Facebook   Twitter
 
Տեխնիկապես հնարավոր չի եղել ապահովել ֆինանսական աջակցությունը. Լ. Մակունցը՝ Թ. Պողոսյանին արցախյան բարեգործական համերգին տրանսպորտի գումար չտրամադրելու մասին

Տեխնիկապես հնարավոր չի եղել ապահովել ֆինանսական աջակցությունը. Լ. Մակունցը՝ Թ. Պողոսյանին արցախյան բարեգործական համերգին տրանսպորտի գումար չտրամադրելու մասին

09 Նոյեմբերի 2018 - 10:42
Կարճ ժամանակահատվածում՝ փաստացի 2 աշխատանքային օրվա ընթացքում, տեխնիկապես հնարավոր չի եղել ապահովել համերգի ֆինանսական աջակցությունը, քանի որ հատկացումներ կատարելու համար կա օրենքով նախատեսված ընթացակարգ:
Այս մասին ֆեյսբուքյան իր էջում գրել է մշակույթի նախարար Լիլիթ Մակունցը՝ անդրադառնալով մամուլում հրապարակված այն տեղեկություններին, թե ՀՀ ժողովրդական արտիստ Թովմաս Պողոսյանը դիմել է մշակույթի նախարարություն՝ խնդրելով, որ բարեգործական համերգներով Արցախ մեկնելու համար իրեն ավտոբուսի գումար տրամադրեն, իսկ վերջինիս մերժել են՝ պատճառաբանելով. «Հարգելի՛ս, Դուք ուշ եք դիմել»։

Դեպքի առթիվ նախարար Մակունցը, մասնավորապես, գրել է.

«Պաշտոնապես հայտնում եմ, որ պարոն Թովմաս Պողոսյանը բարեգործական համերգի ֆինանսական աջակցության դիմումը նախարարություն ներկայացրել է սեպտեմբերի 13-ին՝ առավոտյան 10:03-ին: Նույն օրը՝ 10:23-ին, դիմումը մակագրվել է համապատասխան վարչություն և գործին տրվել է ընթացք: Նշեմ, որ սեպտեմբերի 13-ը հինգշաբթի էր, իսկ համերգը նախատեսված է եղել անցկացնել երկուշաբթի՝ սեպտեմբերի 17-ին, Արցախի Հանրապետությունում: Չնայած այն հանգամանքին, որ կայացվել է դրական որոշում ֆինանսական աջակցություն ցուցաբերելու մասին, այդ կարճ ժամանակահատվածում՝ փաստացի 2 աշխատանքային օրվա ընթացքում, տեխնիկապես հնարավոր չի եղել ապահովել ֆինանսական աջակցությունը, քանի որ հատկացումներ կատարելու համար կա օրենքով նախատեսված ընթացակարգ:

Միջոցառումն անցկացնելուց հետո հնարավոր չէր կատարել փոխանցումը, քանի որ այն այդ պարագայում համարվում է փոխհատուցում, այլ ոչ աջակցություն, ինչը նախարարության համար գրանցվում է որպես ֆինանսական խախտում՝ իր հետևանքներով:

Պարոն Պողոսյանն այդ մասին տեղեկացվել է գրավոր:

Առիթն օգտագործելով՝ խնդրում եմ, որ աջակցություն ցուցաբերելու դիմումները նախարարություն ներկայացվեն նախատեսվող միջոցառումից առնվազն 2 շաբաթ շուտ:

Հերքում եմ նաև այն պնդումը, որ «արգելված է» նախարարություն մուտք գործելը կամ նախարարի հետ հանդիպելը: Նման բան գոյություն չունի և չի էլ կարող ունենալ:

Հիշեցնենք, որ «Ժողովուրդ» օրաթերթի հետ զրույցում Թովմաս Պողոսյանն ասել էր. «Ես նախարարին դիմել եմ պաշտոնական նամակով, որովհետև նրանց մոտ մտնելը նույնիսկ արգելված է: Իրենք այսօր էլ ժամանակ չունեն, ինչպես նախորդ նախարարները: Նրանց մոտ մտնելը երբևէ բացառած հանգամանք է»։

HayNews.am
 
Նմանատիպ նորություններ
Ինչու՞ են որոշ մարդիկ ապրում մինչև 110 տարեկան
09 Հունվարի 2012 - 10:27
Այն մարդիկ, ովքեր ապրում են 110 և ավելի տարիներ, ունեն գեների հետ կապված նույնքան շատ հիվանդություններ, որքան ամբողջ բնակչությունը:
Ժպիտ առաջ բերող լուսանկարներ
09 Հունվարի 2012 - 10:24
Մի փոքր ժպիտ` նոր օրվա սկզբում
Բոլոր ճանապարհներն անցանելի են
09 Հունվարի 2012 - 09:17
ՀՀ ԱԻ նախարարությունը տեղեկացնում է, որ հունվարի 9-ի ժամը 08.30-ի դրությամբ ՀՀ բոլոր ավտոճանապարհներն անցանելի են:

Պետք է վերջ տալ Նարեգ Հարթունյանի հանդեպ հարուցված քրգործին. Սերժ Թանգյան
09 Հունվարի 2012 - 00:11
Աշխարհահռչակ ռոք երաժիշտ, System of a Down խմբի անդամ Սերժ Թանգյանը հանդես է եկել ի պաշտպանություն գործարար, «Նարեկացի» արվեստի միության հիմնադիր Նարեգ Հարթունյանի:
Թռչնակն ահաբեկում է վագրին (տեսանյութ)
08 Հունվարի 2012 - 23:42
Համացանցում հայտնվել են կադրեր, որում երևում է, թե ինչպես է փոքր թռչնակը մի լավ վախեցնում հսկա վագրին:
Բիյոնսեն դուստր է ունեցել
08 Հունվարի 2012 - 23:03
Ամերիկացի հայտնի երգչուհի Բիյոնսեն դուստր է ունեցել, տեղեկացնում են ամերիկյան լրատվամիջոցները:
Եվ այսպես էլի ու էլի... Ինչու՞
08 Հունվարի 2012 - 22:32
Մեր խմբագրությանը նամակ է գրել մեր ֆրանսիահայ ընթերցողներից մեկը,և բարձրաձրել է մի խումբ հարցեր,որոնք նրան մտահոգում են.
1 | 16054 | 16055 | 16056 | 16057 | 16058 | 16059 | 16060 | 16061 | 16062 | 16063 | 16064 | 16065 | 16066 | 16067 | 16068 | 16138
 
Լրահոս`
 
Պուտինը հետ է կանչել Բելառուսիայում ռուս դեսպանին
Միջազգային, Հասարակություն, Քաղաքական
 
 
 
 
 
Ջուր չի լինելու
Հասարակություն
 
 
 
 
Բախումներ Վենեսուելայում. ԶԼՄ-ներ
Միջազգային, Հասարակություն, Քաղաքական