Facebook   Twitter
 
Քաղաքապետարանը ստեղծում է կենդանիների վնասազերծման իր կենտրոնը. (տեսանյութ)

Քաղաքապետարանը ստեղծում է կենդանիների վնասազերծման իր կենտրոնը. (տեսանյութ)

11 Փետրվարի 2019 - 23:36
Երևանի քաղաքապետարանը թափառող շների խնդրի մասին միայն վերջին 2 ամսում ստացել է ավելի քան 700 ահազանգ: Հիմնախնդիրը լուծելու համար նախատեսվում է ստեղծել «Թափառող կենդանիների վնասազերծման կենտրոն»:
«Մշակեցինք ծրագիր և հասկացանք, որ այն պետք է իրականացվի քաղաքապետարանի ներքո գործող կազմակերպության միջոցով, որպեսզի չունենանք ռիսկեր և ապահովվի ծրագրի շարունակականությունը:Բացի այդ, չհետապնդի բիզնես նպատակ»,- նշում է քաղաքապետարանի բնապահպանության վարչության պետ Խաչիկ Հակոբյանը:

Կենտրոնը կունենա անասնաբուժական կլինիկա և կացարան: Միջազգային լավագույն փորձը տեղայնացնելու համար Երևան կհրավիրվեն նաև օտարազգի մասնագետներ: Մայրաքաղաքի տարբեր հատվածներից մասնագիտացված մեքենաները շներին կտեղափոխեն կենտրոն: Տեղում մասնագետները կզննեն, կպատվաստեն, կբուժեն և կստերջացնեն կենդանիներին:

«Ներկա պահին առկա ամբողջ տեղեկատվությունն իրացնելով՝ պետք է նշեմ, որ մուտքագրված է 6000 էգ շուն, որից 4500-ն առաջին տարում կստերջացվի», - նշում է Խաչիկ Հակոբյանը:

Անասնաբույժի ցուցումով շները կացարանում կմնան մի քանի ժամից մինչև մի քանի օր: Այնուհետ կհամարակալվեն և կհանձնվեն տարբեր ընտանիքների ու կազմակերպությունների խնամքին կամ բաց կթողնվեն նույն վայրեր:

«Մինչև մեր ենթակառուցվածքների ձևավորումը՝ նախատեսում ենք, որ աշխատանքները կիրականացնենք այլ կլինիկաների հետ համագործակցությամբ: Ծրագիրը շարունակական է և 4-5 տարում, եթե ծրագիրը նաև հարևան համայնքներում նմանատիպ լուծում ստանա, ակնկալվում է դրանց քանակը հասցնել նվազագույնի կամ միգուցե կարողանանք ունենալ թափառող շների մայրաքաղաք»,- նշում է Խաչիկ Հակոբյանը:

Օվսաննա Հովսեփյանն արդեն երկար տարիներ զբաղվում է կենդանիների պաշտպանությամբ: Այժմ, Երևանի ավագանու կազմում իր աշխատանքը շարունակելով, նա կարծում է, որ քաղաքապետարանի ծրագիրը կարևոր է թե կենդանիների, թե քաղաքացիների համար.

«Այսքան տարիների մեր պայքարից հետո ես առաջին անգամ թունելի վերջում լույս եմ տեսնում: Այսօր քաղաքային իշխանությունը ճիշտ ուղղության վրա է: Սպանդով խնդիրը երբեք չէր լուծվելու: Իրականում ստերջացումն այն միակ միջոցն է, որի շնորհիվ կարող ենք հասնել այն բանին, որ փողոցներում թափառող կենդանիներ չլինեն: Ստերջացված շունը չի ունենում ձագեր, չի կազմում ոհմակ, ինչն այսօր այնքան անհանգստացնում է մեր քաղաքացիներին» ,- նշում է «Դինգո թիմ» ՀԿ հիմնադիր Օվսաննա Հովսեփյանը:

HayNews.am
 
Նմանատիպ նորություններ
Երևանյան դեղատներից մեկից հափշտակվել է 1200 դոլար (տեսանյութ)
18 Ապրիլի 2019 - 20:48
Ոստիկանության Շենգավիթի բաժնի հետաքննչական բաժանմունքում նյութեր են նախապատրաստվում երեկ՝ ապրիլի 17-ին, Շենգավիթ վարչական տարածում տեղի ունեցած անձնական ունեցվածքի գողության փաստով:

Կրասնոյարսկում քամին տապալել է բետոնե սյուները (Տեսանյութ)
18 Ապրիլի 2019 - 16:13
Ռուսաստանի Դաշնության Կրասնոյարսկ քաղաքում ուժեղ քամին տապալել է երկու բետոնե սյուները, որոնք ընկել են բանուկ փողոցի վրա, գրում է РИА Новости-ն:
Շոտլանդիայում գնդակահարել են «Ասեղի վրա» ֆիլմի շարունակության դերասանին (Տեսանյութ)
18 Ապրիլի 2019 - 15:30
Շոտլանդիայի Էդինբուրգ քաղաքի կենտրոնում, իր տան մոտ, սպանվել է «T2 Trainspotting»-ի դերասան Բրեդլի Ուելշը, հաղորդում է The Sun-ը:
Բնապահպանության նախարարությունը հետաքրքրվա՞ծ չէ Ամուլսարի գործով. դատավորը՝ ներկայացուցչին
18 Ապրիլի 2019 - 12:35
Ապրիլի 17-ին Ամուլսարի գործով դատավարության ընթացքում դատավոր Կարեն Զարիկյանը չընդունեց «Լիդիան Արմենիա» ընկերության փաստաբան Սայադ Բադալյանի միջնորդությունը դատական գործին փորձագետ Հարդներին ներգրավելու կապակցությամբ:
Սուս մնա հլա, ձեր չափը ճանաչեք, այլապես մեր խոսակցությունն այլ կերպ կլինի․ վիճաբանություն՝ ԱԺ-ում. Տեսանյութ
18 Ապրիլի 2019 - 11:51
ԱԺ նիստը մեկնարկեց բավական լարված մթնոլորտում։ ԲՀԿ և «Իմ քայլը» խմբակցությունների միջև փոխադարձ մեղադրանքներ հնչեցին «Իմ քայլը» խմբակցության պատգամավոր Վահագն Հովակիմյանի ելույթից հետո։ Նա «Կառավարության կառուցվածքի և գործունեության մասին» ՀՀ օրենքի նախագծի քննարկման ժամանակ ընդդիմադիրների կողմից հնչեցրած մի քանի դիտարկումներին անդրադարձավ։
Ֆրանսիայի տաճարների զանգերը հնչել են ի հիշատակ Նոտր Դամի հրդեհի (Տեսանյութ)
17 Ապրիլի 2019 - 23:39
Փարիզի Սեն-Սյուլփիս եկեղեցու դիմաց գտնվող հրապարակը, որտեղ չորեքշաբթի երեկոյան պատարագ է մատուցվել, լեցուն է եղել մարդկանցով, տաճարի զանգերը հնչել են ժամը 18.54-ին, երբ Նոտր Դամի տաճարում հրդեհ է բռնկվել, հաղորդում է ՌԻԱ Նովոստին:
Ժան Պոլ Գոտյեն և Իրինա Շեյքը՝ հայ կոմպոզիտորի երաժշտությամբ ուղեկցվող հոլովակի նկարահանմանը (Տեսանյութ)
17 Ապրիլի 2019 - 22:08
Իրինա Շեյքը հայտնի է համարձակ և գովազդային սադրիչ արշավներով։ Մոդելն առանձնանում է յուրօրինակ գեղեցկությամբ, ինչը նրան հնարավորություն է տվել դառնալու հայտնի բազում ապրանքանիշերի դեմքը։
ՌԴ Օրենբուրգի շրջանում տեսախցիկը ֆիքսել է մանկական կենտրոնի մոտ զբոսնող արջին (Տեսանյութ)
17 Ապրիլի 2019 - 20:45
Այսօր ռուսական vgae.ru կայքում հայտնվել է տեսանյութ, որում երևում է, թե ինչպես է արջը զբոսնում Ռուսաստանի Դաշնության Օրենբուրգի շրջանի Գայ քաղաքում գտնվող «Ռադուգա» մանկական կենտրոնի շրջակայքում:
Բնապահպանական վճարների հիմքում դրվել է շրջակա միջավայրի աղտոտման կանխարգելման սկզբունքը. Նախարար
17 Ապրիլի 2019 - 20:02
Բնապահպանության նախարար Էրիկ Գրիգորյանը այսօր՝ ապրիլի 17-ին, հանդիպել է Հայաստանում Բուլղարիայի Հանրապետության արտակարգ եւ լիազոր դեսպան Ցոցորկովա-Կայմակտչիեւա Մարիա Պավլովային։ Այս մասին NEWS.am-ին հայտնում են Բնապահպանության նախարարության մամուլի ծառայությունից:
1 | 2 | 3 | 4 | 5 | 6 | 7 | 8 | 1055
 
Լրահոս`
 
 
 
Դեսպան Աթաբեկյանի այցը Զահլե քաղաք
Միջազգային, Հասարակություն