Facebook   Twitter
 
Բոլոր հաղորդավարները փոխվելու են. Պետրոս Ղազարյանը՝ նոր Հ1-ի մասին

Բոլոր հաղորդավարները փոխվելու են. Պետրոս Ղազարյանը՝ նոր Հ1-ի մասին

11 Հունվարի 2019 - 22:57
Հայաստանի Հանրային հեռուստաընկերությունը անցնում է լուրերի հեռարձակման նոր ձևաչափի: Սպասվող փոփոխությունների մասին «Արմենպրես»-ը զրուցել է Հանրային հեռուստաընկերության լրատվական-վերլուծական ծառայության բաժնի տնօրեն Պետրոս Ղազարյանի հետ:
– Պարոն Ղազարյան, ինչպիսի՞ փոփոխություններ են սպասվում Հանրային հեռուստաընկերության լրատվական բաժնում: Ի՞նչը չէր գոհացնում նախորդ ձևաչափում:

– Հեռուստաընկերությամբ լուրերը կհեռարձակվեն յուրաքանչյուր երկու ժամը մեկ անգամ՝ սկսած ժամը 13:00-ից: Երեկոյան ժամը 21:00-ին կլինի լուրերի մեծ թողարկումը՝ 60 րոպե տևողությամբ: Կազմակերպվելու են ուղիղ եթերներ, կապեր, միացումներ: Կփորձենք լիարժեք լրատվություն տալ: Իսկ թե ինչը չէր գոհացնում, դա այնքան երևացող էր ողջ հասարակության համար, այդ պատճառով հերթով չեմ թվարկի: Մենք հիմա կփորձենք իրոք հասարակությանը տալ անաչառ, «առանց ակնոցների» լրատվություն:

– Հաղորդավարների ու լրագրողների կազմում փոփոխություններ լինելո՞ւ են:

– Բոլոր հաղորդավարները փոխվելու են, լրագրողական կազմի շատ լուրջ թարմացում է եղել, որովհետև նոր արտադրանք, լրագրողական մտածելակերպ բերելու համար պետք են որոշակի փոփոխություններ և դրանք արվել են:

-Ո՞րն է այդ նոր մտածելակերպը:

– Հանրային հեռուստաընկերության լուրերը սահմանում են այն լրատվական ստանդարտները, որոնք ընդհանուր են երկրի և պետության համար: Այդ պատճառով է այն առանձնանում մնացած բոլոր լուրերից իր պատասխանատվությամբ: Եթե Հանրային լուրերը ազատ են, չի կարող երկրում լինել գրաքննություն: Չեն կարող լինել սև ցուցակներ, մարդիկ, որոնց եթեր չեն հրավիրվում: Չեն կարող լինել փակ թեմաներ, եթե հանրայինում բոլոր թեմաները բաց են: Մենք այս չափանիշն ուզում ենք դնել: Ամենակարևոր փոփոխությունը հենց դա է: Եթե այս չափանիշը լինի հանրայինում, դա նշանակում է՝ բոլոր մասնավոր հեռուստաընկերություններն ու լրատվամիջոցներն արդեն կգործեն այդ չափանիշի տակ: Ես կարծում եմ՝ հեղափոխությունից հետո պետք է ամեն ոլորտում այդ փոփոխությունները անել: Հիմա ցանկացած ոլորտ մոդեռնիզացիայի կարիք ունի, և մենք հենց այդպես ենք տեսնում դա մեր ոլորտում: Հիմա դա անելու լավագույն ժամանակն է:

– Ե՞րբ հեռուստադիտողը հնարավորություն կունենա եթերում տեսնել այդ փոփոխությունները:

– Երկուշաբթի օրվանից լրատվության բլոկում կլինեն փոփոխությունները, իսկ հաղորդաշարերը եթեր կհեռարձակվեն փետրվարից: Նոր հաղորդումների ու փոփոխությունների ծավալը շատ մեծ է, մենք ուզում ենք, որ ամեն ինչ որակով լինի և նոր հաղորդաշարերը կհեռարձակենք հերթով:

– Հեռուստաընկերության լրատվական բաժնում, բացի նոր հաղորդումների ստեղծումից ու լուրերի ձևաչափից, այլ փոփոխություններ սպասվո՞ւմ են:

– Մենք նաև ակտիվ ենք լինելու շատ սոցիալական ցանցերում: «Ֆեյսբուք»-ի և «Յութուբ»-ի մեր էջերն են արդեն թարմացվում, «Տելեգրամ»-ում ենք մշտապես ակտիվ լինելու: Մենք գրոհելու ենք բոլոր հնարավոր սոցիալական հարթակներում, որպեսզի հնարավորինս հասանելի լինենք քաղաքացուն:

HayNews.am
 
Նմանատիպ նորություններ
Երկնքում բացված առեղծվածային «խոռոչը» վախեցրել է ԱՄԷ-ի բնակչներին
19 Մարտի 2019 - 21:16
ԱՄԷ-ի Էլ-Այն քաղաքի բնակիչները մթնոլորտային տարօրինակ երևույթի են ականատես եղել։ Երկնքում անշարժ շրջանակ է գոյացել, որ շրջապատող ամպերից տարբերվում է մուգ գույնով։
Արմեն Սարգսյանը հյուրընկալել է Ելենա Վարդանովային և ՀՀ-ում ՌԴ դեսպան Սերգեյ Կոպիրկինին
19 Մարտի 2019 - 21:11
Հանրապետության նախագահ Արմեն Սարգսյանն այսօր հյուրընկալել է Մոսկվայի Միխայիլ Լոմոնոսովի անվան պետական համալսարանի ժուռնալիստիկայի ֆակուլտետի դեկան Ելենա Վարդանովային և Հայաստանում ՌԴ արտակարգ և լիազոր դեսպան Սերգեյ Կոպիրկինին, հայտնում են նախագահի աշխատակազմի հասարակայնության հետ կապերի վարչությունից:
Փոխվարչապետ Մհեր Գրիգորյանը ԵՄ գործընկերներին ներկայացրել է Կառավարության առանջնայնությունները
19 Մարտի 2019 - 21:01
Փոխվարչապետ Մհեր Գրիգորյանն ընդունել է Եվրոպական հանձնաժողովի հարևանության և ընդլայնման բանակցությունների հարցերով գլխավոր տնօրինության արևելյան հարցերով տնօրեն Լոուրենս Մերեդիթի գլխավորած պատվիրակությանը: Հանդիպմանը ներկա էր նաև ՀՀ-ում ԵՄ պատվիրակության ղեկավար, դեսպան Պյոտր Սվիտալսկին:
Հրապարակվել է Կամչատկայի մոտակայքում տեղի ունեցած երկնաքարի պայթյունը պատկերող տեսանյութը
19 Մարտի 2019 - 20:24
Համացանցում տեսանյութ է հրապարակվել, որում երևում է երկնաքարի պայթյունը, որը տեղի էր ունեցել Բերինգի ծովի օդային տարածքում՝ Կամչատկա թերակղզու ափամերձ շրջանում: Այս մասին հայտնում է Gazeta.ru-ն:
Կապանցի 31–ամյա կինն ու տղամարդը «Օդնոկլասնիկի» կայքի միջոցով խոշոր գումարներ են հափշտակել. ՔԿ
19 Մարտի 2019 - 20:20
ՀՀ քննչական կոմիտեի ՀԿԳ քննության գլխավոր վարչության կոռուպցիոն, սեփականության դեմ ուղղված հանցագործությունների և կիբեռհանցագործությունների քննության վարչությունում ավարտվել է համակարգչային տեխնիկայի օգտագործմամբ խոշոր չափերով հափշտակություններ կատարելու և փողերի լվացման դեպքերի առթիվ հարուցված քրեական գործի նախաքննությունը: Մեղադրանք է առաջադրվել երկու անձի:
Վարչապետը և ամերիկահայ գործարար Ջեյմս Թուֆենկյանը քննարկել են Արենի համայնքում կառուցվող հյուրանոցային համալիրի ներդրումային ծրագիրը
19 Մարտի 2019 - 20:14
Վարչապետ Նիկոլ Փաշինյանն այսօր ընդունել է ամերիկահայ գործարար, բարերար և ճանաչված դիզայներ Ջեյմս Թուֆենկյանին:
Այտին կրակված փամփուշտը «ներշնչած» հնդիկ տղամարդուն հաջողվել է կենդանի մնալ
19 Մարտի 2019 - 20:12
Հնդկաստանում բժիշկներին հաջողվել է հանել այցելուի շնչուղիներում մնացած փամփուշտը՝ տեղեկացնում է Daily Mail-ը։
Երևանի պատվիրակությունը տրանսպորտի ռեֆորմի հարցով մեկնել է Չեխիա
19 Մարտի 2019 - 20:10
Երևանի քաղաքապետարանի պատվիրակությունը՝ քաղաքապետի առաջին տեղակալ Հրաչյա Սարգսյանի գլխավորությամբ, հնգօրյա աշխատանքային այցով մեկնել է Չեխիա:
Արարատ Միրզոյանը գերմանացի գործընկերներին առաջարկել է դիտարկել ՀՀ-ում Հայ-գերմանական համալսարան հիմնելու հարցը
19 Մարտի 2019 - 20:08
ՀՀ Ազգային ժողովի նախագահ Արարատ Միրզոյանի ղեկավարած պատվիրակությունը, որը պաշտոնական այցով մարտի 18-21-ը գտնվում է Գերմանիայում, մարտի 20-ին հանդիպում է ունեցել Բունդեսթագի նախագահ Վոլֆգանգ Շոյբլեի հետ:
1 | 2 | 3 | 4 | 5 | 6 | 7 | 8 | 15579
 
Լրահոս`
 
 
 
 
 
 
 
 
 
 
 
 
ԵՄ-ն ԱՄՆ-ին մեղադրում է եսասիրության մեջ
Միջազգային, Հասարակություն, Քաղաքական
 
Bentley-ն 5 կոլեկցիոն Bentayga կթողարկի (Տեսանյութ)
Հասարակություն, Տեսանյութեր