Facebook   Twitter
 
Հայաստանն արժևորում է Իրանի հետ ձևավորված բարձր մակարդակի քաղաքական երկխոսությունը, համագործակցությունը. Զոհրաբ Մնացականյան

Հայաստանն արժևորում է Իրանի հետ ձևավորված բարձր մակարդակի քաղաքական երկխոսությունը, համագործակցությունը. Զոհրաբ Մնացականյան

12 Փետրվարի 2019 - 10:57
ԱԳ նախարար Զոհրաբ Մնացականյանը ելույթով է հանդես եկել Իրանի Իսլամական հեղափոխության 40-ամյակի կապակցությամբ ընդունելությանը.
«Ձերդ գերազանցություն,

Մեծարգո պարոն դեսպան,
Ողջունում եմ իմ բազմաթիվ գործընկերներին, կառավարության անդամներին, խորհրդարանի անդամներին, դիվանագիտական կորպուսի ներկայացուցիչներին և Իրանով զբաղվող և նրանով հետաքրքրվող, երկկողմ հարաբերություններում անմիջապես ներգրավված մեր բազմաթիվ գործընկերներին: Այս բազմամարդ ներկայությունն արտահայտում է այն վերաբերմունքը, որ Հայաստանն ունի մեր հարևանի և մեր մեծ բարեկամի՝ Իրանի Իսլամական Հանրապետության հանդեպ:

Ջերմորեն շնորհավորում եմ Իրանի բարեկամ ժողովրդին` Իսլամական հեղափոխության 40-րդ հոբելյանական տարեդարձի կապակցությամբ: Գիտենք, թե ինչ մեծ կարևորություն և խորհուրդ ունի այս տոնը Իրանի բարեկամ ժողովրդի համար, և այս ընդունելությունն էլ մաս է կազմում այն մեծ տոնակատարությունների, որոնք այս օրերին կազմակերպվում են Իրանում և նրա սահմաններից դուրս։

Հայաստանն ու Իրանը տարածաշրջանի հնամենի և հարուստ քաղաքակրթությունների ժառանգներն են, որոնց հազարամյակների հարևանությունը կապել է բազմաթիվ ամուր թելերով: Դա նախ և առաջ հարուստ համատեղ պատմությունն է, խոր հարգանքը երկու ժողովուրդների միջև, հոգածությունը միմյանց մշակույթի նկատմամբ և այս կուռ հիմքի վրա խարսխված բարիդրացիական փոխգործակցությունը:

Թեև նորօրյա միջպետական կապերն ընդամենը մի ակնթարթ են մեր երկու ժողովուրդների հինավուրց փոխհարաբերությունների շտեմարանում, սակայն, անկախությունը վերստին կերտած Հայաստանի համար դրանք բնորոշում են հաստատման ու կայացման մի կարևորագույն փուլ, որտեղ Իրանը հանդիսացել է մեր անփոխարինելի ուղեկիցը:

Մեր երկու ժողովուրդների բարեկամությունը, հատկապես այսօր, կարող է ի ցույց դրվել, որպես տարբեր կրոնների ու քաղաքակրթությունների միջև միջմշակութային երկխոսության ու համակեցության վառ օրինակ և խորհրդանիշ տարբեր տարածաշրջաններում խաղաղության ու կայունության հաստատման համար:

Հայաստանն արժևորում է Իրանի հետ ձևավորված բարձր մակարդակի քաղաքական երկխոսությունը, առևտրատնտեսական սերտ համագործակցությունը, մշակութային, գիտակրթական կապերը, մարդկանց միջև շփումները, փոխգործակցությունը շատ այլ ոլորտներում:

Լիահույս եմ, որ համատեղ ջանքերի շնորհիվ հայ-իրանական ավանդական ջերմ և բարեկամական հարաբերություններն այսուհետ ևս կշարունակեն ամրապնդվել և զարգանալ՝ արձանագրելով փոխշահավետ համագործակցության նոր ձեռքբերումներ:

Պարո՛ն դեսպան,

Ուզում եմ նաև անձամբ Ձեզ շնորհակալություն հայտնել՝ Ձեր ներդրման համար մեր երկու ժողովուրդների, մեր երկու պետությունների միջև առավելություններն ամրապնդելու գործում: Այս տեսահոլովակը, որ դիտեցինք, մի կարճ պատմություն էր այն մեծ աշխատանքի մասին, որ Դուք Ձեր կողմից և մենք ու մեր գործընկերներն այստեղ, մեր դեսպանն Իրանում ներդնում ենք, որպեսզի էլ ավելի հարստացնենք այն, ինչ որ կառուցվել է դարերով: Մենք ունենք մեր պատասխանատվությունն այդ երկկողմ հարաբերություններն առավել հարստացնելու և խորացնելու համար:

Դուք արդեն նշեցիք այն հարուստ օրակարգը, որ մեր երկու երկրներն ունեն, և ես միայն վերահաստատում եմ այդ օրակարգը, այն նպատակները, որ մեր առջև դրված են, և որոնք մենք մտադիր ենք միասին իրականացնել:

Իրանի Իսլամական Հանրապետության այս կարևոր տոնի կապակցությամբ ևս մեկ անգամ շնորհավորում եմ Իրանի ժողովրդին, Իրանի բարձր ղեկավարությանը և կառավարությանը, դեսպանության աշխատակիցներին և անձամբ Ձեզ, պարո՛ն դեսպան՝ մաղթելով հարատև խաղաղություն, բարօրություն և նորանոր ձեռքբերումներ»:

HayNews.am
 
Նմանատիպ նորություններ
Հայոց ցեղասպանության թեմայով համաժողով Նյու Դելիում
25 Ապրիլի 2019 - 22:43
Ապրիլի 24-ին Հնդկաստանի առաջատար Ջավահառլալ Ներուի անվան համալսարանում տեղի ունեցավ Հայոց ցեղասպանության թեմայով համաժողով, որը կրում էր «Հիշողության քաղաքականությունը Հայաստանում» խորագիրը։
Լոս Անջելեսի կառավարիչների խորհուրդն ընդունեց Հայոց ցեղասպանությունը ոգեկոչող հռչակագիր
25 Ապրիլի 2019 - 22:42
Ապրիլի 23-ին, Լոս Անջելեսի մարզի կառավարիչ Ջենիս Հանի (Janice Hahn) գլխավորությամբ Լոս Անջելեսի կառավարիչների խորհուրդն ընդունեց Հայոց ցեղասպանությունը ոգեկոչող հռչակագիր, որում խորհրդի անդամները դատապարտում են 1915-23թթ. Օսմանյան կայսրության կողմից 1,5 մլն հայերի ցեղասպանությունը:
Հայոց ցեղասպանության 104-րդ տարելիցին նվիրված ձեռնարկներ Ուկրաինայում
25 Ապրիլի 2019 - 22:29
Ապրիլի 24-ին Կիևում Ուկրաինայի և Կիևի հայերի միությունները ՀՀ դեսպանության աջակցությամբ կազմակերպեցին Հայոց ցեղասպանության 104-ամյա տարելիցին նվիրված միջոցառումների շարք, որին մասնակցեցին նաև դեսպան Տիգրան Սեյրանյանը և դեսպանության աշխատակիցները։
ՔՊ–ն փակ նիստ է անցկացրել. որոշվել է համագումարի օրը
25 Ապրիլի 2019 - 22:28
Ավարտվել է «Քաղաքացիական պայմանագիր» կուսակցության նախաձեռնող խմբի նիստը։ Այս մասին հայտնեց ՔՊ խոսնակ ՎահանԿոստանյանը։
ՀՀ նախագահը ստորագրել է մի քանի օրենքներ
25 Ապրիլի 2019 - 22:25
Հանրապետության նախագահ Արմեն Սարգսյանն ապրիլի 25-ին ստորագրել է
Արայիկ Հարությունյանը հանդիպել է Ժորժ Կեպենեկյանի հետ
25 Ապրիլի 2019 - 22:17
ՀՀ կրթության և գիտության նախարար Արայիկ Հարությունյանն ընդունել է Լիոնի քաղաքապետի առաջին տեղակալ Ժորժ Կեպենեկյանի գլխավորած պատվիրակությանը:
ՀՀ դեսպան Աշոտ Հովակիմյանի հանդիպումը Չեխիայի ԱԳ նախարարի հետ
25 Ապրիլի 2019 - 22:16
Ապրիլի 25-ին Չեխիայում ՀՀ դեսպան Աշոտ Հովակիմյանին ընդունեց Չեխիայի ԱԳ նախարար Տոմաշ Պետրժիչեկը (Tomáš Petříček)։
Հայոց ցեղասպանության 104-րդ տարելիցին նվիրված միջոցառում Բաթումում
25 Ապրիլի 2019 - 21:17
Ապրիլի 24-ին, Հայոց ցեղասպանության 104-րդ տարելիցի կապակցությամբ, Բաթումի Սուրբ Փրկիչ Հայ առաքելական եկեղեցում կատարվեց Սրբոց բարեխոսության կարգ՝ ՀԱԵ վիրահայոց թեմի՝ տարածաշրջանի հոգևոր հովիվ Տեր Արարատ քահանա Գումբալյանի մատուցմամբ:
ԱԳ նախարար Մնացականյանի հանդիպումը ԵՊՀ Միջազգային հարաբերությունների ֆակուլտետի պրոֆեսորադասախոսական կազմի և ուսանողների հետ
25 Ապրիլի 2019 - 21:16
Ապրիլի 25-ին ՀՀ ԱԳՆ այցելեցին ԵՊՀ Միջազգային հարաբերությունների ֆակուլտետի տարբեր կուրսի ուսանողներ՝ ֆակուլտետի դեկան Գեղամ Պետրոսյանի և ամբիոնի վարիչ Վահրամ Պետրոսյանի ուղեկցությամբ, ինչի շրջանակներում տեղի ուենցավ հանդիպում ԱԳ նախարար Զոհրաբ Մնացականյանի հետ:
1 | 2 | 3 | 4 | 5 | 6 | 7 | 8 | 5331
 
Լրահոս`
 
 
 
 
 
 
 
 
 
 
 
 
 
 
 
 
 
 
 
ՀՀ նախագահը ստորագրել է մի քանի օրենքներ
Հասարակություն, Քաղաքական