Facebook   Twitter
 
ՀՀ գլխավոր դատախազն ընդունել է «Միասին ընդդեմ կոռուպցիայի» երիտասարդական միջազգային մրցույթի հայաստանյան մասնակիցներին

ՀՀ գլխավոր դատախազն ընդունել է «Միասին ընդդեմ կոռուպցիայի» երիտասարդական միջազգային մրցույթի հայաստանյան մասնակիցներին

21 Դեկտեմբերի 2018 - 18:23
ՀՀ գլխավոր դատախազ Արթուր Դավթյանն այսօր ընդունել ԱՊՀ Կոռուպցիայի հակազդման միջպետական խորհրդի անդամ 6 երկրների շրջանակում անցկացված «Միասին ընդդեմ կոռուպցիայի» թեմայով հակակոռուպցիոն սոցիալական գովազդի երիտասարդական միջազգային մրցույթի՝ Հայաստանի մասնակիցներին և մրցանակակիրներին:
Մրցույթը, որի շրջանակում ԱՊՀ Կոռուպցիայի հակազդման միջպետական խորհրդի անդամ երկրների 14-ից մինչև 35 տարեկան քաղաքացիներին, երիտասարդական ստեղծագործական խմբերին առաջարկվել էր ներկայացնել հակակոռուպցիոն սոցիալական գովազդի պաստառներ և տեսահոլովակներ, նպատակ ուներ տարածել և ամրապնդել կոռուպցիան իբրև երևույթ մերժելու, դրա դեմ անզիջում և միասնական պայքար մղելու գաղափարները:

Այն անցկացվել է երկու անվանակարգերում՝ «Լավագույն պաստառ» և «Լավագույն տեսահոլովակ», որոնց համատեքստում ներկայացված աշխատանքները պետք է արտացոլեին հակակոռուպցիոն պայքարի ժամանակակից մեխանիզմների, այդ պայքարում միջազգային համագործակցության նշանակության, ինչպես նաև ցանկացած ոլորտում կոռուպցիայի՝ իբրև չարիքի վերաբերյալ հեղինակների յուրօրինակ պատկերացումներն ու գաղափարները:

Սահմանված ժամկետներում անդամ երկրներից ստացվել է ընդհանուր առմամբ 1512 տեսահոլովակ և 7821 պաստառ: Հայաստանից մրցույթին մասնակցել է մի քանի բուհերի, ուսումնական այլ հաստատությունների 28 ներկայացուցիչ, որոնց կողմից ներկայացվել է 38 աշխատանք՝ 12 տեսահոլովակ և 26 պաստառ:

Առաջին փուլում ազգային ժյուրին յուրաքանչյուր անվանակարգում ընտրել է լավագույն երեքը, որոնցից առաջին մրցանակի արժանացած աշխատանքները ներկայացվել են միջազգային ժյուրիին: Վերջինիս կողմից ընդհանուր մրցույթի արդյունքում Հայաստանում լավագույնը ճանաչված տեսահոլովակի հեղինակ, Հայաստանի պետական մանկավարժական համալսարանի սան Արտյոմ Աղասարյանն արժանացել է 3-րդ պատվավոր մրցանակի:

Երիտասարդների հետ հանդիպմանը ՀՀ գլխավոր դատախազը նրանց շնորհակալություն է հայտնել ակտիվ մասնակցության համար: Նա նշել է, որ մրցույթին ներկայացված տեսահոլովակների և պաստառների քանակը վկայում է ինչպես երիտասարդների կողմից մրցույթի և նրա հիմնական ուղերձների հանդեպ ունեցած մեծ հետաքրքության, այնպես էլ նրանց կողմից կոռուպցիայի դեմ պայքարի կարևորության խորը գիտակցման մասին: Արթուր Դավթյանը հույս է հայտնել, որ այդ գաղափարները նրանց կուղեկցեն ողջ կյանքի ընթացքում, կդառնան կենսակերպ և կօգնեն պետությանը, իրավապահ մարմիններին կոռուպցիան արմատախիլ անելու վերջինիս դրսևորած հետևողականության, կամքի իրագործման հարցում:

ՀՀ գլխավոր դատախազը նաև շնորհակալություն է հայտնել մրցույթի ազգային ժյուրիում ներգրավված քաղաքացիական հասարակության ներկայացուցիչներին՝ «Թրանսփարենսի ինթերնեյշնլ» հակակոռուպցիոն կենտրոնի ծրագրերի ղեկավար Վարուժան Հոկտանյանին և սոցիալական գովազդի ոլորտում մասնագիտացած Աուդիո-վիզուալ լրագրողների ասոցիացիայի նախագահ Արզուման Հարությունյանին՝ իրենց մասնակցությամբ մրցույթի թափանցիկությունն ու առավել անաչառությունն ապահովելու համար:

Արթուր Դավթյանը մեծապես կարևորել է նաև պատշաճ իրազեկում ապահովելու հարցում ՀՀ գիտության և կրթության նախարարության, ինչպես նաև քաղաքացիական հասարակության կազմակերպությունների հակակոռուպցիոն կոալիցիայի ցուցաբերած աջակցությունը, ինչը մեծապես նպաստել է միջազգային մակարդակով անցկացվող մրցույթին Հայաստանի արժանապատիվ ներկայանալուն:

«Լավագույն տեսահոլովակ» անվանակարգում Հայաստանում առաջին մրցանակի արժանացած Արտյոմ Աղասարյանը նշել է, որ մեծ ոգևորությամբ են ներգրավվել մրցույթին՝ նկատի ունենալով նախաձեռնության նպատակները: Երիտասարդները պատրաստակամություն են հայտնել հետագայում առավել ակտիվ մասնակցել նման միջոցառումներին:

«Թրանսփարենսի ինթերնեյշնլ» հակակոռուպցիոն կենտրոնի ծրագրերի ղեկավար Վարուժան Հոկտանյանն իր խոսքում նշել է, որ մրցույթին երիտասարդության ներգրավվածությունը չափազանց կարևոր է սոցիալական գովազդի ձևաչափով, այսինքն հանրային լայն շրջանակների համար հասկանալի և ազդեցիկ միջոցներով կոռուպցիայի նկատմամբ անհանդուրժողականության մշակույթ ձևավորելու առումով, քանի որ ուսումնասիրությունները ցույց են տալիս, որ մեր երկրում շարունակում է բարձր մնալ կոռուպցիայի ընկալման համաթիվը:

ՀՀ գլխավոր դատախազը երկու անվանակարգերում մրցանակակների արժանացած մասնակիցներին պարգևատրել է «ՀՀ դատախազություն» հուշամեդալներով և բոլորին մաղթել հաջողություններ ուսման մեջ, ինչպես նաև քաղաքացիական ակտիվություն և նախաձեռնողականություն հանրային կյանքում:

Ավելի վաղ Արթուր Դավթյանը, ով այս տարի նախագահում էր ԱՊՀ կոռուպցիայի հակազդման միջպետական խորհրդում, Մոսկվայում մասնակցել է կոռուպցիայի դեմ պայքարի միջազգային օրվա խորհրդի ներքո անցկացվող՝ «Միասին ընդդեմ կոռուպցիայի» թեմայով միջազգային մրցույթի մրցանակակիրների պարգևատրման հանդիսավոր արարողությանը, որտեղ նաև հանդես է եկել ելույթով: «Ազդելով սոցիալական, քաղաքական, տնտեսական անվտանգության վրա՝ կոռուպցիան հանգեցնում է պետական համակարգի դեֆորմացման, խաթարում է պետության հանդեպ քաղաքացիների վստահությունը և խոչընդոտում պետական կառույցների բնականոն գործունեությանը»,-իր ելույթում նշել էր Արթուր Դավթյանը՝ հավելելով, որ մրցույթին երիտասարդ մասնակիցների, ուսումնական հաստատությունների, ուսանողական ստեղծագործական խմբերի լայն ներգրավվածությունը վստահություն է ներշնչում, որ ԱՊՀ կոռուպցիայի հակազդման միջպետական խորհրդի անդամ երկրների մատաղ սերունդը կապահովի կոռուպցիայի անզիջում հակազդմանն ուղղված պայքարի շարունակականությունը:

HayNews.am
 
Նմանատիպ նորություններ
Ռանչպար համայնքում կատարված առերևույթ կոռուպցիոն չարաշահումների և ապօրինի ընդերքօգտագործման փաստերի առթիվ քրեական գործ է հարուցվել
15 Ապրիլի 2019 - 17:02
ՀՀ գլխավոր դատախազությունից Արարատի մարզի դատախազություն է փոխանցվել ՀՀ պետական վերահսկողական ծառայության կողմից ՀՀ Արարատի մարզի Ռանչպար համայնքում իրականացված ուսումնասիրության արդյունքում հայտնաբերված խախտումների վերաբերյալ փաստաթղթերը:
Չարենցավանում դպրոցի տնօրենը աշխատանքի չհաճախող Երևանի բնակչին գրանցել է որպես հավաքարար, ԵՊԲՀ-ի ուսանող դստերը՝ լաբորանտ. ՔԿ
12 Ապրիլի 2019 - 13:19
ՀՀ քննչական կոմիտեի Կոտայքի մարզային քննչական վարչության Չարենցավանի քննչական բաժնում կատարվում են անհրաժեշտ քննչական և դատավարական այլ գործողություններ՝ Կոտայքի մարզի Չարենցավան քաղաքի թիվ 3 հիմնական դպրոցի նախկին տնօրենի կողմից պաշտոնեական լիազորությունները առերևույթ չարաշահելու և յուրացումներ կատարելու դեպքի հանգամանքները պարզելու ուղղությամբ:
Այնթափի 2 բնակիչ 50 000 դրամ կաշառք են տվել ՔԿՀ–ներից մեկին բուժակին, որպեսզի նա 4 հեռախոս փոխանցի ՔԿՀ–ում գտնվող իրենց հորը
06 Ապրիլի 2019 - 20:15
Ապրիլի 5-ին ոստիկանության Մասիսի բաժնի քրեական հետախույզները, ստացված տեղեկություններն իրացնելով, Արարատի մարզային վարչության ծառայողների հետ համատեղ, Այնթապ գյուղից, ապօրինի թմրանյութ պահելու, օգտագործելու և կաշառք տալու կասկածանքով, բաժին են բերման ենթարկել նույն գյուղում բնակվող երկու եղբայրների:
Ոստիկանության Մասիսի բաժնի ծառայողները կաշառակերության դեպք են արձանագրել
06 Ապրիլի 2019 - 14:45
ՀՀ ոստիկանության Մասիսի բաժնի քրեական հետախույզները, ապրիլի 5-ին ստացված տեղեկություններն իրացնելով, Արարատի մարզային վարչության ծառայողների հետ համատեղ, Այնթապ գյուղից, ապօրինի թմրանյութ պահելու, օգտագործելու և կաշառք տալու կասկածանքով, բաժին են բերման ենթարկել նույն գյուղում բնակվող երկու եղբայրների:
Առողջապահության փոխնախարարը կալանավորվեց
02 Ապրիլի 2019 - 19:02
Քիչ առաջ Երևանի ընդհանուր իրավասության դատարանի դատավոր Աննա Մաթևոսյանը որոշում է կայացրել երկու ամսով կալանավորել առանձնապես խոշոր չափերով կաշառք ստանալու կասկածանքով ձերբակալված առողջապահության փոխնախարար Արսեն Դավթյանին։
Փաստաբանը բողոքարկել է դատավորին կալանավորելու մասին դատարանի որոշումը
01 Ապրիլի 2019 - 16:59
3500 ԱՄՆ դոլար կաշառք ստանալու համար կալանավորված դատավոր Գագիկ Հեբոյանի պաշտպան Կրոմվել Գրիգորյանը բողոքարկել է իր պաշտպանյալին կալանավորելու մասին Երևանի ընդհանուր իրավասության դատարանի որոշումը:
Կաշառք ստանալու մեղադրանքով ԱԱԾ-ն ձերբակալել է առողջապահության փոխնախարար Արսեն Դավթյանին
30 Մարտի 2019 - 20:56
Կաշառք ստանալու պահին ԱԱԾ-ի կողմից ձերբակալվել է Առողջապահության փոխնախարար Արսեն Դավթյանը:
Դատավորը ձերբակալվել է 2500 ԱՄՆ դոլար կաշառք ստանալու կասկածանքով
29 Մարտի 2019 - 18:06
Քաղաքացու կողմից ստացված հաղորդման հիման վրա ՀՀ ազգային անվտանգության ծառայության համապատասխան ստորաբաժանման ծառայողների կողմից իրականացված միջոցառումների արդյունքում փաստական տվյալներ են ստացվել հաղորդում ներկայացրած անձի օգտին քաղաքացիական գործով՝ իր լիազորությունների շրջանակներում որոշակի գործողություններ կատարելու համար ՀՀ Կոտայքի մարզի ընդհանուր իրավասության դատարանի դատավորի կողմից առանձնապես խոշոր չափերով՝ 2500 ԱՄՆ դոլարին համարժեք դրամի չափով կաշառք պահանջելու մասին:
Արթիկի հիմնական դպրոցի տնօրենը որպես էլեկտրիկ-փականագործ է հրամանագրել եղբորը՝ յուրացնելով նրա անվամբ դուրս գրված աշխատավարձը (տեսանյութ)
29 Մարտի 2019 - 12:53
Օրերս ոստիկանության ԿՀԴՊ գլխավոր վարչության կոռուպցիայի և տնտեսական գործունեության դեմ ուղղված հանցագործությունների հակազդման վարչությունում պաշտոնատար անձի կողմից թույլ տրված չարաշահումների վերաբերյալ օպերատիվ տեղեկություններ էին ստացվել։
1 | 2 | 3 | 4 | 5 | 6 | 7 | 8 | 26
 
Լրահոս`