Facebook   Twitter
 
Միջազգային հաջողված փորձը կլինի բարեփոխումների առանցքում

Միջազգային հաջողված փորձը կլինի բարեփոխումների առանցքում

14 Հունիսի 2018 - 19:10
ՀՀ կրթության և գիտության նախարար Արայիկ Հարությունյանն ընդունել է Գերմանիայի Դաշնային Հանրապետության արտակարգ և լիազոր դեսպան Բերնհարդ Մաթիաս Քիսլերի գլխավորած պատվիրակությանը, որի կազմում էին Հայաստանում գործող գերմանական կրթամշակութային ծրագրերի և կառույցների ներկայացուցիչները:
Ողջունելով պատվիրակությանը` նախարարը նշել է, որ նոր կառավարությունը կարևորում է բարեկամ պետությունների և միջազգային կառույցների հետ հարաբերությունների սերտացումը: Այս համատեքստում նախարարն ընդգծել է, որ միջազգային հաջողված փորձը մեր երկրում ընթացող կրթության բարեփոխումների համար արդյունավետ է. «Գերմանիան այն երկրին է, որի հետ կրթության ոլորտում համագործակցության զգալի հաջողություններ ենք արձանագրել, ընդ որում՚ կրթության գրեթե բոլոր աստիճաններում: Մեզ համար շատ կարևոր է Գերմանիայի կողմից մեր ավագ դպրոցի ավարտական վկայականի ճանաչումը:

Գերմանիայի նման երկրի կողմից մեր հանրակրթության ոլորտի կարևորագույն փաստաթղթի ճանաչումը բարձրացնում է մեր հանրակրթության ոլորտի հեղինակությունը միջազգային ասպարեզում»,-նշել է Արայիկ Հարությունյանը: Ներկայացնելով կրթության ոլորտում նախանշվող բարեփոխումները՝ նախարարը նշել է, որ դրանք ընդգրկելու են կրթության բոլոր աստիճանները: Նա առանձնացրել է ավագ դպրոցների հիմնախնդիրները՝ շեշտելով, որ 12-ամյա կրթության համակարգը անշրջելի է, սակայն բարեփոխումների արդյունքում անհրաժեշտ է նոր բովանդակություն հաղորդել: Անդրադառնալով մասնագիտական կրթության ոլորտին` նախարարն ընդգծել է ՄԿՈՒ ոլորտի կայացման և «Բարձրագույն կրթության մասին» ՀՀ օրենքի նոր նախագծի կարևորությունը, մասնավորապես շեշտելով բուհերի խորհուրդների ապաքաղաքականացման, ակադեմիական ինքնավարության և անկախության հարցերը:

Հանդիպման ընթացքում ԿԳ նախարարը կարևորել է համակարգում առկա կոռուպցիայի դեմ պայքարը՚ շեշտելով, որ առկա է քաղաքական բավարար կամք և նոր կառավարությունը, Արայիկ Հարությունյանի հավաստմամբ, միջազգային կառույցներից այդ նպատակով ֆինանսական աջակցության ակնկալիք չունի: Նախարարը բարձր է գնահատել գերմանական կողմի առանձնահատուկ վերաբերմունքը կրթության ոլորտի համագործակցության հարցերին, ինչի վկայությունն է հանդիպման ներկայացուցչական կազմը:

Գերմանիայի դեսպան Բերնհարդ Մաթիաս Քիսլերն իր գոհունակությունն է հայտնել կրթության ոլորտում առկա համագործակցության բարձր մակարդակի առնչությամբ: Նա առանձնացրել է գերմաներեն լեզվի դասավանդման արդյունավետության բարձրացման հարցերը՝ նշելով, որ այդ նպատակով ՀՀ կրթության և գիտության նախարարության հետ համատեղ ստեղծվել է աշխատանքային խումբ, համախմբել են Հայաստանում գործող գերմանական կրթամշակութային կառույցների ջանքերը: Համագործակցության շրջանակում դեսպան Քիսլերն անդրադարձել է նաև ուսանողների փոխանակման, կրթաթոշակների տրամադրման և ՄԿՈՒ ոլորտում իրականացվող ծրագրերին:

Հանդիպմանը ներկա էին ՀՀ-ում ԳԴՀ դեսպանատան պատասխանատուները, ԳԱՓԾ (Գերմանիայի ակադեմիական փոխանակման ծրագրի /DAAD/), Արտասահմանյան դպրոցների կենտրոնակայանի, Գյոթեի կենտրոնի գերմաներեն լեզվի ներկայացուցիչները:

HayNews.am
 
Նմանատիպ նորություններ
iPhone-ն այլևս ավելի գեղեցիկ չի դարձնի օգտատերերին
24 Հոկտեմբերի 2018 - 00:03
Այֆոնների օգտատերերը բողոքում էին ոչ բնական սելֆիներից, որտեղ իրենց դեմքերը չափազանց գեղեցիկ էին ստացվում։
Ամերիկահայ գիտնական Դիրան Ապելյանն արժանացել է «Նորարար 2018» մրցանակին
23 Հոկտեմբերի 2018 - 23:39
Ամերիկահայ գիտնական, տեխնիկական գիտությունների պրոֆեսոր Դիրան Ապելյանն արժանացել է հանրահայտ Ուորսեսթեր պոլիտեխնիկական համալսարանի (Մասաչուսեթս) «Նորարար 2018» գիտական մրցանակին:
Ռուս հայտնի հաղորդավարուհիները պարել են հայկական երաժշտության ներքո (Տեսանյութ)
23 Հոկտեմբերի 2018 - 23:16
Ռուս հայտնի հաղորդավարուհիներ Քսենյա Բորոդինան ու Օլգա Բուզովան մասնակցել են հայտնի գործարար Բորիս Ավագյանի կազմակերպած միջոցառմանը, որը նվիրված էր Ավագյանի կնոջ՝ Յուլյայի ծննդյան օրվան:
Գեղհովիտ գյուղում դանակահարված Արսեն Մկրտչյանի կյանքին վտանգ չի սպառնում
23 Հոկտեմբերի 2018 - 23:10
Գեղարքունիքի մարզի Գեղհովիտ գյուղում այսօր դանակահարված Արսեն Մկրտչյանի կյանքին վտանգ չի սպառնում։
Բացահայտվել է բնակարանային գողությունը. կասկածյալները ձերբակալվել են
23 Հոկտեմբերի 2018 - 23:04
ՀՀ ՔԿ ԵՔՔՎ Արաբկիր վարչական շրջանի քննչական բաժնում քննվող քրեական գործով ձեռնարկված քննչական գործողությունների արդյունքում բացահայտվել է Աղբյուր Սերոբ փողոցի բնակարաններից մեկում տեղի ունեցած գողության դեպքը, կասկածյալները ձերբակալվել են:
Կայացել է բաց կառավարման գործընկերության հայաստանյան գործողությունների չորրորդ ծրագրի նախագծի քննարկում
23 Հոկտեմբերի 2018 - 23:01
2018 թվականի հոկտեմբերի 23-ին առաջին փոխվարչապետի պաշտոնակատար Արարատ Միրզոյանի գլխավորությամբ տեղի է ունեցել Բաց կառավարման գործընկերություն (ԲԿԳ) նախաձեռնության աշխատանքային խմբի նիստը:
«Ֆեյսբուքն» ուսումնասիրելով՝ տպավորություն էր ստեղծվում, թե ես քաղաքում չունեմ վարկանիշ, այնինչ ընտրություններն այլ պատկեր ցույց տվեցին. Էջմիածնի քաղաքապետ
23 Հոկտեմբերի 2018 - 22:55
Էջմիածնի նորընտիր քաղաքապետ Դիանա Գասպարյանը նախկինում երբեք չի մտածել, որ ինքը երբևէ կդառնա քաղաքապետ։
Նախագահն առաջարկել է «Horasis»-ի գալիք հանդիպումներից մեկն անցկացնել Հայաստանում
23 Հոկտեմբերի 2018 - 22:44
Հանրապետության նախագահ Արմեն Սարգսյանը Ժնևում հանդիպել է գերմանացի ձեռնարկատեր, Շվեյցարիայում գործող «Horasis» կենտրոնի հիմնադիր նախագահ Ֆրանկ-Յուրգեն Ռիխտերի հետ:
Հայ դիզայները Մոսկվայում ներկայացրել է Հայոց ցեղասպանությանը նվիրված հավաքածուն
23 Հոկտեմբերի 2018 - 22:33
Մոսկվայում մեկնարկած նորաձևության շաբաթվա շրջանակում կայացել է Դիզայնի բարձրագույն բրիտանական դպրոցի շրջանավարտների հավաքածուների ցուցադրությունը:
1 | 2 | 3 | 4 | 5 | 6 | 7 | 8 | 13764
 
Լրահոս`