Facebook   Twitter
 
Արտերկրում գտնվող քաղաքացուն աշխատավարձ է տվել. Կոռուպցիոն բացահայտումներ Շիրակի 2 համայնքապետարաններում

Արտերկրում գտնվող քաղաքացուն աշխատավարձ է տվել. Կոռուպցիոն բացահայտումներ Շիրակի 2 համայնքապետարաններում

24 Նոյեմբերի 2018 - 16:49
Շիրակի մարզի երկու գյուղերի համայնքապետարաններում կոռուպցիոն հանցագործության դեպքեր են պարզվել, որի կապակցությամբ հարուցվել են քրեական գործեր: Այս մասին հայտնում են NEWS.am–ի աղբյուրները։
Տեղեկատվությունը ճշտելու համար դիմեցինք ՀՀ գլխավոր դատախազության հանրային կապերի բաժին, որտեղից հաստատեցին այն՝ հայտնելով, որ ՀՀ ոստիկանության Շիրակի մարզային վարչության Ախուրյանի բաժնում ստացված տվյալների հիման վրա նախապատրաստված նյութերով պարզվել է, որ Արևիկ համայնքի նախկին ղեկավարը 2006թ. մարտին համայնքի մշակույթի տան տնօրենի պաշտոնում աշխատանքի է ընդունել մի քաղաքացու, որը 2008-ից մինչև 2010 թթ. ավարտը չի հաճախել աշխատանքի և գտնվել է արտերկրում:

Չնայած դրան, նա աշխատանքից չի ազատվել: Նրա անվամբ այդ ընթացքում ելքագրվել է 1մլն դրամից ավելի գումար աշխատավարձ, որը աշխատավարձերի վճարման տեղեկագրերում ակումբի տնօրենի փոխարեն կեղծ ստորագրություն կատարելով ստացել նախկին համայնքապետը և ակումբի տնօրենի վերառանալուց հետո հանձնել նրան:

Նմանատիպ դեպք է արձանագրվել նաև Շիրակի մարզի մեկ այլ համայնքի՝ Հայկավանի համայնքապետարանում: Ըստ մեր հարցմանն ի պատասխան ՀՀ դատախազությունից տրված տեղեկատվության՝ ՀՀ ԱԱԾ և ՀՀ ոստիկանության աշխատակիցների համագործակցության արդյունքում տվյալներ են ստացվել այն մասին, որ Շիրակի մարզի Հայկավան համայնքի ղեկավարն աշխատանքի է ընդունել նույն համայնքի բնակիչներից մեկին, ով իրականում աշխատանքի չի հաճախել: Նյութերի նախապատրաստման ընթացքում պարզվել է, որ Հայկավան համայնքի ղեկավարն աշխատանքի է ընդունել նույն համայնքի բնակիչ, իր մտերիմ Է.Ա.-ին, ով 1998-2017թթ. ընթացքում համայնքապետարանում ձևակերպված է եղել որպես վարորդ, սակայն չի հաճախել աշխատանքի: Այդ ընթացքում վերջինի անվամբ ելքագրվել է առանձնապես խոշոր չափերի՝ 5.800.000 ՀՀ դրամ գումար աշխատավարձ:

Արևիկի համայնքապետարանում հայտնաբերված ենթադրյալ հանցավոր արարքների փաստերով քրեական գործը հարուցվել է ՀՀ քրեական օրենսգրքի 179-րդ հոդվածի 2-րդ մասի 1-ին և 3-րդ կետերի և ՀՀ քրեական օրենսգրքի 314-րդ հոդվածի 1-ին մասի, իսկ Հայկավանի համայնքապետարանի հետ կապված՝ ՀՀ քրեական օրենսգքրի 179-րդ հոդվածի 3-րդ մասի 1-ին կետի հատկանիշներով:

Քրեական գործերը հարուցվել են ՀՀ Շիրակի մարզի դատախազությունում, որտեղից դրանք ուղարկվել են ՀՀ քննչական կոմիտեի Շիրակի մարզային քննչական վարչություն՝ նախաքննություն կատարելու համար:

Դատախազությունից մեզ հայտնեցին նաև, որ մարզի համայնքապետարաններում կատարված չարաշահումների և կոռուպցիոն բնույթի հանցագործությունների վերաբերյալ այս տարվա ընթացքում մարզի դատախազության դատախազների դատավարական ղեկավարման, հսկողության ներքո քննվել են 26 քրեական գործեր, որոնց շրջանակներում մեղադրանքներ են առաջադրվել 6 համայնքների ղեկավարների։

Մեղադրական եզրակացություններով դատարան ուղարկված 2 քրեական գործով կայացվել են դատական ակտեր, որոնցով փաստվել է ամբաաստանյալների մեղավորությունը: 8 քրեական գործերով վարույթը կարճվել է գործուն զղջալու և պետությանը պատճառված վնասն ամբողջությամբ վերականգնեու հիմքով, 4 քրեական գործերով վարույթը կարճվել է արդարացնող հիմքերով, իսկ մնացած 12 քրեական գործերով նախաքննությունը շարունակվում է։

Քրեական գործերով վերականգնվել է 13.812.000 ՀՀ դրամի նյութական վնաս։

HayNews.am
 
Նմանատիպ նորություններ
Անի Լորակի բեմական համարձակ հանդերձանքը շփոթեցրել է երկրպագուներին (Լուսանկարներ, Տեսանյութ)
21 Փետրվարի 2019 - 00:25
Անի Լորակը, որը ներկա պահին հյուրախաղերի է մասնակցում իր DIVA շոուի շրջանակներում, հերթական համերգն է տվել Եսենտուկի քաղաքում, սակայն նրա հանդերձներից մեկը շփոթեցրել է հանդիսատեսին:
Նիկոլ Փաշինյանի ուղերձը Ղարաբաղյան շարժման տարեդարձի առթիվ
21 Փետրվարի 2019 - 00:02
ՀՀ վարչապետ Նիկոլ Փաշինյանը ուղերձ է հղել Ղարաբաղյան շարժման տարեդարձի կապակցությամբ։
Կալիֆոռնիայում անտառային հրդեհների ժամանակ կորած շունը 101 օր անց վերադարձել է տիրոջ մոտ
20 Փետրվարի 2019 - 23:58
Կալիֆոռնիայում անցյալ տարվա նոյեմբերին բռնկված անտառային հրդեհների հետևանքով լիովին ոչնչացել է Պարադայս քաղաքը: Երբ Քինգսթոն անունով շան տերերը փորձել են փրկվել տարերքից, կենդանին փախել է: Եվ գտնվել է միայն 101 օր անց, հաղորդում է Usa Today-ը:
Համացանցում է հայտնվել Մայքլ Ջեքսոնի մասին սկանդալային ֆիլմի առաջին թրեյլերը (Տեսանյութ)
20 Փետրվարի 2019 - 23:53
Հունվարի վերջին «Սանդենս» փառատոնի ժամանակ HBO հեռուստաընկերությունը 4 ժամանոց ֆիլմ է ներկայացրել, որի գլխավոր հերոսները պատմում են, որ մանուկ հասակում բռնության են ենթարկվել Մայքլ Ջեքսոնի կողմից:
Սան Ֆրանցիսկոյում մեկնարկել է Samsung-ի նորագույն սմարթֆոնների շնորհանդեսը (Ուղիղ)
20 Փետրվարի 2019 - 23:50
Հարավկորեական Samsung ընկերությունն իր նորույթները սովորաբար ներկայացնում է Բարսելոնայում անցկացվող տեխնոլոգիական ցուցահանդեսի ժամանակ, սակայն այս անգամ որոշել է մի քանի օր առաջ բացահայտել իր նորագույն սմարթֆոնները և ոչ միայն:
Հղի չինուհին հրաժարվել է ծննդաբերել՝ պնդելով, որ դեռ կույս է
20 Փետրվարի 2019 - 23:45
Գույան քաղաքից 20-ամյա չինուհին հիվանդանոց է տեղափոխվել որովայնի ցավերով, որոնք պարզվել է ծննդաբերության ցավեր են: Սակայն կինը հրաժարվել է ծննդաբերել. նա պնդել է, որ երբեք սեքսով չի զբաղվել եւ չի կարող հղի լինել:
Հարսնացուի ծաղկեփջի համար աղջիկները ծեծկռտուք են սարքել
20 Փետրվարի 2019 - 23:43
Դաղստանում հարսանեկան արարողության ժամանակ հարսնացուի ծաղկեփնջի համար ծեծկռտուք է տեղի ունեցել:
1 | 2 | 3 | 4 | 5 | 6 | 7 | 8 | 15203
 
Լրահոս`
 
 
 
 
 
Ոճային Իվետա Մուկուչյանը (Լուսանկար)
Մշակույթ, Հասարակություն