Facebook   Twitter
 
Դիլիջանի միջազգային դպրոցում անցկացվել է Ռեմարկի գործերի հայերեն թարգմանությունների շնորհանդես

Դիլիջանի միջազգային դպրոցում անցկացվել է Ռեմարկի գործերի հայերեն թարգմանությունների շնորհանդես

09 Նոյեմբերի 2018 - 10:30
Դիլիջանի միջազգային դպրոցում (United World College Dilijan) կայացել է 20-րդ դարի ամենահանրահայտ և ընթերցվող գրողներից Էրիխ Մարիա Ռեմարկի երեք վեպերի հայերեն թարգմանությունների շնորհանդեսը:
Մասնավորապես, ներկայացվել են «Երեք ընկեր», «Հաղթական կամար», «Արևմտյան ճակատում նորություն չկա» գործերը, որոնք հայերեն են թարգմանվել բնագրից՝ գերմաներենից: Գրքերը լույս է ընծայել «Էդիթ Պրինտ» հրատարակչությունը, թարգմանիչն է Վանուհի Բաղմանյանը:

Գրքերի շնորհանդես-քննարկմանը մասնակցել են ներկայացուցիչներ Դիլիջանի քաղաքապետարանից, գրական ոլորտի ներկայացուցիչներ, ուսուցիչներ և UWC Դիլիջանի ուսանողները:

Գրքերի թարգմանիչ Վանուհի Բաղմանյանը ներկայացրել է շնորհանդես Ռեմարկի և նրա գործերի մասին, պատմել է քիչ հայտնի փաստեր աշխարհում ամենաշատ ընթերցվող ստեղծագործությունների հեղինակի մասին, ինչպես նաև խոսել բնագրային թարգմանությունների առանձնահատկությունների մասին:

Շնորհանդեսի ընթացքում մասնակիցները հարցեր են ուղղել թարգմանչին, ինչպես նաև ծավալել քննարկում՝ գրքերի շուրջ:

«Ինչպես գիտեք՝ մեզ համար շատ կարևոր է, որ մարզաբնակ ընթերցասերն անմասն չմնա մշակութային միջոցառումներից: Դիլիջանի միջազգային դպրոցի՝ նման միջոցառում անցկացնելու հրավերն ընդունեցինք մեծ ուրախությամբ, քանի որ շատ կարևոր ենք համարում այն, որ մշակութային տարատեսակ միջոցառումներ անցկացվեն նաև մարզերում: Մեր հրատարակած միանգամից երեք սիրելի ստեղծագործությունները ներկայացրինք Դիլիջանում՝ առաջացնելով մասնակիցների հետաքրքրությունը»,-նշում է «Էդիթ Պրինտ» հրատարակչության մարքեթինգի տնօրեն Շավարշ Կարապետյանը՝ հավելելով, որ հրատարակչությունը շարունակելու է մեծացնել մարզային միջոցառումների ծավալը:

Հավելենք, որ «Երեք ընկեր», «Հաղթական կամար», «Արևմտյան ճակատում նորություն չկա» ստեղծագործությունները հայերեն թարգմանությամբ ընթերցողի դատին են հանձնվել վերջին մեկ տարվա ընթացքում: Այս պահին Վանուհի Բաղմանյանը թարգմանում է Ռեմարկի մեկ այլ՝ «Ապրելու ժամանակը և մեռնելու ժամանակը» գործը, որը ևս շուտով կդրվի ընթերցողի սեղանին:

HayNews.am
 
Նմանատիպ նորություններ
Խավարման ժամանակ Լուսնի վրա երկնաքար է ընկել
23 Հունվարի 2019 - 13:34
Հունվարի 21-ին խավարման ժամանակ Լուսնի վրա երկնաքար է ընկել: Դա նկատել է Reddit կայքի օգտատերը, դիմել մասնագետներին՝ այս իրադարձության մանրամասն ուսումնասիրման համար, հաղորդում է «Գազետա»-ն:
Եթե ՊԵԿ աշխատակիցների մոտ վարքագծի կանոններից շեղում եք նկատում, զանգեք մեր թեժ գիծ. ՊԵԿ
23 Հունվարի 2019 - 13:31
ՀՀ ՊԵԿ նախագահ Դավիթ Անանյանը կոմիտեի բոլոր ստորաբաժանումների ղեկավարներին հանձնարարել է անհատական հսկողություն սահմանել աշխատակիցների ու տնտեսվարող սուբյեկտների շփումների նկատմամբ, տնտեսվարող սուբյեկտների հետ շփումներում խստագույնս պահպանել ՀՀ օրենսդրությամբ վերջիններիս վերապահված իրավունքները եւ օրինական շահերը, իսկ հարկային կամ մաքսային ծառայողների վարքագծի կանոններից տարբերվող վարքի կամ կոռուպցիոն որեւէ դրսեւորման դեպքերում անհապաղ զեկուցել:
ՀՀ հակակոռուպցիոն մարմինների շարքում լավագույնը Բարձրաստիճան պաշտոնատար անձանց էթիկայի հանձնաժողովն է
23 Հունվարի 2019 - 13:24
Եվրոպական միություն/Եվրոպայի Խորհուրդ «Գործընկերություն հանուն Լավ Կառավարման» ծրագրի շրջանակներում Արեւելյան գործընկերության երկրներում (Հայաստան, Ադրբեջան, Վրաստան, Մոլդովա, Ուկրաինա եւ Բելառուս) իրականացվել է «Մասնագիտացված հակակոռուպցիոն մարմինների անկախության եւ գործառնական արդյունավետության» գնահատում:
«Նրանք պետք է աղոթեն Ալլահին, որ ինձ հետ որևէ բան չպատահի». Լապշինը պատասխանել է Ադրբեջանից հնչած հերթական սպառնալիքներին
23 Հունվարի 2019 - 13:10
Ադրբեջանի նախագահ Իլհամ Ալիևի ռեժիմը համարում է, որ Հայաստան այցելած ցանկացած մարդ պետք է իր կյանքի մնացած մասն անցկացնի բանտում:
Այս տարի անպտուղ զույգերի բուժման համար հատկացվել է 210 մլն դրամ. նախարար
23 Հունվարի 2019 - 13:09
2019 թվականին պետությունը 210 մլն դրամ է հատկացրել անպտուղ զույգերի բուժման եւ երկրում ծնելիության աճի համար: Լրագրողների հետ հանդիպման ժամանակ այս մասին ասաց Հայաստանի առողջապահության նախարար Արսեն Թորոսյանը:
Նարեկ Սարգսյանի արտահանձնման գործընթացը շարունակվում է
23 Հունվարի 2019 - 12:57
ՀՀ երրորդ նախագահ Սերժ Սարգսյանի եղբորորդին՝ Նարեկ Ալեքսանդրի Սարգսյանը Պրահայում շարունակում է պահվել արգելանքի տակ։
Հղի Մեգան Մարքլը բուսական սնունդ և չեզոք երանգներ է նախընտրում
23 Հունվարի 2019 - 12:55
Սասեքսի դքսուհի Մեգան Մարքլը ծրագրում է ապագա երեխայի սենյակը կահավորել գենդերային առումով չեզոք երանգներով: Այս մասին հաղորդում է The Sun-ը:
Փաստաբան. Հայաստանը ոչինչ չի արել ազատության մեջ հայտնված քաղաքացիների սոցիալականացման համար
23 Հունվարի 2019 - 12:52
Պետությունը ոչինչ չի արել, որպեսզի համաներման արդյունքում ազատության մեջ հայտնված քաղաքացիները նորից բանտ չընկնեն: Այս մասին հունվարի 23-ին լրագրողների հետ հանդիպման ժամանակ հայտարարել է փաստաբան Արմինե Ֆանյանը:
«Մեր Դավիթ Խաժակյանը մի ամիս է` կռիվ է տալիս այս թեմայով և ահա բացահայտվեց…»
23 Հունվարի 2019 - 12:39
Էդմոն Մարուքյանը ՖԲ - ում անդրադարձել է aravot.am-ի հոդվածին.
1 | 2 | 3 | 4 | 5 | 6 | 7 | 8 | 14793
 
Լրահոս`