Facebook   Twitter
 
«Պետք չէ հավատալ, որ անտառը հատում են անտառամերձ բնակիչները. դա բիզնես է». Ինգա Զարաֆյան

«Պետք չէ հավատալ, որ անտառը հատում են անտառամերձ բնակիչները. դա բիզնես է». Ինգա Զարաֆյան

06 Դեկտեմբերի 2018 - 11:38
«Հայաստանում անտառն օգտագործվում է որպես վառելափայտ, և անտառները հատվում են ոչ թե անտառամերձ բնակիչների, այլ բիզնեսի կողմից», - ասաց «ԷկոԼուր» տեղեկատվական ՀԿ-ի նախագահ Ինգա Զարաֆյանը «Հայաստան. փարոս, կայուն էներգիայի ընդլայնման համար» միջազգային համաժողովի ժամանակ:
«Հայաստանը սեփական ռեսուրսներով ապահովում է իր էներգետիկ պահանջարկի ընդամենը 8.3 %-ը: Այս թվի մեջ մտնում է նաև բիովառելիքը: Մեզ համար հասկանալի է, որ «բիովառելիք» բառի ետևում թաքնված է մեր անտառը: Ոչ ոք չի պատկերացնում, թե ինչ ծավալի անտառ է մեզ մոտ հատվում: Պետք չէ հավատալ, որ անտառը հատում են անտառամերձ բնակիչները: Դա այդպես չէ: Ոչ մի բնակիչ չի կարող մտնել անտառ և հսկայական ծառեր հատել, որոնք շուկայում վաճառվում են 1 խմ-ը 24-25 հազար դրամով: Դա բիզնես մոնոպոլիա է, որը մեր բնակչությանը հասցրել է էներգետիկ աղքատության», - ասաց Ինգա Զարաֆյանը:

Նա նշեց, որ մարզերի բնակիչները հիմնականում ջեռուցվում են փայտանյութով, և դրա մեծ մասն ապօրինի փայտանյութ է:

Ինգա Զարաֆյանը օրինակ բերեց «Տնտեսական զարգացման և հետազոտությունների կենտրոն»-ի՝ ՄԱԿ-ի Զարգացման ծրագրի պատվերով կատարված ուսումնասիրությունը. «2014թ-ին Հայաստանի տնային տնտեսությունները սպառել են մոտ 2 միլիոն խմ վառելափայտ: Այս ցուցանիշը շուրջ 70 անգամ գերազանցում է «Հայանտառ» ՊՈԱԿ-ի մթերված փայտանյութի ծավալը»:

«Այս հարցում պետք է գտնել ճիշտ լուծումներ: Առանց տնտեսական գնահատականների և գազի սեկտորում գների իջեցման արդյունավետ լուծումներ չեն ընդունվելու», - հավելեց նա:

ՀՀ էներգետիկ ենթակառուցվածքների ու բնական պաշարների նախարարության Էներգաարդյունավետության և տեխնիկական նորմատիվների բաժնի պետ Վահագն Աթայանը արձագանքեց. «Միանշանակ, անտառներն ապօրինի հատում են: Կառավարությունը գործուն ջանքեր է գործադրում, որպեսզի բացառի ապօրինի ծառահատումները: Անտառամերձ համայնքներին օգնություն է տրամադրվում սանիտարական թափուկների տեսքով: Միևնույն ժամանակ, էներգետիկայի նախարարությունը հանդես է եկել ծրագրով չգազաֆիկացված համայնքներում արևային ջրատաքացուցիչների տեղադրման համար փափուկ վարկեր տրամադրել, որը որոշակի խնդիրներ կլուծի անտառամերձ համայնքներում: Փորձում ենք գտնել նաև այլ լուծումներ, որոնք կփրկեն մեր անտառները»:

Նշենք, որ Հայաստանի անտառածածկը պաշտոնական տվյալներով կազմում է 11.2 %, իսկ տարբեր անկախ փորձագետների հաշվարկներով՝ 7-ից 10 %: ՀՀ կառավարությունը կլիմայի փոփոխության դեմ պայքարի գործընթացում հանձն է առել մինչև 2050 թ-ը անտառածածկը հասցնել 20.1 տոկոսի:

ԷկոԼուր
 
Նմանատիպ նորություններ
Հայաստանի կառավարությունը դեռեւս չի չեզոքացրել բացասական երեւույթները ներդրումների համար. փորձագետ
23 Ապրիլի 2019 - 13:50
Հայաստանի կառավարությունը դեռեւս չգիտի, թե ինչ խոչընդոտներ կան ներդրումների համար, ինչպես նվազեցնել դրանց աճի վրա բացասական ազդեցությունը։
Նախագահը ստորագրել է «Ազգային ժողովի կանոնակարգ» օրենքի փոփոխությունները
23 Ապրիլի 2019 - 13:34
Նախագահ Արմեն Սարգսյանը ստորագրել է «Ազգային ժողովի կանոնակարգ» Հայաստանի Հանրապետության սահմանադրական օրենքում լրացումներ և փոփոխություններ կատարելու մասին օրենքը:
Կապան-Քաջարան ճանապարհահատվածը երկկողմանի երթևեկելի է. քարաթափման հետևանքները վերացվել են
23 Ապրիլի 2019 - 13:23
ՀՀ տրանսպորտի, կապի և տեղեկատվական տեխնոլոգիաների նախարարությունը տեղեկացնում է, որ ապրիլի 23-ին՝ ժամը 12:30-ի դրությամբ, Մ2 Երևան-Երասխ-Գորիս-Մեղրի-Իրանի սահման ավտոճանապարհի 313-րդ կմ-ում` Կապան-Քաջարան հատվածում տեղի ունեցած քարաթափման հետևանքները վերացվել են։
Հայուհին մահացել է Մոսկվա-Երեւան չվերթի ժամանակ
23 Ապրիլի 2019 - 13:21
Nordwind Airlines ավիաընկերության Մոսկվա-Երեւան չվերթի ուղեւորներից մի կնոջ ինքնազգացողությունը թռիչքի ժամանակ վատթարացել է, օդանավն արտահերթ վայրէջք է կատարել Դոնի Ռոստովի Պլատով օդանավակայանում:
«Հարցուպատասխանից էլ չեք փախնի». «Լույսի»-ի անդամը՝ Հայկ Մարությանին
23 Ապրիլի 2019 - 13:02
Հեռուստատեսային հաղորդման ժամանակ ես հարց բարձրացրեցի, թե ինչու 9 ձնամաքրող մեքենաները չգնվեցին կառավարության որոշմամբ, Երեւանի քաղաքապետի խոսնակ Հակոբ Կարապետյանը հակադարձեց եւ խորհուրդ տվեց «գուգլել» եւ տեսնել, որ նման որոշում կա:
2018 թ. ՔԿ-ում քննվել է կոռուպցիոն բնույթի հանցագործությունների դեպքերի առթիվ հարուցված 1233 քրեական գործ. ամփոփում
23 Ապրիլի 2019 - 12:41
ՀՀ քննչական կոմիտեում ուսումնասիրվել են 2018 թվականի ընթացքում ՀՀ ՔԿ տարբեր ստորաբաժանումների վարույթում կոռուպցիոն բնույթի հանցագործությունների քննության ընթացքի և արդյունքների վիճակագրական տվյալները: Այս մասին հայտնում են ՀՀ քննչական կոմիտեի դեպարտամենտի տեղեկատվության և հասարակայնության հետ կապերի բաժնից:

«Մենք չենք ուզում, որ Երեւանը դառնա աղբաքաղաք». Նաիրա Զոհրաբյանը՝ Երեւանի քաղաքապետարանում
23 Ապրիլի 2019 - 12:40
Մենք չենք ուզում, որ Երեւանը դառնա աղբաքաղաք։
Խոշոր ավտովթար Երևանում. Հերացի թունելի սկզբնամասում բախվել են Kia Forte-ն ու Lexus Subaru-ն
23 Ապրիլի 2019 - 12:21
Այսօր՝ ապրիլի 23-ին, խոշոր ավտովթար է տեղի ունեցել Երևանում։ Ժամը 02։00-ի սահմաններում Հերացի փողոցի թիվ 1 հասցեի դիմաց, դեպի Խանջյան փողոց տանող թունելի սկզբնամասում, բախվել են Սարգիս Եղիազարյանի վարած Kia Forte մակնիշի 35 ZD 911 համարանիշի և Հարություն Վարդանյանի վարած Subaru Lexus V4 մակնիշի 35 QT 061 համարանիշի ավտոմեքենաները։
1 | 2 | 3 | 4 | 5 | 6 | 7 | 8 | 16106
 
Լրահոս`