Facebook   Twitter
 
Երեւանի քաղաքապետը հանձնառություն է ստանձնել նախադպրոցական ներառական կրթության մոդելի կիրառման հարցում

Երեւանի քաղաքապետը հանձնառություն է ստանձնել նախադպրոցական ներառական կրթության մոդելի կիրառման հարցում

20 Նոյեմբերի 2018 - 21:06
Նոյեմբերի 20-ին ՀՀ ԱԺ նախագահ Արա Բաբլոյանը եւ Երեւանի քաղաքապետ Հայկ Մարությանն այցելել են Մալաթիա-Սեբաստիա վարչական շրջանի համար 92 ներառական մանկապարտեզ: Այցն իրականացվել է Արա Բաբլոյանի նախաձեռնությամբ:
Խորհրդարանի ղեկավարը եւ քաղաքապետը շրջայց են կատարել մանկապարտեզում, ծանոթացել զարգացման հապաղումներ ունեցող երեխաների համար ստեղծված պայմաններին, զրուցել բազմամասնագիտական թիմի անդամների հետ: Մանկապարտեզն ընդունել է 42 կրթության առանձնահատուկ պայմանների կարիք ունեցող երեխաների` թեթեւ, միջին եւ ծանր զարգացման խնդիրներով:

Օրենսդիր մարմնի ղեկավարը շրջայցի ընթացքում քաղաքապետին ծանոթացրել է բազմաֆունկցիոնալ ներառական մանկապարտեզի մոդելին: Ըստ Արա Բաբլոյանի` հաշմանդամություն ունեցող երեխաների իրավունքների պաշտպանության կարեւորագույն բաղադրիչներից է առողջական խնդիրների վաղ հայտնաբերումն ու միջամտությունը, ինչն ապահովում է լավագույն արդյունք: Նա ընդգծել է, որ երեխաները նման մանկապարտեզներում ստանում են եւ՛ կրթություն, եւ՛ խնամք, եւ՛ համապատասխան բուժաջակցություն, ինչը դյուրացնում է կրթության հետագա կազմակերպումը ներառական դպրոցներում եւ մասնագիտական հմտությունների ձեռքբերումը` ապահովելով գործընթացի շարունակականությունը:

Լինելով Հայաստանում բազմաֆունկցիոնալ ներառական մանկապարտեզի մոդելի նախաձեռնողներից եւ ջատագովներից մեկը` Արա Բաբլոյանն այս գործընթացում կարեւորել է միջգերատեսչական համագործակցությունը` համատեղելով առողջապահական, կրթական, սոցիալական, ինչպես նաեւ համայնքային կառույցների ջանքերը:

Բազմամասնագիտական թիմի անդամներն ու ոլորտի պատասխանատուներն ընդգծել են ծրագրի արդյունավետությունը՝ նշելով, որ մոդելի կիրառման փորձով հետաքրքրված են նաեւ այլ երկրներ:

Երեւանի քաղաքապետ Հայկ Մարությանը բարձր է գնահատել համանման մանկապարտեզների անհրաժեշտությունը երեխաների կարողությունների զարգացման հարցում: Ըստ նրա՝ դա հնարավորություն է տալիս երեխաներին ինտեգրվել հասարակությանը: Քաղաքապետը կարեւորել է այդպիսի հաստատությունների ստեղծումը մայրաքաղաքում` նշելով, որ առաջին փուլում դրանք կարելի է հիմնել Երեւանի 4 շրջաններում` հետագայում ընդլայնելով ցանցը:

Գաղափարի իրագործմանն աջակցություն են հայտնել ՄԱԿ-ի մանկական հիմնադրամի հայաստանյան գրասենյակի /UNICEF/ եւ «Արաբկիր» միացյալ մանկական բարեգործական հիմնադրամի ներկայացուցիչները:

Շրջայցին մասնակցել են ՀՀ աշխատանքի եւ սոցիալական հարցերի նախարարի առաջին տեղակալ Արսեն Մանուկյանը, նախարարության ընտանիքի, կանանց եւ երեխաների հիմնահարցերի վարչության պետ Գեղանուշ Գյունաշյանը, Երեւանի ավագանու անդամներ Պավել Մազմանյանը եւ Սերգեյ Սարգսյանը, ՄԱԿ-ի մանկական հիմնադրամի կրթական ծրագրերի բաժնի ղեկավար Ալվարդ Պողոսյանը, «Արաբկիր» միացյալ մանկական բարեգործական հիմնադրամի փոխտնօրեն Շուշան Դավթյանը:

HayNews.am
 
Նմանատիպ նորություններ
Լարված իրավիճակ Նոր Գեղիում. ինչո՞ւ են գյուղացիները պահանջում համայնքապետի պաշտոնակատարի հրաժարականը
10 Դեկտեմբերի 2018 - 16:52
Կոտայքի մարզի Նոր Գեղի համայնքապետի պաշտոնակատարի եւ գյուղացիների մի մասի միջեւ լարված իրավիճակ է ստեղծվել։
Մռավյան համայնքի 17/33 ընտրատեղամասում հաղթել է «Իմ քայլը» դաշինքը
09 Դեկտեմբերի 2018 - 21:56
Արագածոտնի մարզի Մռավյան (Եղիպատրուշ) համայնքի 17/33 ընտրական տեղամասում ձայների հաշվարկն արդսեն ավարտվել է: Այստեղ ձայները բաշխվել են հետեւյալ կերպ՝
Առանձնապես խոշոր չափերի յուրացում Կարմրաշեն համայնքում. հարուցվել է քրգործ
28 Նոյեմբերի 2018 - 21:29
Քննչական կոմիտեն վարույթ է ընդունել առանձնապես խոշոր չափերի յուրացում կատարելու դեպքի առթիվ ԱԱԾ վարույթում հարուցված քրեական գործը:
Մոնթեն հայրենասիրությունը միայն ռազմի դաշտում չի դրսևորել. Զորակի դպրոցում նշել են հերոսի ծննդյան տարեդարձը (Տեսանյութ, լուսանկարներ)
28 Նոյեմբերի 2018 - 21:01
Ավանդույթի համաձայն Արարատի մարզի Զորակի միջնակարգ դպրոցում նոյեմբերի 25-ին մեծ շուքով նշվեց ազգային հերոս Մոնթե Մելքոնյանի ծննդյան տարեդարձ: Դպրոցը կրում է մեծ հերոսի անունը:
Սյունիքի մարզի բարիքները ներկայացվեցին Գորիսի փառատոնում
24 Նոյեմբերի 2018 - 20:59
Կարմիր կտուրների քաղաք Գորիսը խորհրդանշող ուտեստները, խմիչքները, ձեռագործ աշխատանքները ներկայացվեցին «Գորիսյան փառատոն»-ում:
Սամվել Բալասանյանը փորձարկել է նվեր ստացած կամազը (Տեսանյութ)
24 Նոյեմբերի 2018 - 12:04
Գյումրու համայնքապետարանի բնակկոմունալ տնտեսության եւ շրջակա միջավայրի պահպանություն բաժինը համալրվեց եւս երկու ինքնաթափ մեքենայով:Նոր ինքնաթափերը ձեռք են բերվել կառավարության աջակցությամբ:
«Գորիսը` 2018 թվականի ԱՊՀ մշակութային մայրաքաղաք» միջպետական ծրագրի փակումը
22 Նոյեմբերի 2018 - 14:33
Գորիսը 2018 թվականի ԱՊՀ մշակութային մայրաքաղաք է հռչակվել: «ԱՊՀ մշակութային մայրաքաղաքներ» միջպետական ծրագրի կանոնակարգի համաձայն, ԱՊՀ մշակութային մայրաքաղաք են հռչակվում երկրի մայրաքաղաք չհանդիսացող քաղաքները՝ տվյալ երկրի առաջարկով:
Ազատամուտ համայնքի ղեկավարը պաշտոնից ազատված չէ
21 Նոյեմբերի 2018 - 17:01
Մեր տեղեկությամբ այսօր՝ նոյեմբերի 21-ին, Տավուշի մարզպետարան են հրավիրել Ազատամուտ համայնքի ղեկավար Ժորա Մարտիրոսյանին և հայտնել, որ ազատված է աշխատանքից՝ Տավուշի մարզի դատախազության դատախազ Վ. Սարգսյանի որոշմամբ:
Նախարարի պաշտոնակատարը այցելել է Թալին-Լանջիկ ճանապարհահատված
21 Նոյեմբերի 2018 - 12:45
Նախարարի պաշտոնակատար Հակոբ Արշակյանն այցելել է «Հյուսիս-հարավ ներդրումային ծրագրի» Թալին-Լանջիկ (տրանշ-3) ճանապարհահատված, որտեղ աշխատանքներ է իրականացնում չինական «Սինոհիդրո Քորփորեյշն» ընկերությունը։
1 | 2 | 3 | 4 | 5 | 6 | 7 | 8 | 77
 
Լրահոս`