Facebook   Twitter
 
Թափոնների կառավարման կանոնների ստուգման և համապատասխանության վերահսկման ԵՄ փորձագիտական առաքելությունը կժամանի Հայաստան

Թափոնների կառավարման կանոնների ստուգման և համապատասխանության վերահսկման ԵՄ փորձագիտական առաքելությունը կժամանի Հայաստան

09 Նոյեմբերի 2018 - 14:37
Նոյեմբերի 12-ից 16-ը բրիտանացի փորձագետները կայցելեն Հայաստան` ՀՀ բնապահպանության նախարարությանը թափոնների կառավարման կանոնների ստուգման և համապատասխանության վերահսկման վերաբերյալ խորհրդատվություն տրամադրելու նպատակով:
Մասնավորապես, փորձագետներն աշխատելու են Բնապահպանության և ընդերքի տեսչական մարմնի Ջրերի, մթնոլորտի, հողերի, թափոնների և վտանգավոր նյութերի վերահսկողության վարչության աշխատակիցների հետ` նրանց մասնագիտական հմտությունները, ունակություններն ու ներուժն ամրապնդելու համար:

Փորձագիտական առաքելությունը կներկայացնի նաև տեսչական գործունեության և վերահսկման ոլորտում ԵՄ-ի լավագույն փորձը ու խորհրդատվություն կտրամադրի տեղական օրենսդրությունը ԵՄ-ի ոլորտային օրենսդրությանն ու չափանիշներին համապատասխանեցնելու վերաբերյալ:

Այցը կազմակերպվում է Եվրոպական հանձնաժողովի Տեխնիկական աջակցության և տեղեկատվության փոխանակման գործիքի (TAIEX) կողմից՝ ՀՀ բնապահպանության նախարարության Բնապահպանության և ընդերքի տեսչական մարմնի հետ համատեղ:

Հայաստանը հյուրընկալեց քիմիայի գիտաժողով

Նախորդ ամիս քիմիային առնչվող թեմաների վերաբերյալ խոշորամասշտաբ գիտաժողովի շրջանակներում Հայաստանում հավաքվել էին աշխարհահռչակ բանախոսներ, այդ թվում՝ Նոբելյան մրցանակի երկու դափնեկիրներ, և ԵՄ-ի խոշորագույն հետազոտական ու նորարարական «Հորիզոն 2020» ծրագրի մասնակիցներ:

«Քիմիայի սահմանները» գիտաժողովին աջակցում էին Հայաստանում ԵՄ պատվիրակությունը և Նիդերլանդների Գրոնինգենի համալսարանը՝ Երևանի պետական համալսարանի հետ համագործակցությամբ:

«Կրթությունը՝ որպես փոփոխության շարժիչ ուժ, Հայաստանի համար կարևոր նշանակություն ունի: Մենք՝ ԵՄ-ն, պատրաստ ենք աջակցելու մեր հայ գործընկերներին: Միջազգային կապերը նույնպես կարևոր նշանակություն ունեն: Դա է պատճառը, որ այս գիտաժողովն այսքան կարևոր է»,- ասել է Հայաստանում ԵՄ-ի դեսպան Պյոտր Սվիտալսկին:

«Հայաստանն ասոցացված անդամն է «Հորիզոն 2020» ծրագրի, որն աջակցում է Եվրոպայում և մեր գործընկեր երկրներում նորարարությունների ու հետազոտությունների անցկացմանը: Մենք հաջողակ հայտեր և լավ նախագծեր ենք ակնկալում Հայաստանից»,- հավելել է դեսպան Սվիտալսկին:

Հայաստանում կանցկացվի Եվրոպական ֆիլմերի փառատոն 2018-ը

Նոյեմբերի 17-ին Հայաստանում կմեկնարկի Եվրոպական ֆիլմերի փառատոն 2018-ը: Հանդիսատեսը հնարավորություն կունենա վայելելու եվրոպական 11 երկրներ ներկայացնող, ազգային և միջազգային մրցանակներ ստացած նոր ֆիլմեր: Ցուցադրությունները տեղի են ունենալու Երևանում, Գյումրիում և Դիլիջանում: Բոլոր ցուցադրությունների մուտքն ազատ է լինելու:

Փառատոնը կշարունակվի 10 օր՝ մինչև նոյեմբերի 27-ը:

2018 թվականի փառատոնը կազմակերպվում է Հայաստանում ԵՄ պատվիրակության և ՅՈՒՆԻՔ (ԵՄ Մշակույթի ազգային հաստատություններ) Հայաստան կլաստերի կողմից: Բրիտանական խորհրդի հայաստանյան մասնաճյուղը հանդես է գալիս որպես փառատոնի իրականացնող գործընկեր:

2018 թվականը նշվում է որպես Մշակութային ժառանգության եվրոպական տարի: Այս տարում Եվրոպայի ժառանգության օրերի միջոցառումները Հայաստանում անցկացվում են «Կիսվելու արվեստը» խորագրով:

Եվրոպական միության բանկը EU4Business նախաձեռնության շրջանակներում ակտիվացնում է աջակցությունը Հայաստանի ՓՄՁ-ների համար

Եվրոպական ներդրումային բանկը (ԵՆԲ) Հայաստանի կենտրոնական բանկին տրամադրում է 50 միլիոն եվրո՝ երկրում փոքր և միջին ձեռնարկությունների (ՓՄՁ) ու միջին կապիտալացում ունեցող ընկերությունների կողմից իրականցվող նախագծերը ֆինանսավորելու նպատակով՝ առանձնակի ուշադրություն դարձնելով ագրոսննդամթերքի մշակման և զբոսաշրջության հատվածներին:

Վարկը տրամադրվել է «EU4Business» («ԵՄ-ն բիզնեսի համար») նախաձեռնության համատեքստում, որն ուղղված է Արևելյան գործընկերության երկրներում փոքր բիզնեսների աջակցմանը:

Հայաստանի կենտրոնական բանկը ԵՆԲ-ի տրամադրած ֆինանսական միջոցները կուղղորդի շահառուներին (հիմնականում՝ ՓՄՁ-ներին)՝ մի շարք համապատասխան ֆինանսական միջնորդների միջոցով, ինչպիսիք են տեղական բանկերն ու հիմնադրամները:

Ակնկալվում է, որ այս վարկից կօգտվի շուրջ 25 ձեռնարկություն, և կապահովվի 2060 աշխատատեղ: Ֆինանսավորման թիրախային ուղղություններն են ագրոսսնդամթերքի մշակումը, զբոսաշրջությունը և գյուղական համայնքների զարգացումը: Վերջիններս երկրի զարգացման գործում ռազմավարական դեր են խաղում: Հայաստանում գյուղական համայնքների կազմում են ընդհանուր թվի մոտ 95%-ը, որտեղ ընդհանուր զբաղվածության մոտավորապես երեք քառորդը բաժին է հասնում գյուղատնտեսությանը:

ԵՄ-ն աջակցում է լաբորատորիաների արդիականացմանը և Հայաստանի ու ԵՄ անդամ երկրների միջև ջրային համագործակցությանը

2019 թվականին ՀՀ քաղաքացիների համար հասանելի կլինի ավելի հուսալի տեղեկատվություն երկրի ջրային ռեսուրսների որակի վերաբերյալ: Սա հնարավոր կլինի ԵՄ-ի կողմից տրամադրվող աջակցության շնորհիվ:

«Եվրոպական միության ջրային նախաձեռնություն պլյուս (ԵՄՋՆ+) Արևելյան գործընկերության համար» ծրագրի հետ համագործակցությամբ Ավստրիայի շրջակա միջավայրի գործակալության (ԵՄՋՆ+ ծրագիրն իրականացնող գործընկերից մեկը) և ՀՀ բնապահպանության նախարարության միջև ստորագրվեց սարքավորումների ձեռք բերման մասին համաձայնագիր: Առաջին մատակարարումը նախատեսվում է 2019 թվականի գարնանը:

Լաբորատոր ենթակառուցվածքի ուղղությամբ ընդհանուր ներդրումը կկազմի մոտ 600.000 եվրո:

ՀՀ-ում ԵՄ դեսպան Պյոտր Սվիտալսկին նշեց, որ ջրային ռեսուրսների կառավարումը այն ոլորտներից է, որտեղ ԵՄ-ն կենտրոնանում է քաղաքացիների համար շոշափելի օգուտներ ապահովելու վրա:

HayNews.am
 
Նմանատիպ նորություններ
Բնապահպանության նախարարությունը հետաքրքրվա՞ծ չէ Ամուլսարի գործով. դատավորը՝ ներկայացուցչին
18 Ապրիլի 2019 - 12:35
Ապրիլի 17-ին Ամուլսարի գործով դատավարության ընթացքում դատավոր Կարեն Զարիկյանը չընդունեց «Լիդիան Արմենիա» ընկերության փաստաբան Սայադ Բադալյանի միջնորդությունը դատական գործին փորձագետ Հարդներին ներգրավելու կապակցությամբ:
Բնապահպանական վճարների հիմքում դրվել է շրջակա միջավայրի աղտոտման կանխարգելման սկզբունքը. Նախարար
17 Ապրիլի 2019 - 20:02
Բնապահպանության նախարար Էրիկ Գրիգորյանը այսօր՝ ապրիլի 17-ին, հանդիպել է Հայաստանում Բուլղարիայի Հանրապետության արտակարգ եւ լիազոր դեսպան Ցոցորկովա-Կայմակտչիեւա Մարիա Պավլովային։ Այս մասին NEWS.am-ին հայտնում են Բնապահպանության նախարարության մամուլի ծառայությունից:
Ճապոնիայում ժայթքում է աշխարհի խոշորագույն հրաբուխներից մեկը
16 Ապրիլի 2019 - 22:24
Ճապոնիայում խոշորագույն Асо հրաբխի ժայթքումը տեղի է ունեցել Կյուսյու կղզու հարավարեւմտյան Կումամոտո նահանգում։ Այս մասին հայտնել է երկրի ազգային օդերեւութաբանական վարչությունը՝ հայտնում է ՏԱՍՍ-ը։
Դատարանը ցուցարարների գործողությունները համարել է ապօրինի. «Լիդիան Արմենիան» նոր պարզաբանում է տարածել
15 Ապրիլի 2019 - 16:10
ՀՀ վարչական դատարանն ամբողջությամբ է բավարարել «Լիդիան Արմենիայի» հայցն ընդդեմ ոստիկանության։ Նման բովանդակությամբ պարզաբանում է տարածել «Լիդիան Արմենիայի» իրավաբանական բաժնի ղեկավար Խորեն Նասիբյանը։
«Լիդիանի» վերջին հայտարարությունը բլեֆ է. Ամուլսարի պահապան
14 Ապրիլի 2019 - 12:37
Դատարանի կայացրած որոշումը և «Լիդիան Ինթերնեյշնլի»՝ որոշման մեկնաբանությունը, չեն համապատասխանում, ուղղակի մանիպուլյացիա է։
2 օրում 20 խոտածածկ տարածք է այրվել․ ԱԻՆ
14 Ապրիլի 2019 - 10:26
Ապրիլի 13-14-ն ԱԻՆ ՓԾ Ճգնաժամային կառավարման ազգային կենտրոնում ահազանգեր են ստացվել հանրապետության տարբեր խոտածածկ տարածքներում բռնկված հրդեհների վերաբերյալ:
Երևանի ավտոշուկայի հարակից կանաչ գոտում ծառատունկ է իրականացվել
13 Ապրիլի 2019 - 17:36
Ապրիլի 13-ին հայտարարված համաքաղաքային ծառատունկի ժամանակ նոր տնկիներով են համալրվել ավտոշուկայի հարակից կանաչ գոտիները:
Աղստեւ գետն ընկած եղնիկին փրկել են ԱԻՆ աշխատակիցները
12 Ապրիլի 2019 - 23:20
Ապրիլի 10-ին Իջևան քաղաքի Երևանյան փողոցի սկզբնամասում Աղստև գետն ընկած եղնիկն ԱԻՆ աշխատակիցների կողմից անվնաս դուրս է բերվել և հանձնվել Բնապահպանության և ընդերքի տեսչական մարմնի աշխատակիցներին։
«Լիդիան Ինթերնեյշնլը» ընկերությունն ապակողմնորոշում է հանրությանը․ ՀԲՃ
12 Ապրիլի 2019 - 17:27
Այսօր՝ ապրիլի 12-ին, «Լիդիան Ինթերնեյշնլը» ընկերությունը մամուլի միջոցով տարածել է հետևյալ վերնագրով հաղորդագրությունը․ «Դատարանը պատրավորեցնում է ոստիկանությանը վերացնել ներխուժումը և ապահովել Լիդիանի ազատ մուտքն Ամուլսարի տարածք»։
1 | 2 | 3 | 4 | 5 | 6 | 7 | 8 | 137
 
Լրահոս`
 
 
 
 
 
 
 
 
 
 
 
 
 
 
Դեսպան Աթաբեկյանի այցը Զահլե քաղաք
Միջազգային, Հասարակություն