Facebook   Twitter
 
Ես տեղյակ չեմ եղել. պաշտպանության նախարարը՝ բանակում հայտնաբերված չարաշահումների մասին

Ես տեղյակ չեմ եղել. պաշտպանության նախարարը՝ բանակում հայտնաբերված չարաշահումների մասին

13 Հունիսի 2018 - 21:26
Պաշտպանության նախարար Դավիթ Տոնոյանը NEWS.am-ի հետ զրույցում պնդել է, թե տեղյակ չէ պաշտպանության նախարարությունում հայտնաբերված խարդախությունների եւ չարաշահումների մասին:
Նշենք, որ այսօր Պետեկամուտների կոմիտեն հաղորդագրություն էր տարածել, որ պաշտպանության նախարարությունում 2014-2017 թթ.-ի ընթացքում գնումների եւ բանակաշինության ոլորտներում առկա չարաշահումների վերաբերյալ քննչական վարչությունում քննվող քրեական գործով նախաքննության ընթացքում ձեռք բերված բավարար ապացույցների համակցության հիման վրա պաշտոնական լիազորությունները չարաշահելու, առանձնապես խոշոր չափերով խարդախության, առանձնապես խոշոր չափերով կաշառք ստանալու, փաստաթուղթ կեղծելու համար մեղադրանք է առաջադրվել ՊՆ մի շարք պաշտոնյաների: Այս գործի շրջանակում հարցաքննվել է նաեւ նախկին նախարար Սեյրան Օհանյանը:

Հիշեցնենք, որ մինչեւ 2016 թվականը Դավիթ Տոնոյանը եղել է պաշտպանության նախարարի առաջին տեղակալը: Հարցին՝ տեղյա՞կ է եղել այս գործընթացներից, պատասխանել է. «Ոչ, ես տեղյակ չեմ՝ կոնկրետ ինչ գործընթացներ են իրականացվել, այլ ուղղություն է եղել, առաջին տեղակալի հետ կապ չի ունեցել... Հիմա ավելի շատ ուշադրություն եմ դարձնում այդ հարցերին: Հատուկ հանձնարարություններ են տրված, նշանակված են նոր փոխնախարարներ, շուտով գնումների հետ կապված կլինի նոր դեպարտամենտի պետ, իրենց առաջին խնդիրն է լինելու նաեւ կոռուպցիոն ռիսկերի նվազեցումը»:

Դավիթ Տոնոյանը հայտարարել է, որ հնարավոր է պաշտպանության ոլորտում կոռուպցիան հասցնել նվազագույնի: Հարցին՝ դրա համար միայն քաղաքական կա՞մք է հարկավոր, եւ այդ դեպքում ինչո՞ւ նախկինում չէր արվում, նախարարն արձագանքել է. «Ես նախկինում էլ եմ մի քանի անգամ ասել եւ հիմա էլ եմ ասում՝ եկեք ինքս իմ մասին խոսեմ»:
 
Նմանատիպ նորություններ
ՀՀԿ 4 պատգամավորներ հանդիպել են Դավիթ Տոնոյանին
20 Հոկտեմբերի 2018 - 21:19
ԱԺ ՀՀԿ խմբակցության պատգամավոր, Արտաքին հարաբերությունների հանձնաժողովի անդամ Կարեն Բեքարյանն իր Facebook-ի էջում տեղեկացրել է, որ «4 պատգամավորների ֆորմատում» այսօր հանդիպել են Պաշտպանության նախարարի պաշտոնակատար Դավիթ Տոնոյանին, նրան ներկայացրել առաջնագծի տեղեկատվական արագ արձագանքման համակարգի ստեղծման մեր գաղափար- առաջարկների փաթեթը:
ՀՀ ԶՈւ ԳՇ պետը այցելել է ԱՄՆ և Գերմանիա
20 Հոկտեմբերի 2018 - 21:16
Հոկտեմբերի 15-19-ը ԱՄՆ և Գերմանիա աշխատանքային այցեր է կատարել Հայաստանի Զինված ուժերի գլխավոր շտաբի պետ, գեներալ-լեյտենանտ Արտակ Դավթյանի գլխավորած պատվիրակությունը:
Անցած շաբաթ հակառակորդը հրադադարի ռեժիմը խախտել է 80 անգամ. հայ դիրքապահների ուղղությամբ արձակվել է շուրջ 500 կրակոց
20 Հոկտեմբերի 2018 - 13:39
Հոկտեմբերի 14-ից 20-ն ընկած ժամանակահատվածում արցախա-ադրբեջանական հակամարտ զորքերի շփման գոտում հակառակորդը հրադադարի պահպանման ռեժիմը խախտել է ավելի քան 80 անգամ։
ՀՀ ԶՈՒ ԳՇ պետը մասնակցել է միջազգային համաժողովների
19 Հոկտեմբերի 2018 - 20:26
Հոկտեմբերի 15-ից 19-ը աշխատանքային այցով Ամերիկայի Միացյալ Նահանգներում և Գերմանիայի Դաշնային Հանրապետությունում է գտնվել ՀՀ զինված ուժերի գլխավոր շտաբի պետ, գեներալ-լեյտենանտ Արտակ Դավթյանի գլխավորած պատվիրակությունը, տեղեկացնում են ՊՆ լրատվական ծառայությունից։
Դավիթ Տոնոյանը հյուրընկալել է մարզիկ-զինծառայողներին. Նա պարգեւատրել է ՀՀ ՊՆ հավաքական թիմի անդամներին
19 Հոկտեմբերի 2018 - 17:11
Հոկտեմբերի 19-ին ՀՀ պաշտպանության նախարարի պաշտոնակատար Դավիթ Տոնոյանը ընդունել է ս.թ. մայիս ամսին Մոսկվայում կայացած զինվորականների համաշխարհային ըմբշամարտի 33-րդ առաջնությանը մրցանակային տեղեր զբաղեցրած հայ մարզիկ-զինծառայողներին եւ թիմի մարզիչներին:
Ուելսում հայ զինծառայողները մասնակցել են միջազգային հեղինակավոր վարժանք-մրցույթին
19 Հոկտեմբերի 2018 - 17:01
ՀՀ զինված ուժերի հատուկ նշանակության 10 հոգանոց ստորաբաժանումը հոկտեմբերի 5-ից 19-ին մասնակցել է Ուելսում անցկացվող Քեմբրիան Փաթրոլ վարժանքի նախապատրաստական ծրագրին եւ բուն վարժանքին:
Զորամիավորման հրամանատարը բարձր է գնահատել զորավարժությունների արդյունքները
19 Հոկտեմբերի 2018 - 16:34
ՊՆ Վազգեն Սարգսյանի անվան զորամասի հրետանային ստորաբաժանումները հոկտեմբերի 17-ից 18-ը մասնակցել են մարտական կրակով մարտավարական զորավարժությունների:
ՊՆ-ում քննարկվել են անվտանգության և պաշտպանության բնագավառում ՀՀ-ԵՄ համագործակցության հեռանկարները
18 Հոկտեմբերի 2018 - 21:36
Հոկտեմբերի 18-ին ՀՀ պաշտպանության նախարարի պաշտոնակատար Դավիթ Տոնոյանն ընդունել է ԵՄ արտաքին գործողության եվրոպական ծառայության` Եվրոպայի և Կենտրոնական Ասիայի կառավարող տնօրեն Թոմաս Մայր-Հարթինգին և ՀՀ-ում ԵՄ առաքելության ղեկավար, դեսպան Պյոտր Սվիտալսկիին:
Անցկացվել է «Լավագույն վաշտ» մրցույթի եզրափակիչ փուլը
18 Հոկտեմբերի 2018 - 19:16
ՀՀ զինված ուժերի 2018թ. մարզական միջոցառումների պլանի համաձայն հոկտեմբերի 2-ից 4-ը և 8-ից 10-ն անցկացվել է ստորաբաժանման կազմով արգելագոտու հաղթահարում անվանակարգում «Լավագույն վաշտ» մրցույթի եզրափակիչ փուլը:
1 | 2 | 3 | 4 | 5 | 6 | 7 | 8 | 197
 
Լրահոս`