Facebook   Twitter
 
ՀՀ բնապահպանության նախարարի՝ ՉԺՀ կատարած այցի մասին

ՀՀ բնապահպանության նախարարի՝ ՉԺՀ կատարած այցի մասին

29 Ապրիլի 2019 - 16:15
Չինական կողմի հրավերով ապրիլի 25–27-ը ՀՀ բնապահպանության նախարար Էրիկ Գրիգորյանը մասնակցեց «Գոտի և ճանապարհ 2-րդ միջազգային համաժողովին»։
Այցի շրջանակներում նախարար Գրիգորյանն ապրիլի 25-ի առավոտյան մասնակցեց «Գոտի և ճանապարհ միջազգային կանաչ զարգացման կոալիցիայի» մեկնարկին նվիրված պլենար նիստին, իսկ օրվա երկրորդ կեսին՝ «Կանաչ Մետաքսի ճանապարհ» թեմատիկ համաժողովին, որտեղ հանդես եկավ ելույթով։ Թեմատիկ համաժողովի շրջանակներում նախարար Գրիգորյանը հանդիպում ունեցավ իր չին պաշտոնակցի՝ ՉԺՀ էկոլոգիայի և շրջակա միջավայրի նախարար Լի Գանծիեի հետ (Li Ganjie)։

Հանդիպման ընթացքում քննարկվեցին ՀՀ շրջակա միջավայրի մշտադիտարկման համակարգի կատարելագործմանը, Չինաստանում անցկացվող շրջակա միջավայրի պահպանության ոլորտում վերապատրաստման դասընթացներին ՀՀ բնապահպանության նախարարության մասնագետների մասնակցությանն առնչվող, ինչպես նաև երկկողմ հետաքրքրություն ներկայացնող այլ հարցեր։ Հանդիպման վերջում տեղի ունեցավ «Հայաստանի Հանրապետության բնապահպանության նախարարության և Չինաստանի Ժողովրդական Հանրապետության Էկոլոգիայի և շրջակա միջավայրի նախարարության միջև բնապահպանության ոլորտում համագործակցության վերաբերյալ» փոխըմբռնման հուշագրի ստորագրման արարողություն։

Ապրիլի 26-ին նախարար Գրիգորյանը մասնակցեց «Գոտի և ճանապարհ 2-րդ միջազգային համաժողովի» բացման արարողությանը, բարձրաստիճան ղեկավարների համաժողովին, կարճ հարցազրույց տվեց ՉԺՀ պետական CCTV-13 հեռուստաալիքին, հանդիպում ունեցավ ՉԺՀ անտառների, մարգագետինների, զբոսայգիների ազգային վարչակազմի ղեկավարի տեղակալ Փընգ Յոուդոնգի (Peng Youdong) հետ։ Քննարկվեցին Հայաստանում անապատացման և հողերի դեգրադացման դեմ պայքարի ոլորտում ՉԺՀ փորձի կիրառման, դրա շրջանակներում համատեղ պիլոտային ծրագրի իրականացման, հետագա համագործակցության վերաբերյալ հարցեր, ձեռք բերվեցին հստակ պայմանավորվածություններ հետագա գործողությունների վերաբերյալ։

Նույն օրը նախարար Գրիգորյանը մասնակցեց ՉԺՀ նախագահ Սի Ծինփինի կողմից Համաժողովի բարձրաստիճան հյուրերի պատվին կազմակերպված ընթրիքին։

HayNews.am
 
Նմանատիպ նորություններ
Վանաձորի առողջարանի տարածքում հաստաբուն ծառեր են հատվել. տնօրենը վստահեցնում է՝ ծառերը հիվանդ ու վտանգավոր են եղե
30 Ապրիլի 2019 - 22:54
Լոռու մարզում գտնվող «Վանաձոր» առողջարանի տարածքում օրեր առաջ շուրջ 10 հաստաբուն ծառ է հատվել: Շուրջ 20 ծառեր էլ խոր էտ են արվել:
«Խոսրովի անտառում» հայտնված կովկասյան ընձառյուծը դեռևս արգելոցի տարածքում է (Լուսանկարներ)
30 Ապրիլի 2019 - 14:32
ՀՀ բնապահպանության նախարարության, «Խոսրովի անտառ» պետական արգելոցի և մեր գործընկերներ Բնության համաշխարհային հիմնադրամի (WWF Armenia),Կովկասի բնության հիմնադրամի (CNF - Caucasus Nature Fund) համատեղ աշխատանքների արդյունքում 2018թ. հունվարի 23-ին «Խոսրովի անտառ» պետական արգելոցում հայտնված կովկասյան ընձառյուծը դեռևս գտնվում է արգելոցի տարածքում:
Կովկասի բնության հիմնադրամը Հայաստանի բնության հատուկ պահպանվող տարածքներին հատկացրել է նոր գումարներ
29 Ապրիլի 2019 - 17:01
Կովկասի բնության հիմնադրամը (CNF) վերջերս իրականացրեց 2019 թվականի առաջին փոխանցումները (մոտ 330 հազար եվրո) ՀՀ հետեւյալ պահպանվող տարածքներին. «Խոսրովի անտառ» պետական արգելոցին (110 հազար եվրո), «Զանգեզուր» կենսոլորտային համալիրին (92 հազար եվրո), «Դիլիջան» ազգային պարկին (87 հազար եվրո) եւ «Արփի լիճ» ազգային պարկին (40,000 եվրո):
Երևանի կենդանաբանական այգում սատկել է Բինգո անունով սպիտակ վագրը
29 Ապրիլի 2019 - 14:22
Երևանի կենդանաբանական այգում ապրիլի 29-ի առավոտյան երկարատև հիվանդությունից հետո գրանցվել է Բենգալյան վագրի՝ Բինգոյի բնական մահը:
Վայոց ձորում տեսախցիկը կրկին ընձառյուծ է ֆիքսել
28 Ապրիլի 2019 - 11:36
WWF Հայաստանի և «Բեզոար» բնապահպանական հիմնադրամի համագործակցության շրջանակում կրկին տեսախցիկները ընձառյուծ են ֆիքսել։ Այս տեղեկությունն ու տեսանյութը հրապարակվել են Բնության համաշխարհային հիմնադրամի հայաստանյան մասնաճյուղի (WWF Armenia) ֆեյսբուքյան էջում։
Երկու օրում երեք հրդեհ․ Սեւանի ճանապարհին, Գյումրիում, Արթիկում 1,2 հեկտար խոտածածկ տարածք է այրվել
28 Ապրիլի 2019 - 09:37
ԱԻՆ ՓԾ Ճգնաժամային կառավարման ազգային կենտրոնում ապրիլի 27-28-ն ահազանգեր են ստացվել Հայաստանի տարբեր խոտածածկ տարածքներում բռնկված հրդեհների վերաբերյալ:
Ապօրինի ծառահատում՝ Լոռիում. փայտանյութով բեռնված «ԶԻԼ»-ը տեղափոխվել է ոստիկանության պահպանվող հատուկ տարածք
27 Ապրիլի 2019 - 16:53
Ապրիլի 26-ին, ժամը 16.30-ի սահմաններում, ոստիկանության Թումանյանի բաժնի ծառայողները, ծառայություն կատարելու ժամանակ, «Հայանտառ» ՊՈԱԿ «Դսեղի անտառտնտեսություն» մասնաճյուղի Մարցի անտառպետության «Բարդուտի գլուխ» կոչվող տարածքում հայտնաբերել են «ԶԻԼ-131» մակնիշի ավտոմեքենա՝ բեռնված մոտ 6 խմ փայտանյութով:
662 ապօրինի հատված ծառեր՝ մեկ շաբաթում. Միայն «Դսեղի անտառտնտեսություն»-ում 193 ծառ է հատվել
26 Ապրիլի 2019 - 17:03
ԲՆ անտառային կոմիտեի «Հայանտառ» ՊՈԱԿ-ի անտառտնտեսություններում, պահպանության աշխատանքներ իրականացնելիս, պահախմբի աշխատակիցների կողմից բացահայտվել են հին և թարմ ապօրինի ծառահատման դեպքեր, որոնց մասին արձանագրություններն ուղարկվել են Բնապահպանության և ընդերքի տեսչական մարմնին։
Գլաձորի ճնշող մեծամասնությունը դեմ է մետաղական հանքարդյունաբերությանը․ 2152 բնակչի ստորագրությամբ հանրագիր են ներկայացրել համայնքապետին. ՀԲՃ
26 Ապրիլի 2019 - 10:10
Վայոց Ձորի մարզի Գլաձոր խոշորացված համայնքի բնակիչները համայնքի ղեկավարին և ավագանուն են հանձնել 2152 բնակչի ստորագրությամբ հանրագիր՝ մետաղական հանքարդյունաբերությունն արգելելու և համայնքն էկո-տնտեսական տարածք դարձնելու վերաբերյալ։ Այս մասին տեղեկացնում է Հայկական բնապահպանական ճակատ քաղաքացիական նախաձեռնությունը:
1 | 2 | 3 | 4 | 5 | 6 | 7 | 8 | 139
 
Լրահոս`
 
Պուտինը հետ է կանչել Բելառուսիայում ռուս դեսպանին
Միջազգային, Հասարակություն, Քաղաքական
 
 
 
 
 
Ջուր չի լինելու
Հասարակություն
 
 
 
 
Բախումներ Վենեսուելայում. ԶԼՄ-ներ
Միջազգային, Հասարակություն, Քաղաքական