ Վլադիմիր Պուտինի հետ քննարկել են գազի սակագնի հարցը։ Փաշինյանն այնուհետեւ տեղեկացրեց, որ անգամ Վլադիմիր Պուտինն է զարմացել, որ Հայաստանում սպառողներն այդքան թանկ են վճարում գազի դիմաց։

Ըստ Փաշինյանի, առաջարկվել է ուսումնասիրել գազի գնի գոյացման մեխանիզմները, սակայն առայժմ ոչ մի պաշտոնական տեսակետ չի հնչել։ Միայն երեկ էներգետիկ ենթակառույցների եւ բնական պաշարների նախարարի պաշտոնակատար Գարեգին Բաղրամյանը հայտարարեց, որ «Գազպրոմ» ընկերության եւ Ռուսաստանի էներգետիկայի նախարարության հետ բանակցում են գազի սակագնի նվազեցման ուղղությամբ։ Սակայն հասարակությանը դեռ չի ներկայացվում, թե Հայաստանի կառավարության ուսումնասիրությունն ինչ է ջրի երես հանել, ինչու է նախորդ իշխանությունը սահմանել նման բարձր սակագին, եթե հնարավոր է սպառողին ավելի էժան գազ մատակարարել, ինչի մասին մշտապես փաստում էին հայ տնտեսագետները։

Իհարկե, բացի տնտեսական գործառույթ իրականացնելուց, «Գազպրոմը» իրականում շատ ավելի զբաղված է քաղաքականությամբ։ Այնպես որ, այս թեմայի շուրջ ցանկացած քննարկում, ուսումնասիրություն ու պայմանավորվածություն տեղավորվելու է նաեւ քաղաքական հարթությունում։ Նկատենք` «Գազպրոմից» վստահեցնում են, որ գազի գնի իջեցումն անհնար է, քանզի համակարգում դա կհանգեցնի ցնցումների։ Ասել է` այս ընկերությունը հակված չէ նվազեցնելու գազի սակագինը, իսկ սա նշանակում է, որ կարող է «ավելի լավ» հիմնավորում ներկայացնել Վլադիմիր Պուտինին, քան հայրենի կառավարության անդամները։ Իրականում այնպես չէ, որ Ռուսաստանում չգիտեին, թե Հայաստանում գազի ինչ սակագին է գործում, ու դա որքանով է իրենց ձեռնտու։

Հիշեցնենք, որ անգամ ԱԺ-ում համապատասխան հանձնաժողով ստեղծվեց` ՀՀ գազի եւ էլեկտրաէներգիայի մատակարարման եւ բաշխման համակարգերի գործունեությունը, գազի եւ էլեկտրաէներգիայի գործող սակագների հիմնավորվածությունը քննելու նպատակով։ Հանձնաժողովը ղեկավարում է Միքայել Մելքումյանը, որը երեկ լրագրողների հետ զրույցում հայտարարել է, թե երկու սակագին կարելի է ունենալ, պետք է դիտարկել նաեւ, թե գազի էժանացումն ինչպես կազդի բիզնեսի վրա։

Այնպես որ, Հայաստանի ղեկավարությանը մնում է մի ելք` անձամբ Վլադիմիր Պուտինից «կորզել» գազի սակագնի նվազեցման թույլտվություն, որը հաստատապես տնտեսական գործարքի շրջանակում չէ»:

Առավել մանրամասն՝ թերթի այսօրվա համարում:

HayNews.am
 
Նմանատիպ նորություններ
Սասուն Միքայելյանի հերթական կոպիտ «կիքսը». այս հարցով Տոնոյանը դիմել է վարչապետին. «Փաստ»
18 Ապրիլի 2019 - 09:42
«Փաստ» թերթը գրում է. ««Փաստ» թերթի տեղեկություններով, պաշտպանության նախարարությունը չափազանց վատ է ընդունել ԵԿՄ նախագահ, ՔՊ-ական պատգամավոր Սասուն Միքայելյանի՝ ԱԺ-ում նախօրեին արված հայտարարությունն այն մասին, թե «մեր զինվորները առաջին գիծը հազիվ են պահում և գրեթե չեն հերիքում»:
Ուշագրավ «դեպք». Կոտայքի մարզպետն ու Աբովյանի քաղաքապետը միավորվել էին. «Հրապարակ»
18 Ապրիլի 2019 - 09:31
«Հրապարակ» թերթը գրում է․ «Երեկ Կոտայքի մարզպետ Ռոմանոս Պետրոսյանն ու Աբովյանի քաղաքապետ Վահագն Գևորգյանը միասին, ժպիտը դեմքներին, Աբովյանում ժապավեն էին կտրում։ Բացում էին Ամերիաբանկի «Աբովյան» մասնաճյուղը։
«Հրապարակ». ԱԺ ղեկավարությունն օրերս «կուլտուրական» մերժել է ԼՀԿ-ին
18 Ապրիլի 2019 - 09:22
«Լուսավոր Հայաստանը» սահմանադրական փոփոխությունների նախագիծ է մշակել, որը նախատեսում է ԱԺ խմբակցությունների եւ ընդդիմության դերի բարձրացում:
«Ժողովուրդ»․ Դավիթ Սանասարյանին փոխարինող են փնտրում․ արդեն թեկնածուն կա
18 Ապրիլի 2019 - 09:20
«Նախօրեին լուրեր տարածվեցին, որ ՊՎԾ աշխատակիցների դեմ հեմոդիալիզի սարքավորումների գնման գործընթացի վերաբերյալ ԱԱԾ-ում հարուցված քրեական գործով ՊՎԾ պետ Դավիթ Սանասարյանը ևս կասկածյալի կարգավիճակում է:
«Ժողովուրդ». Որքան մարդ կկրճատվի օպտիմալացման արդյունքում. Թվեր են հայտնի
18 Ապրիլի 2019 - 09:08
«Ժողովուրդ» թերթը գրում է․ «Կառավարության կառուցվածքի եւ գործունեության մասին» օրենքի նախագիծը, որ ենթադրում է պետական ապարատի կրճատում, երեկ խորհրդարանում բավական թեժ քննարկումների առարկա էր դարձել:
«168 ժամ». Նիկոլ Փաշինյանը՝ անցյալի թակարդում
18 Ապրիլի 2019 - 08:57
«Երեկվանից Ազգային ժողովում քննարկվում է «Կառավարության գործունեության և կառուցվածքի մասին» օրենքում լրացումներ և փոփոխություններ կատարելու օրինագիծը, այլ կերպ ասած՝ կառավարության նոր կառուցվածքը։ Քննարկումներն ընթանում էին բավական բուռն, տեղ-տեղ ագրեսիվ մթնոլորտում։ Բայց դրանք ոչ այնքան կառավարության կառուցվածքին էին վերաբերում, որքան մի կողմից՝ իշխանության, մյուս կողմից՝ ընդդիմության անցյալի հայտարարություններին։
«Հրապարակ». Լավ կլինի, որ հայ-ռուսական հարաբերությունների մասին ամեն ոք չխոսի. «Իմ քայլը» դաստիարակչական ժողով է արել
18 Ապրիլի 2019 - 08:56
«Կիրակի օրը «Իմ քայլը» խմբակցությունը ժողով է արել` Լիլիթ Մակունցի և Հակոբ Սիմիդյանի նյուզմեյքերությամբ, ոչ թե ԱԺ-ում, այլ սեփական գրասենյակում՝ փորձելով կանխել արտահոսքն ու օտարի աչքից հեռու քննարկել «կարևոր» հարցեր:
«Ժամանակ». Ավիատոմսերի գները չեն իջնում. Փաշինյանը չի՞ գտնում, թե ով է մենաշնորհի տերը
18 Ապրիլի 2019 - 08:55
«Ժամանակ» թերթը գրում է. «Դեռեւս հունվարին վարչապետ Նիկոլ Փաշինյանը կառավարության ծրագրի ներկայացման ժամանակ պատասխանելով հարցին, թե ինչու Հայաստանում ավիատոմսերը ավելի թանկ են, քան հարեւան Վրաստանում, հայտարարեց, որ խնդիր կա ավիավառելիքի մատակարարման հետ, եւ հնարավոր է՝ այդ ոլորտում գոյություն ունի մենաշնորհ, որը իրենք պետք է պարզեն:
«Փաստ». Արայիկ Հարությունյանը՝ ՔՊ նախագահ
18 Ապրիլի 2019 - 08:28
«Փաստ» օրաթերթը գրում է. «ԵԿՄ նախագահ Սասուն Միքայելյանը, որը նաեւ «Քաղաքացիական պայմանագիր» կուսակցության վարչության նախագահն է, վերջերս հայտարարել էր, որ պատրաստվում է հրաժարվել ՔՊԿ վարչության նախագահի պաշտոնից՝ ԵԿՄ-ն չքաղաքականացնելու ցանկությամբ:
1 | 2 | 3 | 4 | 5 | 6 | 7 | 8 | 1562
 
Լրահոս`
 
 
 
 
 
 
 
 
 
 
 
 
 
 
 
 
 
 
Դեսպան Աթաբեկյանի այցը Զահլե քաղաք
Միջազգային, Հասարակություն