Facebook   Twitter
 
Մհեր Եղիազարյանի մահվանից 40 օր է անցել

Մհեր Եղիազարյանի մահվանից 40 օր է անցել

08 Մարտի 2019 - 00:05
2019թ.-ի հունվարի 26-ին բոթը կայծակնային արագությամբ տարավծվեց՝ «Նուբարաշեն» ՔԿՀ-ում մահացել է Մհեր Եղիազարյանը: HayNews.am կայքի պատասխանատուն հացադուլ էր հայտարարել ձերբակալումից երկու օր անց 2018թ.-ի դեկտեմբերի 5-ին, մահացել՝ 44-օրյա հացադուլը դադարեցնելուց 9 օր անց:
Առեղծվածային ձերբակալում, կալանավորում ու նույնքան էլ առեղծվածային մահ:

Մհերի մահվանից 40 օր անց էլ շատ հարցեր դեռ մշուշոտ են, անհասկանալի, անբացատրելի…:

Ասենք, ինչու՞ Մհեր Եղիազարյանին ձերբակալեց ԱԱԾ, այն դեպքում, որ նա պետական գումարներ չէր յուրացրել: Պետության համար այդ որ լուրջ սպառանալիքի համար էր նրա գործը հենց ԱԱԾ-ին հանձնվել: Այն դեպքում, երբ Մհեր Եղիազարյանը, լավ գիտեր, որ 2018թ.-ի հուլիսից ԱԱԾ-ն գաղտնալսում է իր հեռախոսահամարները:

«...շարունակեցի իմ սովորության համաձայն խոսել, ինչպես խոսել եմ այս վերջին 28 տարիներին, բաց, ազատ արտահայտվել, միշտ ասել այն, ինչ անում եմ, քանի որ գաղտնի գործողություններից միշտ եղել եմ հեռու...»,- այս մասին գրել էր Մհեր Եղիազարյանը ձերբակալումից մի քանի օր առաջ:

Ինչու՞ գործը քննող քննիչ Էդգար Կարապետյանը արգելեց Մհեր Եղիազարյանի հետ հարազատների տեսակցությունը, արգելանք դրեց նաև հեռախոսազանգերի վրա: Ինչու՞, ինչի՞ց կամ ումի՞ց էին զգուշանում...

Ինչու՞ Մարդու իրավունքների պաշտպան Արման Թաթոյանը, հացադուլի 44 օրերի ընթացքում չայցելեց Մհեր Եղիազայնաին, այն դեպքում, երբ Եղիազարյանի տարածած հայտարարության մեջ նշված էր, մեջբերենք. «դիմում եմ ՀՀ մարդու իրավունքների պաշտպանի գրասենյակ՝ պաշտպանի հետ հանդիպման խնդրանքով»:

Ինչու՞ Արդարադատության նախարարությունը Մհեր Եղիազարյանի ձերբակալման, կալանավորման և հացադուլի ընթացում չցուցաբերց պատշաճ ջանադրություն:

Ինչու՞ Մհեր Եղիազարյանի մահվան օրը «Նուբարաշեն» ՔԿՀ-ում չկար ո´չ բժիշկ, ո´չ բուժակ:

Ինչու՞ Երևանի Կենտրոն և Նորք-Մարաշ վարչական շրջանների ընդհանուր իրավասության դատարանի դատավոր, ԲԴԽ անդամ Արմեն Բեկթաշյանը անտեսելով երկրորդ կարգի հաշմանդամ, առողջական լուրջ խնդիրներ ունեցող (որոնք էլ ավելի էին սրվել 2018թ.-ի դեկտեմբերի 5-ից կալանավայրում սկսած հացադուլի հետևանքով), 4 երաշխավորություններ, որոնցից երկուսը՝ ԱԺ պատգամավորներ Նաիրա Զոհրաբյանն ու Սերգեյ Բագրատյանն էին տվել, առկա 4 բնութագրեր (այդ թվում Եղիազարյանի ծննդյան վայրից, աշխատավայրից, բնակության վայրից՝ Սիսիանից), գործով 4 տուժողներից 2-ի գրությունը, որով նրանք հավաստում էին, որ այլևս պարտք ու պահանջ չունեն Եղիազարյանի հետ (այդ մասին ևս անհրաժեշտ բոլոր փաստաթղթերը ներկայացվել է դատարան) 2019թ.-ի հունվարի 14-ին մերժեցիք HayNews.am կայքի պատասխանատու Մհեր Եղիազարյանի պաշտպանների, նրան գրավի դիմաց ազատ արձակելու միջնորդությունը:

Այն դեպքում, երբ քրեական գործում չկար որևէ փաստ, որ Մ. Եղիազարյանը խոչնդոտել է կամ կարող էր խոչնդոտել նախաքննությանը, ինչպես նաև տարբեր ձևերով խուսափել պատասխանատվությունից:

Մինչև կալանավորումն էլ Մհերը մշտապես գտնվել է բժիշկների հսկողության տակ (այս ամենի մասին վկայող փաստաթղթերը ներկայացվել է եղել դատարան): Այս փաստերը արդյոք հիմք չէին դատարանի համար, որ Մհեր Եղիազարյանն ազատ արձակվեր գրավի դիմաց:

Կարծիք ու տպավորություն է ստեղծվում, որ իրականացվել է ընտրով, կամայական արդարադատություն: Ինչու՞:

Հնչեցված այս ինչուներին պատասխանել է պետք:

Մհեր Եղիազարյանը իր վերջին նամակում գրել էր. «…պետությունից մեկ լումա չեմ գողացել, հայրենիքս սիրել եմ շատ ավելի, քան ինձանից «հանցագործ» կերտողները՝ օրվա իշխանությունները:

Առայժմ ամբողջական պատկերացում չունեմ, թե այս ամենը իմ անձի շուրջ հանուն կամ ընդդեմ ինչի կամ ում համար է արվում, բայց վստահ եմ, որ ազնիվ ու արդար չէ այն ճանապարհը, որ ընտրվել է և այն գործելաոճը, որն իրականացվում է իմ անձի նկատմամբ:

Արդարանալու կամ այլ նպատակ չունեմ, այն, ինչ որ կներկայացվի իմ անձի մասին, ամենայն պատասխանատվությամբ հայտարարում եմ. որևէ աղերս չունի իրականության հետ»:

Մնում է սպասել ու հավատալ, որ բոլոր հարցերի իրական և սպառիչ պատասխանները կտա քննչական կոմիտեն, որտեղ Մհեր Եղիազարյանի մահվան հանգամանքները պարզելու նպատակով քրեական գործ է հարուցվել:

Հ.Գ. Զուր ու ապարդյուն են պետական պաշտոնյանների բերած այն բոլոր փաստարկները, թե Մհեր Եղիազարյանի նկատմամբ ցուցաբերվել է բավարար ուշադրություն, նա պարբերաբեր հետազոտվել է և այլն: Հետաքրքիր է, այդ ամենը կարող եք ասել նայելով որդեկորույս մոր, Մհերի այրու, որդիների, հարազատների աչքերի մեջ նայելով: Կարող եք ասել, որ արել եք Ձեզանից կախված հնարավոր ամենը, բայց Մհերի կյանքը փրկել չեք կարողացել: Իհարկե չեք կարող, ոչ թե նրա համար, որ համարձակություն չեք ունենա, այլ որովհետև գիտեք, որ Մհերը իր մահկանացուն կնքեց անմարդկային պայմաներում, անտեսված ու անտարբերության մատնված...

HayNews.am
 
Նմանատիպ նորություններ
Արտակարգ դեպք Լոռու մարզում. 60-ամյա տղամարդը դիմել է ոստիկանություն և հայտնել, որ գյուղապետը իրեն ծեծի է ենթարկել
01 Մայիսի 2019 - 00:03
SHAMSHYAN.com-ի տեղեկություններով՝ ոստիկանության Սպիտակի բաժնի հետաքննչական բաժանմունքում նյութեր են նախապատրաստվում՝ երեկ՝ ապրիլի 29-ին, ոստիկանության Սպիտակի բաժին դիմած Երևան քաղաքի բնակիչ, 60-ամյա Մարտին Սահակյանի դիմումի փաստով:
Պուտինը հետ է կանչել Բելառուսիայում ռուս դեսպանին
01 Մայիսի 2019 - 00:00
ՌԴ նախագահ Վլադիմիր Պուտինը հետ է կանչել Բելառուսիայում ռուս դեսպան Միխայիլ Բաբիչին և պաշտոնանկ է արել նրան: Այս մասին հաղորդում է РИА Новости-ն:
Հաղորդավարը եթերում առանց թույլտվության համուբուրել է մի կնոջ և զայրացրել Շառլիզ Թերոնին (Տեսանյութ)
30 Ապրիլի 2019 - 23:57
Դերասանուհի Շառլիզ Թերոնը դատապարտել է ֆրանսիացի հեռուստահաղորդավար Սիրիլ Հանունայի պահվածքը, որը հանկարծակի համբուրել է ստուդիայում գտնվող կնոջը: Նրա բողոքներին միացել են Համացանցի շատ օգտատերեր։
Բերդում «Opel»-ը դուրս է եկել երթևեկելի գոտուց և բախվել էլեկտրական սյանը
30 Ապրիլի 2019 - 23:55
Ապրիլի 30-ին, ժամը 22:00-ին «911» ծառայությանը տեղեկություն է հաղորդվել, որ Տավուշի մարզի Բերդ քաղաքի «Ֆլեշ» բենզալցակայանի մոտ տեղի է ունեցել ՃՏՊ, ավտոմեքենան բախվել է էլեկտրական սյանը. անհրաժեշտ է փրկարարների օգնությունը:
Հայ-լեհական դարավոր բարեկամությանը նվիրված Արամ Խաչատրյանի անվան տրիոյի համերգ՝ Վարշավայում
30 Ապրիլի 2019 - 23:51
Ապրիլի 29-ին Վարշավայի «Լաժենկի պուրակի թագավորական պալատի թատրոնի սրահում տեղի ունեցավ հայ-լեհական դարավոր բարեկամությանը և Լեհաստանի պետականության վերականգնման հարյուրամյակին նվիրված «Արամ Խաչատրյանի անվան տրիոյի» համերգը:
Վենեսուելայում բախումների հետևանքով 35 մարդ է տուժել. լրատվամիջոցներ
30 Ապրիլի 2019 - 23:49
Վենեսուելայի մայրաքաղաք Կարակասի Ալտամիրա ճանապարհային հանգույցի տարածքում ցուցարարների և իրավապահ մարմինների ներկայացուցիչների միջև տեղի ունեցած բախումների հետևանքով շուրջ 35 մարդ է տուժել, հաղորդում են լրատվամիջոցները:
Ջուր չի լինելու
30 Ապրիլի 2019 - 23:41
«Վեոլիա Ջուր» ընկերությունը տեղեկացնում է իր հաճախորդներին և սպառողներին, որ պլանային աշխատանքներով պայմանավորված,ս.թ. մայիսի 2-ին ժամը 10:00-ից մինչև մայիսի 3-ը ժամը 10։00 կդադարեցվի`
Ինչո՞ւ չի կարելի վստահել հղիության սովորական թեստերին
30 Ապրիլի 2019 - 23:39
Հղիության թեստերի հանդեպ զգույշ վերաբերմունք պետք է ցուցաբերել, քանի որ 11 թեստից 9-ը հաճախ կարող է կեղծ բացասական արդյունք ցույց տալ. կինը կարող է հղիանալ, բայց թեստը դա կարող է ցույց չտալ։ Այս մասին նախազգուշացնում են Վաշինգտոնի համալսարանի աշխատակիցները։
Մեսին իմ տեսած լավագույն ֆուտբոլիստն է. Կլոպ
30 Ապրիլի 2019 - 23:37
Մեսին իմ տեսած լավագույն ֆուտբոլիստն է, ասել է անգլիական «Լիվերպուլի» գերմանացի գլխավոր մարզիչ Յուրգեն Կլոպը «Բարսելոնայի» դեմ Չեմպիոնների լիգայի կիսաեզրափակիչի առաջին հանդիպման նախօրեին։
1 | 2 | 3 | 4 | 5 | 6 | 7 | 8 | 17888
 
Լրահոս`
 
Պուտինը հետ է կանչել Բելառուսիայում ռուս դեսպանին
Միջազգային, Հասարակություն, Քաղաքական
 
 
 
 
 
Ջուր չի լինելու
Հասարակություն
 
 
 
 
Բախումներ Վենեսուելայում. ԶԼՄ-ներ
Միջազգային, Հասարակություն, Քաղաքական