Facebook   Twitter
 
«Նստած էր՝ փորը թափած…». Տավուշում 40-ամյա տղամարդը խանդի պատճառով դանակահարել է «թեմայի» հետ կապ չունեցողին

«Նստած էր՝ փորը թափած…». Տավուշում 40-ամյա տղամարդը խանդի պատճառով դանակահարել է «թեմայի» հետ կապ չունեցողին

11 Հունվարի 2019 - 18:33
Տավուշի մարզի ընդհանուր իրավասության դատարանում Զոյա Զաքինյանի նախագահությամբ ավարտվել է Արման Ա.-ի գործի դատական քննությունը:
40-ամյա Արմանին մեղադրանք էր առաջադրվել տուժողի առողջությանը դիտավորությամբ ծանր վնաս հասցնելու համար՝ ՀՀ քրեական օրենսգրքի 112 հոդվածի 1-ին մասով:

Դատաքննությամբ դատարանը հաստատված է գնահատել, որ Արմանը կասկածել է կնոջը՝ հարևան բնակավայրի բնակիչ Արթուրի հետ կապ ունենալու համար:

2017 թվականի նոյեմբերի 15-ին, ժամը 11-ի սահմաններում Արմանը հանդիպել ու քաշքշուկի մեջ է մտել Արթուրի հետ: Բաժանվել են, ամեն մեկը գնացել է իր գործին: Նույն օրը՝ ժամը 14-ն անց 30-ի սահմաններում նորից հանդիպելով Արթուրին՝ Արմանը նույն շարժառիթով փորձել է վեճը շարունակել: Միջամտել է վերջինիս բարեկամը, որը գտնվում էր նրա մեքենայի մեջ: Արմանի եղբայրը, ցանկանալով խանգարել վիճաբանությանը, հեռացրել է Արթուրին: Արմանը սկսել է վիճել Արթուրի բարեկամ Գագիկի հետ: Վիճաբանության ընթացքում նա իր մոտ եղած դանակով հարվածել է Գագիկի որովայնին՝ նրա առողջությանը պատճառելով ծանր վնաս՝ որովայնի խոռոչ թափանցող վնասվածքի ձևով:

Արման Ա.-ին մեղադրանք էր առաջադրվել նաև Արթուրի նկատմամբ բռնություն գործադրելու, նրա մեքենան լինգով վնասելու համար՝ ՀՀ քրեական օրենսգրքի 118 հոդվածով և 185 հոդվածի 1-ին մասով: Քրեական գործն այս մասով կարճվել է՝ տուժող Արթուրի բողոքի բացակայության հիմքով:

Ինչ վերաբերում է տուժող Գագիկի առողջությանը դանակով դիտավորությամբ ծանր վնաս հասցնելուն, այս մեղադրանքը Արման Ա.-ն չի ընդունել, իրեն մեղավոր չի ճանաչել:

Նա դժգոհել է, թե քննիչը «գործը տարել է դիտավորության ու մեղադրական ուղղությամբ», չի հարցաքննել իր կնոջը, չի հետազոտել վերջինիս ու Արթուրի հեռախոսային հաղորդակցությունը, չի հետազոտել իր ու Արթուրի թշնամական հարաբերությունները:

Արման Ա.-ն ընդունել է, որ Արթուրն իր թշնամին է: Ինքը կասկածներ է ունեցել ոչ թե ուրիշների խոսակցություններից ելնելով, այլ տեսնելով կնոջն ուղարկված իրական հաղորդագրությունը:

Միևնույն ժամանակ Արման Ա.-ն պնդել է, թե ինքը դանակահարություն չի կատարել:

Դեպքի օրն առաջին անգամ հանդիպել է Արթուրին տեղական պաշտոնյաներից մեկի աշխատասենյակում: Խոսել է նրա հետ, վիճել ու հեռացել է: Ինքը տեսել է, որ Արթուրը նստեց մեքենա, եթե ցանկանար՝ կմոտենար ու նորից կվիճեր, բայց չի մոտեցել: Իր մոտ դանակ չի եղել: Գնացել է տուն:

Ժամը 15-ի սահմաններում գնացել է եղբոր մոտ՝ հրաժեշտ տալու՝ այդ օրը մեկնելու էր Ռուսաստան: Փողոցում մի քանի հոգով կանգնած էին, երբ ինքը տեսել է Արթուրի մեքենան: Ձեռքով կանգնեցրել է: Մեքենայի մեջ բացի Արթուրից՝ մի տղամարդ էլ կար: Արթուրը մի քիչ հեռացել, նոր կանգնեցրել է մեքենան: Ինքը նայել ու տեսել է, որ Արթուրը լոմը ձեռքին մեքենայից իջնում է: Ինքն էլ է լոմ վերցրել: Եղբայրը չի թողել, որ մոտենա Արթուրին: Նա վերջինիս ասում էր՝ քշի գնա, մի կանգնի: Եղբայրը Արթուրին բռնել, մի կողմ է տարել: Իրեն էլ հինգ հոգով էին բռնել: Ինքը տուժող Գագիկին դեպքի վայրում չի տեսել: Նրան ընդհանրապես չի ճանաչում, առաջին անգամ տեսել է առերես հարցաքննության ժամանակ:

Իր վեճը միայն Արթուրի հետ էր, տեսնելով նրա մեքենան գոռացել է՝ կանգնի, հնարավոր է՝ հայհոյած էլ լինի: Լոմը մեքենայի բեռնախցիկից վերցրել է՝ միայն պաշտպանվելու համար: Լոմը ձեռքին հասել է Արթուրի մեքենային: Բայց թե նրա մեքենան ինչպես է վնասվել՝ ինքը չգիտի, միգուցե արդեն վնասված էր… Իր հագին միայն վերնաշապիկ էր, գրպաններ չուներ, որ դանակ պահած լիներ: Ինքը դեպքի վայրից չի հեռացել, իրեն հինգ-վեց հոգով հեռացրել են…

Գործով տուժող Արթուրը հայտնել է, որ դեպքի պահին մեքենայից իջնելիս նկատել է, որ Արմանի ձեռքին լոմ կա, ինքն էլ «մանտիրովկա» է վերցրել իր մեքենայից: Արմանի եղբայրը բռնել է իրեն, չի թողել մոտենա… Ինքը տեսել է, որ Արմանը լոմով ջարդում է իր մեքենայի ապակին, իսկ Գագիկը փորձում է չթողնել…. Դրանից հետո տեսել է, որ իր բարեկամ Գագիկը պատռվածք է ստացել փորի մասում՝ Գագիկը նստած էր՝ «փորը թափած», ինքը հարցրել է՝ ի՞նչ ա էղել, նա պատասխանել է՝ լավ չեմ… Ինքն արյուն է տեսել նրա վնասվածքի շրջանում: Պատահական մեքենայի դեմը կանգնել է, խնդրել է Գագիկին տեղափոխել հիվանդանոց: Ճանապարհին Գագիկն ասում էր՝ վատ եմ, մեռնում եմ… նրան տեղափոխել են հիվանդանոց: Ինքը չի տեսել՝ ով է Գագիկին վնասվածք պատճառել: Գագիկին այդ օրը հանդիպել էր պատահաբար, նա խնդրել էր մեքենայով տուն տանել…

Տուժող Գագիկը հայտնել է, թե Արմանին չի ճանաչում: Ընդհանրապես՝ նրա հետ կապված ոչ մի դեպք տեղի չի ունեցել: Ինքը ոչ մի վիճաբանության չի մասնակցել, վիճաբանության զոհ չի հանդիսացել: Վայր է ընկել դեռ Արթուրին հանդիպելուց առաջ, բայց մարմինը չի ստուգել, որ տեսնի՝ ինչ վնասվածք է ստացել: Վիրահատվելուց հետո տեսել է, որ լավ էլ «սամթին» ընկել էր… Արման Ա.-ն այդ վնասվածքի հետ կապ չունի: Եթե Արթուրը կռվի մեջ ընկներ, ինքը չէր օգնի…

Դատարանը եզրահանգել է, որ տուժողի ցուցմունքն իրականությանը չի համապատասխանում, այն հերքվում է գործով ձեռք բերված այլ ապացույցների համակցությամբ…

Դատարանը Արման Ա.-ին մեղավոր է ճանաչել տուժողի առողջությանը դիտավորությամբ ծանր վնաս պատճառելու համար՝ ՀՀ քրեական օրենսգրքի 112 հոդվածի 1-ին մասով, և դատապարտել է 4 տարի ազատազրկման: Այս պատժին հաշվակցվել է նախնական կալանքի տակ գտնվելու 1 տարի 6 օրը, վերջնական պատիժ է նշանակվել 2 տարի 11 ամիս 24 օր ազատազրկում: Արման Ա.-ի նկատմամբ կիրառվել է Համաներման ակտի համապատասխան դրույթը, և նա ազատվել է պատժի կրումից: Արման Ա.-ի խափանման միջոց կալանավորումը վերացվել է, նա ազատ է արձակվել դատարանի դահլիճում:

Տուժող կողմը քաղհայցի պահանջ չի ներկայացրել, այդ հարցը համարվել է լուծված:

Աղբյուրը՝ 1in.am
 
Նմանատիպ նորություններ
Բուքմեյքերական գրասենյակներից մեկում դանակահարություն է տեղի ունեցել. ՔԿ
21 Հունվարի 2019 - 22:25
ՀՀ քննչական կոմիտեի ԵՔՔՎ Կենտրոն և Նորք Մարաշ վարչական շրջանների քննչական բաժնում հարուցվել է քրեական գործ՝ դիտավորությամբ մեկ ուրիշին ծանր մարմնական վնաս պատճառելու դեպքի առթիվ:
Ազատության-Զարյան փողոցների խաչմերուկում երիտասարդների կողմից մեքենան վնասելու դեպքի առթիվ ձերբակալվել է 5 անձ
21 Հունվարի 2019 - 21:53
Երևանի Ազատության պողոտայի և Նաիրի Զարյան փողոցի խաչմերուկում երիտասարդների կողմից մեքենան վնասելու դեպքի առթիվ հարուցված քրեական գործով 5 անձ ձերբակալվել է:
ՊԵԿ-ը դարձյալ պարտվել է դատարանում. 5 մլն դրամը վերադարձվել է առողջարանին
21 Հունվարի 2019 - 21:41
ՀՀ վարչական վերաքննիչ դատարանը մերժել է Պետական եկամուտների կոմիտեի բողոքն ընդդեմ «Արարատ» մոր և մանկան առողջարան ՓԲԸ–ի և անփոփոխ թողել ՀՀ վարչական դատարանի դեռևս 2017 թ. մարտի 13-ին կայացրած վճիռը։
Գազի բալոն է պայթել. կա տուժած
21 Հունվարի 2019 - 21:41
Հունվարի 21-ին, ժամը 15:45-ին «911» ծառայությանը տեղեկություն է հաղորդվել, որ Արագածոտնի մարզի Կայք գյուղի տներից մեկում տեղի է ունեցել գազի բալոնի պայթյուն:
Պետրոս Ղազարյանին կփոխարինի Անժելա Թովմասյանը
21 Հունվարի 2019 - 21:35
hraparak.am գրել էր, որ «Կենտրոն» հեռուստաընկերության «Ուրվագիծ» հաղորդաշարի հեղինակ եւ վարող Պետրոս Ղազարյանի՝ Հ1 տեղափոխվելուց հետո, հաղորդման նոր վարող են փնտրում եւ տարբեր թեկնածություններ են քննարկվում։ Ամանորից հետո լուրեր տարածվեցին, որ հաղորդաշարը հնարավոր է վարի ԱԺ պատգամավոր Տիգրան Ուրիխանյանը, ով մեր հարցին ի պատասխան չէր հերքել փաստը, նշելով, որ հարցը քննարկման փուլում է, ինքը հավանաբար քաղաքական բովանդակությամբ նախագիծ կիրականացնի, ինչի մասին կխոսի առաջիկայում։

Քանյե Ուեսթի անակնկալը լաց լինելու չափ հուզել է Քիմ Քարդաշյանին (Տեսանյութ)
21 Հունվարի 2019 - 21:30
Ռեփեր Քանյե Ուեսթն առաջին անգամ չէ, որ ապացուցում է իր՝ կատարյալ ամուսին լինելը։ Նույնիսկ երեք երեխաների ծնունդից հետո նա շարունակում է փորձել գրավել Քիմ Քարդաշյանի սիրտը։ Ավելի վաղ նա Barbie տիկնիկ է պատվիրել Քիմի համար, որի մասին վերջինս վաղուց էր երազում։ Երեկ Քիմ Քարդաշյանը սոցիալական ցանցերում անկեղծացել է Քանյերի նոր անակնկալի մասին։

Տավուշի մարզի Կիրանց գյուղի խանութից ծխախոտ էին գողացել. Ժամեր անց գողությունը բացահայտվել էր
21 Հունվարի 2019 - 21:28
Ոստիկանները ժամեր անց բացահայտել են Կիրանց գյուղի խանութից հունվարի 11-ին կատարված գողությունը։ Այս մասին հայտնում են ՀՀ Ոստիկանությունից։
«Վալլեքս» խումբը մանրամասներ է հայտնում «Թեղուտ»-ում ստեղծված իրավիճակի մասին
21 Հունվարի 2019 - 21:25
«Վալլեքս» խմբի ընկերությունները լրացուցիչ մանրամասներ են հայտնում «Թեղուտ» ՓԲԸ շուրջ ստեղծված իրավիճակի մասին.
Հայաստանը կարող է դառնալ մոդել. Նաիրա Զոհրաբյանի ելույթը ԵԽԽՎ-ում
21 Հունվարի 2019 - 21:22
Այսօր Ստրասբուրգում մեկնարկած ԵԽԽՎ նստաշրջանում քննարկվել է Հայաստանում դեկտեմբերի 9-ին տեղի ունեցած արտահերթ խորհրդարանական ընտրությունների հարցը: Հայկական պատվիրակության ներկայացուցիչ Նաիրա Զոհրաբյանը խոսելով դեկտեմբերյան ընտրությունների մասին մասնավորապես ասել է՝
1 | 2 | 3 | 4 | 5 | 6 | 7 | 8 | 14766
 
Լրահոս`