Facebook   Twitter
 
Սյունիքի մարզի բարիքները ներկայացվեցին Գորիսի փառատոնում

Սյունիքի մարզի բարիքները ներկայացվեցին Գորիսի փառատոնում

24 Նոյեմբերի 2018 - 20:59
Կարմիր կտուրների քաղաք Գորիսը խորհրդանշող ուտեստները, խմիչքները, ձեռագործ աշխատանքները ներկայացվեցին «Գորիսյան փառատոն»-ում:
Այն անցկացվեց նոյեմբերի 23-ին Վ. Վաղարշյանի անվան պետական դրամատիկական թատրոնում «Գորիսը` 2018 թվականի ԱՊՀ մշակու­թային մայրա­քաղաք» միջպետական ծրագ­րի եզրափակիչ միջոցառումների շրջանակում:

«Արմենպրես»–ի հաղորդմամբ` հյուրերին տան տերերը դիմավորեցին երգ ու պարով, նկարչական աշխատանքների ցուցահանդեսով և բարձր տրամադրությամբ:

«Գորիս համայնքի Խնձորեսկ գյուղից ենք: Մեր տաղավարում ներկայացնում ենք հայկական ամենահետաքրքիր ուտեստներից մեկը` խաշիլը, որը նույն աղանձն է: Այն մատուցվում է յուղով ու թանով: Դրա պատրաստման ձևը մեզ է փոխանցվել մեր տատիկներից: Ունենք նաև գաթա, հալվա, թթու, նապաստակի միս, օղի, մեր մարզում արտադրված գազավորված ըմպելիք: Սիրով հյուրասիրում ենք բոլոր ներկաներին` նրանց ծանոթացնելով մեր սիրելի ուտեստներին»,-ասաց 11-ամյա Սյունե Գևորգյանը:

Գորիսի կանանց զարգացման Ռեսուրս կենտրոն հիմնադրամի ներկայացուցիչ Տաթևիկ Հայրապետյանը, որը աշխատում էր հաստոցով, նշեց, որ դրա միջոցով կտորներ է գործում, իսկ կտորներից պատրաստվում են պայուսակներ, բարձեր, գորգեր և այլ կեցության համար անհրաժեշտ պարագաներ: «Բամբակյա և բրդյա թելեր են, որոնցից ստացած գործերը մեծամասամբ ներկայացնում ենք տարբեր ցուցահանդեսների ընթացքում և պետք է փաստեմ, որ դրանք հատկապես հետաքրքրում են օտարերկրացիներին»,-պատմեց նա:

Գորիսի Գ. Պարոնյանի անվան արվեստի դպրոցի ներկայացուցիչները փառատոնին ներկայացնում էին թթի օղի, որի շշի վրա գունավոր նկարներ էին պատկերված: «Արվեստի դպրոցի երեխաների ձեռքի աշխատանքն է շշերի վրա: Վաճառված օղու ողջ հասույթը տրամադրվելու է հենց այդ դպրոցի երեխաներին»,-ընդգծեցին նրանք:

HayNews.am
 
Նմանատիպ նորություններ
Երբևէ հրաժարական չեմ տվել, չեմ էլ պատրաստվում տալ. Արշալույսի համայնքապետ
19 Փետրվարի 2019 - 16:51
Մեր գյուղը 4000-ից ավել բնակչություն ունի, 3000-ից ավել ընտրող ունի, իմ հրաժարական պահանջողներն ընդամենը 30 հոգի են, որոնք ամեն մեկը մի ձևով կապված են գեներալ Մանվել Գրիգորյանի, նախկին գյուղապետի հետ:
Կոտայքի մարզից շուրջ 15 ծրագրեր կներկայացվեն Կառավարություն՝ 2019-ի սուբվենցիոն ծրագրերով համաֆինանսավորվելու համար
19 Փետրվարի 2019 - 15:07
Կոտայքի մարզից շուրջ 15 խոշոր ծրագրեր արդեն մարտի առաջին տասնօրյակում կներկայացվեն ՀՀ Կառավարություն՝ համաֆինանսավորվելու 2019թ․ պետական բյուջեով նախատեսված սուբվենցիաների միջոցներով (ՏԻՄ մասով՝ ֆինանսական միջոցներն արդեն նախատեսված են, իսկ փաստաթղթերի փաթեթները շուտով պատրաստ կլինեն)․
«Զարզանդ, դուրս արի». Արշալույսցիները եկել են գյուղապետի հետեւից
19 Փետրվարի 2019 - 13:03
Արմավիրի մարզի Արշալույս համայնքի ղեկավար Զարզանդ Գրիգորյանիի հրաժարականը պահանջող ցուցարարները քիչ առաջ մեքենաների ազդանշաններով ժամանեցին գյուղի խանութներից մեկի մոտ, որտեղ ըստ նրանց, թաքնվում է Զարզանդ Գրիգորյանը:
Զարմանալու բան չկա, ուրցաձորցիների ընտրությամբ ամեն ինչ ասված է. նորընտիր համայնքապետ
18 Փետրվարի 2019 - 15:22
Գնահատականն արդեն ստացել եմ, ուրցաձորցիների ընտրությամբ ամեն ինչ ասված է, Aysor.am-ի հետ զրույցում ասաց Ուրցաձորի նորընտիր համայնքապետ Ռաֆիկ Անդրեասյանը, ով ընդամենն ամիսներ առաջ համագյուղացիների բողոքի ցույցերից հետո համայնքապետի պաշտոնից հրաժարական էր ներկայացրել։
Տավուշի մարզի Ակնաղբյուր համայնքում հաղթել է գործող ղեկավար Կարեն Դոլմազյանը, իսկ Ծաղկավանում` դպրոցի ուսուցիչ Իսկանդար Մեհրաբյանը
18 Փետրվարի 2019 - 12:03
Տավուշի մարզի Ակնաղբյուր համայնքի ընտրություններին, որը կայացավ երեկ՝ փետրվարի 17-ին, մասնակցում էր 3 թեկնածու՝ բոլորն էլ անկուսակցական։
Արագածոտնի Տեղեր համայնքում ընտրվել է անկուսակցական գործող համայնքապետը, Օհանավանում ևս` անկուսակցական թեկնածուն
18 Փետրվարի 2019 - 11:26
Արագածոտնի մարզի Տեղեր համայնքում համայնքապետ է ընտրվել գործող անկուսակցական ղեկավար Գառնիկ Հովհաննիսյանը: Հովհաննիսյանը Տեղերի համայնքապետն է 2011 թվականից:
Հառիճում հաղթել է համայնքի գործող ղեկավար Ռոլանդ Նազարեթյանը
18 Փետրվարի 2019 - 11:21
Շիրակի մարզի Հառիճ համայնքի ղեկավարի պաշտոնում ընտրվել է համայնքի գործող ղեկավար, անկուսակցական Ռոլանդ Նազարեթյանը՝ ստանալով 361 ձայն:
Ձորագետ համայնքի ղեկավար է ընտրվել անկուսակցական Արմեն Գրիգորյանը
18 Փետրվարի 2019 - 11:18
Լոռու մարզի Ձորագետ համայնքի ղեկավար է ընտրվել համայնքապետի ժամանակավոր պաշտոնակատար, անկուսակցական Արմեն Գրիգորյանը:
1 | 2 | 3 | 4 | 5 | 6 | 7 | 8 | 87
 
Լրահոս`
 
 
 
 
 
Ոճային Իվետա Մուկուչյանը (Լուսանկար)
Մշակույթ, Հասարակություն