Facebook   Twitter
 
Անձին մեղադրանք է առաջադրվել ավելի քան 20 մլն ՀՀ դրամ հափշտակելու համար. քրեական գործի նախաքննությունն ավարտվել է

Անձին մեղադրանք է առաջադրվել ավելի քան 20 մլն ՀՀ դրամ հափշտակելու համար. քրեական գործի նախաքննությունն ավարտվել է

14 Հունիսի 2018 - 18:32
Բազմակողմանի, լրիվ և օբյեկտիվ քննությունը երաշխավորելու անհրաժեշտությամբ պայմանավորված՝ ՀՀ գլխավոր դատախազի կողմից ՀՀ հատուկ քննչական ծառայության քննիչի վարույթին հանձնված քրեական գործի նախաքննությամբ պարզվել է, որ Երևանի բնակիչ Լ. Փ.-ն 2013-2017թթ-ի ընթացքում տարբեր անձանց վստահությունը չարաշահելու եղանակով կատարել է խոշոր և առանձնապես խոշոր չափերով հափշտակություններ, ինչպես նաև վերջիններիս դրդել է պաշտոնատար անձանց առանձնապես խոշոր չափերով կաշառք տալու փորձ կատարելուն:
Այսպես, 2013թ.-ին Լ. Փ.-ն դատապարտյալ Ինգա Հովակիմյանին պատժից պայմանական վաղաժամկետ ազատելու գործընթացը կազմակերպելու պատրվակով վերջինիս նախկին ամուսին Ռադիկ Հովակիմյանից ստացել է 4.850.760 ՀՀ դրամին համարժեք 12.000 ԱՄՆ դոլար գումար և խաբեությամբ հափշտակել այն:

Պարզվել է նաև, որ 2016թ.-ի մարտին, Դ. Ք.-ին ներկայանալով որպես ԼՂՀ զորամասերից մեկի աշխատակից, Լ. Փ.-ն առաջարկել է պաշտոնատար անձանց կաշառք տալու միջոցով կարգավորել նրա ազգականին այլ գումարտակ տեղափոխելու հարցը: Այդ կերպ Լ. Փ.-ն Դ. Ք.-ից խաբեությամբ հափշտակել է 1.146.120 ՀՀ դրամին համարժեք 2.400 ԱՄՆ դոլար` միաժամանակ վերջինիս դրդելով պաշտոնատար անձանց առանձնապես խոշոր չափերով կաշառք տալու փորձ կատարելուն:

Բացի այդ, Լ. Փ.-ն 2017 թվականի հուլիսին, Ս. Ե.-ին ներկայանալով որպես փաստաբան, վերջինիս որդուն քրեական պատասխանատվությունից ազատելու պատրվակով նրանից խաբեությամբ հափշտակել է առանձնապես խոշոր չափերով` 7.173.000 ՀՀ դրամին համարժեք 15.000 ԱՄՆ դոլար և 910.000 ՀՀ դրամ: Միաժամանակ Լ. Փ.-ն Ս. Ե.-ին դրդել է պաշտոնատար անձանց առանձնապես խոշոր չափերով կաշառք տալու փորձ կատարելուն:

Վերը նշված եղանակներով Լ. Փ.-ն համապատասխանաբար խոշոր և առանձնապես խոշոր չափերով գումարներ է հափշտակել նաև Էդգար Արամյանից ու Դիանա Հարությունյանից:

Կատարած հանցավոր արարքների համար Լ. Փ.-ին մեղադրանքներ են առաջադրվել ՀՀ քրեական օրենսգրքի 178-րդ հոդվածի 3-րդ մասի 1-ին կետով (3 դրվագ), 178-րդ հոդվածի 2-րդ մասի 2-րդ կետով (2 դրվագ) և 38-34-312-րդ հոդվածի 3-րդ մասի 1-ին կետով (2 դրվագ):

Պաշտոնատար անձանց առանձնապես խոշոր չափերով կաշառք տալու փորձ կատարելու համար Ս. Ե.-ին ու Դ. Ք.-ին մեղադրանքներ են առաջադրվել ՀՀ քրեական օրենսգրքի 34-312-րդ հոդվածի 3-րդ մասի 1-ին կետով:

Քրեական գործի նախաքննությունն ավարտվել է: Գործը մեղադրական եզրակացությամբ ուղարկվել է դատավարական հսկողություն իրականացնող դատախազին՝ այն դատարան ուղարկելու միջնորդությամբ:

Ծանուցում. ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

HayNews.am
 
Նմանատիպ նորություններ
Լոս Անջելես քաղաքում արդեն 1 շաբաթ է շարունակվում է ուսուցիչների գործադուլը
22 Հունվարի 2019 - 10:38
ԱՄՆ-ի Լոս Անջելես քաղաքում արդեն 1 շաբաթ է՝ շարունակվում է ուսուցիչների գործադուլը, գրում է NBC News-ը:
Ո՞ւմ է պետք փոխմարզպետի պաշտոնը, այն էլ՝ միանգամից 3-ը. Էդմոն Մարուքյան
22 Հունվարի 2019 - 10:36
ԱԺ «Լուսավոր Հայաստան» խմբակցության ղեկավար Էդմոն Մարուքյանը ֆեյսբուքյան իր էջում գրել է.
Կենդանակերպի 5 վտանգավոր, ճակատագրական կանայք
22 Հունվարի 2019 - 10:30
Կարիճ: Կրքոտ են, փակ, իշխող: Կենդանակերպի այս նշանի ներկայացուցիչները գրավում են հայացքով, իրենք են ընտրում՝ ում հետ լինել: Կին Կարիճները հեշտությամբ կիմանան ձեր գաղտնիքները, քանի որ նրանցից հնարավոր չէ ոչինչ թաքցնել:
Օղին օգտակար է առողջության համար. հետազոտություն
22 Հունվարի 2019 - 10:26
Նախկինում օղին առավելապես օգտագործվում էր բժշկության մեջ և ավելի պակաս՝ հաճույքի համար։ Սակայն միաժամանակ անցյալի խմիչքն այնքան էլ նման չէր մերօրյա օղուն։ Այն տարբերվում էր մի շարք հատկանիշներով. արտադրության տեխնոլոգիա, հոտ, համ ու թնդություն։ Նախկինում խմիչքի մեջ սպիրտի պարունակությունն առավելագույնը 14% էր, իսկ թնդությունը կարգավորում էին բնական խմորմամբ։
Վրաստանում գրանցվել է «խոզի գրիպից» մահացության 19-րդ դեպքը. մահացել է 32-ամյա կին
22 Հունվարի 2019 - 10:20
Վրաստանի Քութաիսի քաղաքի հիվանդանոցում գրիպի H1N1 վիրուսի բարդացման հետևանքով 32-ամյա կին է մահացել, հաղորդում է Sputnik գործակալության վրացական տարբերակը:
Ստեփանծմինդա-Լարս ավտոճանապարհը բաց է բոլոր տեսակի ավտոմեքենաների համար
22 Հունվարի 2019 - 10:16
Վրաստանի տարածաշրջանային զարգացման և ենթակառուցվածքների նախարարության ավտոճանապարհային դեպարտամենտից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի ավտոմեքենաների համար:
Աստղագուշակ՝ հունվարի 22-ի համար
22 Հունվարի 2019 - 10:13
Խոյ. Հնարավոր են հաճելի ծանոթություններ, սակայն լուրջ հարաբերությունների սկիզբն անվահավանական է: Մի առաջնորդվեք նախազգացողությամբ` այն ձեզ կխաբի, փոխարենը սթափ միտքն ու տրամաբանությունը կօգնեն կենտրոնանալ և բարդ իրավիճակում ճիշտ որոշում կայացնել:
Երկրաշարժ Ինդոնեզիայում
22 Հունվարի 2019 - 10:09
Ինդոնեզիայի Բոգորավատու կղզու շրջանում տեղի է ունեցել 6,1 մագնիտուդով երկրաշարժ, հայտնում է ԱՄՆ Երկրաբանական ծառայությունը (USGS), փոխանցում է «ՌԻԱ Նովոստի»-ն:
Հոսանքազրկում՝ Երեւանում եւ մարզերում
22 Հունվարի 2019 - 10:03
«Հայաստանի էլեկտրական ցանցեր» փակ բաժնետիրական ընկերությունը տեղեկացնում է, որ հունվարի 22-ին պլանային և վերանորոգման աշխատանքներ իրականացնելու նպատակով, հետագայում վթարներից խուսափելու համար կհոսանքազրկվեն`
1 | 2 | 3 | 4 | 5 | 6 | 7 | 8 | 14770
 
Լրահոս`
 
 
 
 
 
 
 
 
 
Երկրաշարժ Ինդոնեզիայում
Միջազգային, Հասարակություն