Facebook   Twitter
 
Սեւանում հնչած կրակոցների դեպքից նոր մանրամասներ են պարզվել

Սեւանում հնչած կրակոցների դեպքից նոր մանրամասներ են պարզվել

14 Հունիսի 2018 - 21:47
ՀՀ քննչական կոմիտեի Գեղարքունիքի մարզային քննչական վարչությունում քննվող քրեական գործով պարզվել են Գեղարքունիքի մարզի ընդհանուր իրավասության առաջին ատյանի դատարանի Սևանի նստավայրի դիմաց Ռ.Հակոբյանին հրազենային վնասվածքներ պատճառելու դեպքի մի շարք հանգամանքներ, մեղադրանք է առաջադրվել դատակոչված վկա Բորիկ Հակոբյանի որդուն:
Ավելի վաղ տեղեկացրել ենք, որ 2018թ. հունիսի 8-ին՝ ժամը 12:00-ին, «ձախ ազդրի և սրունքի հրազենային վնասվածքներ» ախտորոշմամբ բուժօգնության է տեղափոխվել Գեղարքունիքի մարզի բնակիչ Ռ.Հակոբյանը՝ ծնված 1955թ.:

Պարզվել է, որ Ռ.Հակոբյանը հրազենային վնասվածքներն ստացել է Գեղարքունիքի մարզի ընդհանուր իրավասության առաջին ատյանի դատարանի Սևանի նստավայրի դիմաց՝ «Mitsubishi Pajero» մակնիշի ավտոմեքենայի միջից արձակված կրակոցների հետևանքով:

Դեպքի առթիվ ՀՀ ՔԿ Գեղարքունիքի մարզային քննչական վարչությունում հարուցված քրեական գործով ձեռնարկված անհետաձգելի քննչական և դատավարական այլ գործողությունների արդյունքում պարզվել են դեպքի մի շարք հանգամանքներ, ենթադրյալ հանցագործություն կատարած անձի ինքնությունը:

Քննությամբ ձեռք բերված տվյալների համաձայն՝ 2018 թվականի հունիսի 8-ին՝ ժամը 12:00-ի սահմաններում, դատակոչված վկա Բորիկ Հակոբյանը՝ ծնված 1951թ., որդու ուղեկցությամբ գնացել է Գեղարքունիքի մարզի ընդհանուր իրավասության առաջին ատյանի դատարան՝ մասնակցելու 1988թ. ծնված Հայկ Անդրանիկի Հակոբյանի սպանության գործով հերթական դատական նիստին: Բ.Հակոբյանը սպանության գործով մեղադրյալի ազգականն է։

Դատարանի շենքի մոտ վիճաբանություն է առաջացել վերջիններիս և սպանության գործով տուժողի հարազատների միջև, որի ժամանակ բռնություն է գործադրվել վկայի նկատմամբ: Դեպքին միջամտել են տեղում ծառայություն իրականացնող ոստիկանության ծառայողները, ովքեր Բորիկ Հակոբյանին և նրա որդուն նստեցրել են նրանց ավտոմեքենան, որից հետո վերջինս, շրջադարձ կատարելով մեքենայով, հեռացել է, այնուհետև կանգնեցրել ավտոմեքենան և վարորդի դռան բաց պատուհանից «ՄՑ-21-12» տեսակի որսորդական ողորկափող հրացանից, շուրջ 15 մետր հեռավորությունից կրակել է Ռաֆիկ Հակոբյանի ուղղությամբ, որի հետևանքով վերջինիս առողջությանը պատճառվել է ծանր վնաս:

Ձեռք բերված ապացույցների համակցությամբ՝ Բ.Հակոբյանի որդուն մեղադրանք է առաջադրվել՝ ՀՀ քրեական օրենսգրքի 112-րդ հոդվածի 1-ին մասով, և նրա նկատմամբ որպես խափանման միջոց կիրառվել կալանավորումը:

Քրեական գործի նախաքննությունը շարունակվում է:

HayNews.am
 
Նմանատիպ նորություններ
ԱՀԿ-ն առաջարկում է տրանսգենդերներին այլեւս չդիտարկել հոգեկան շեղումներով անձանց շարքում
22 Հունիսի 2018 - 23:59
Հիվանդությունների միջազգային դասակարգման նոր տարբերակում փոփոխություններ են կրել «գենդերային անհամապատասխանություն» տերմինի հատվածները։
Սա ևս մեկ դավաճանություն էր Վազեն Սարգսյանի հիշատակի առաջ․ Անի Խաչատրյանը՝ Մանվել Գրիգորյանի մասին
22 Հունիսի 2018 - 23:25
HayNews.am-ի զրուցակիցը Երևանի ավագանու «Ելք» խմբակցության անդամ Անի Խաչատրյանն է։
Անօրգազմիա. Կանանց սեռական առողջության առանցքային խնդիր, որ բուժվում է մեծ արդյունավետությամբ
22 Հունիսի 2018 - 23:17
Մասնագետները վստահեցնում են, որ անօրգազմիան, կանանց սեռական առողջության առանցքային խնդիրներից է և դրա առկայությունն ուղիղ համեմատական է կնոջ հոգևոր ու ֆիզիոլոգիական առողջության հետ:
Կիեւի դատարանը Նադեժդա Սավչենկոյին կալանքի տակ է թողել
22 Հունիսի 2018 - 23:00
Կիեւի Շեւչենկովի շրջանային դատարանը հունիսի 22-ին Գերագույն Ռադայի ժողովրդական պատգամավոր Նադեժդա Սավչենկոյին կալանքի տակ է թողել հաղորդում է «ՈՒՆԻԱՆ»-ը:
«Պատվի խնդիր է». Մանվել Գրիգորյանի տեսաուղերձը՝ կալանավորումից առաջ
22 Հունիսի 2018 - 22:55
Պատվի խնդիր է, հիմա իմ հարազատ ընկերներն էլ ինձ ճիշտ չեն հասկանում, բայց ես հավատում եմ իմ երկրին, արդարադատությանն ու իմ ընկերներին:
Նիկոլ Փաշինյանը հայտնել է, թե որն է իր ամենասիրելի ֆուտբոլի հավաքականը
22 Հունիսի 2018 - 22:50
Հայաստանի վարչապետ Նիկոլ Փաշինյանը ժամանակ չունենալու պատճառով չի հասցնում հետևել ֆուտբոլի աշխարհի առաջնության բոլոր խաղերին, սակայն երբեմն հետաքրքրվում է, թե որ խաղն ինչ հաշվով է ավարտվել:
Ռուսաստանում ազատ են արձակվել երկու հայ «օրենքով գողեր»
22 Հունիսի 2018 - 22:45
Քանի դեռ Հայաստանում նոր կառավարությունը գողերին բանտ է ուղարկում, Ռուսաստանում ամառային արեւադարձի օրը ՆԳՆ վարչության հսկողությամբ երկու հայ «օրենքով գողերը»՝ 52-ամյա Ռուբեն Քոսյանը, նույն ինքը՝ Ռուբեն Իվանովսկին եւ 40-ամյա Արսեն Մկրտչյանը՝ Արսեն Երեւանսկին, որը ժողովրդի շրջանում հայտնի է որպես «Սեւ փայտփորիկ», որը նա, ի դեպ, կիսում էր մյուս հայ օրենքով գող Գեւորիկ Նեֆտեկամսկու հետ, ազատ են արձակվել՝ հաղորդում է «Փրայմ Կրայմ»-ը:
14-ամյա տղան նկատվել է Աբովյան քաղաքում․ԱԻՆ- որոնումներն այս պահին ընթանում են այնտեղ
22 Հունիսի 2018 - 22:42
Հունիսի 22-ին, ժամը 21:58-ին «911» ծառայությանը տեղեկություն է ստացվել, որ կորած երեխան նկատվել է Կոտայքի մարզի Աբովյան քաղաքի նախկին կինոյի տան մոտակայքում:
1 | 2 | 3 | 4 | 5 | 6 | 7 | 8 | 12007
 
Լրահոս`