Facebook   Twitter
 
Ֆրանսիայի բազմաթիվ քաղաքներում շարունակվում են Հայոց ցեղասպանության ոգեկոչման միջոցառումները

Ֆրանսիայի բազմաթիվ քաղաքներում շարունակվում են Հայոց ցեղասպանության ոգեկոչման միջոցառումները

30 Ապրիլի 2019 - 23:03
Ապրիլին Ֆրանսիայի բազմաթիվ քաղաքներում անցկացվել են Հայոց ցեղասպանության զոհերի հիշատակին նվիրված ոգեկոչման միջոցառումներ՝ Ֆրանսիայի պետական ու տեղական մարմինների և ՀՀ դիվանագետների մասնակցությամբ: Այս մասին տեղեկացրին ՀՀ արտաքին գործերի նախարարության լրատվության և հանրային դիվանագիտության վարչությունից։
«Ապրիլի 13-ին Փարիզի մերձակա Անտոնի քաղաքում տեղի ունեցավ Հայոց ցեղասպանության 104-րդ տարելիցին նվիրված հիշատակի արարողություն: Միջոցառմանը մասնակցեցին Ֆրանսիայում ՀՀ դեսպան Հասմիկ Տոլմաջյանը, Ֆրանսիայի Օ-դը-Սեն դեպարտամենտի նախագահ Պատրիկ Դևեջյանը, Անտոնիի քաղաքապետ Ժան Իվ Սենան, քաղաքային խորհրդի անդամներ, համայնքային կազմակերպությունների ներկայացուցիչներ:

Ապրիլի 18-ին Հայոց ցեղասպանության 104-րդ տարելիցին նվիրված հիշատակի արարողություն տեղի ունեցավ Անիեր-սյուր-Սեն քաղաքում: Միջոցառմանը մասնակցեցին Անիեր-սյուր-Սենի քաղաքապետ Մանուել Ասկլիմանը, քաղաքային խորհրդի անդամներ, համայնքային կառույցների ներկայացուցիչներ:

Ապրիլի 20-ին Կլամար քաղաքում անցկացվեց Հայոց ցեղասպանության 104-րդ տարելիցին նվիրված հիշատակի միջոցառում: Արարողությանը մասնակցեցին Ֆրանսիայում ՀՀ դեսպան Հասմիկ Տոլմաջյանը, Կլամարի քաղաքապետ Ժան Դիդիե Բերժեն, քաղաքային խորհրդի անդամներ, ֆրանսահայեր:

Ապրիլի 23-ին Փարիզի մերձակա Կլիշի քաղաքում տեղի ունեցավ Հայոց ցեղասպանության նահատակների հիշատակին նվիրված՝ Շառլ Ազնավուրի անվան հրապարակի բացման արարողությունը: Վերջինիս ներկա էին Ֆրանսիայում ՀՀ դեսպան Հասմիկ Տոլմաջյանը, Ֆրանսիայի Օ-դը-Սեն դեպարտամենտի նախագահ Պատրիկ Դևեջյանը, Կլիշիի քաղաքապետ Ռեմի Մյուզոն, Արցախի ներկայացուցիչ Հովհաննես Գևորգյանը, համայնքային կառույցների ներկայացուցիչներ, ֆրանսահայեր:

Ապրիլի 25-ին Հայոց ցեղասպանության 104-րդ տարելիցին նվիրված հիշատակի արարողություն տեղի ունեցավ Շարանտոն-լը-Պոն քաղաքում: Միջոցառմանը մասնակցեցին Սեն Մորիսի քաղաքապետ Իգոր Սեմոն, Շարանտոն լը Պոնի փոխքաղաքապետ Ժան Մարկ Բոկարան, Ազգային ժողովի Ֆրանսիա-Հայաստան բարեկամական խմբի անդամ, պատգամավոր Միշել Էրբիան, քաղաքային խորհրդի անդամներ, համայնքային կառույցների ներկայացուցիչներ:

Ապրիլի 27-ին Լիլա քաղաքում Երևանցու հուշակոթողի առջև տեղի ունեցավ Հայոց ցեղասպանության 104-րդ տարելիցին նվիրված հիշատակի արարողություն: Միջոցառմանը մասնակցեցին Լիլայի փոխքաղաքապետ Քրիստիան Լագրանժը, քաղաքային խորհրդի անդամներ, համայնքային կառույցների ներկայացուցիչներ:

Ապրիլի 27-ին Ռենսի քաղաքում տեղի ունեցավ Հայոց ցեղասպանության 104-րդ տարելիցին նվիրված հիշատակի արարողություն: Միջոցառմանը մասնակցեցին Ռենսիի քաղաքապետ Ժան Միշել Ժենեստիեն, Ռենսիում գտնվող «Դպրոցասեր» հայկական ամենօրյա վարժարանի սաները, համայնքային կառույցների ներկայացուցիչներ, ֆրանսահայեր:

Ապրիլի 27-ին Հայոց ցեղասպանության 104-րդ տարելիցին նվիրված հիշատակի արարողություն տեղի ունեցավ Մյոդոն քաղաքում: Միջոցառմանը ներկա էին Ֆրանսիայում ՀՀ դեսպան Հասմիկ Տոլմաջյանը, Օ-դը-Սեն դեպարտամենտի սենատոր Էրվե Մարսեյը, Մեդոնի քաղաքապետ Դենիս Լարգերոն, Ֆրանսիայում Արցախի ներկայացուցիչ Հովհաննես Գևորգյանը, համայնքային կառույցների ներկայացուցիչներ, ֆրանսահայեր:

Ապրիլի 27-ին Պլեսի Ռոբինսոն քաղաքում՝ Զորավար Անդրանիկի հուշարձանի մոտ տեղի ունեցավ Հայոց ցեղասպանության 104-րդ տարելիցին նվիրված հիշատակի արարողություն: Միջոցառմանը մասնակցեցին Պլեսի Ռոբինսոնի քաղաքապետ Ժաք Պերեն, Օ-դը-Սեն դեպարտամենտի սենատոր Ֆիլիպ Պեմզեն, քաղաքային խորհրդի անդամներ, ֆրանսահայեր:

Ապրիլի 28-ին Արնուվիլ քաղաքում՝ Հայկական առաքելական եկեղեցում, մատուցվեց պատարագ՝ ի հիշատակ Հայոց ցեղասպանության անմեղ զոհերի, որին հետևեց Հայոց ցեղասպանության 104-րդ տարելիցին նվիրված ոգեկոչման արարողություն՝ Արնուվիլի հայկական խաչքարի առջև՝ Ֆրանսիայում ՀՀ դեսպան Հասմիկ Տոլմաջյանի, Արնուվիլի քաղաքապետ Պասկալ Դոլի, Ֆրանսիայի Ազգային ժողովի Ֆրանսիա-Հայաստան բարեկամական խմբի փոխնախագահ, պատգամավոր Ֆրանսուա Պուպոնիի, Ֆրանսիայում Արցախի ներկայացուցիչ Հովհաննես Գևորգյանի մասնակցությամբ:

Ապրիլի 28-ին Սարսել քաղաքում տեղի ունեցավ Հայոց ցեղասպանության 104-րդ տարելիցին նվիրված հիշատակի արարողություն: Միջոցառմանը մասնակցեցին Սարսելի քաղաքապետ Պատրիկ Հադադը, Ֆրանսիայի Ազգային Ժողովի Ֆրանսիա-Հայաստան բարեկամական խմբի փոխնախագահ Ֆրանսուա Պուպոնին, Ֆրանսիայում Արցախի ներկայացուցիչ Հովհաննես Գևորգյանը, համայնքային կառույցների ներկայացուցիչներ, ֆրանսահայեր:

Ապրիլի 28-ին Ալֆորվիլ քաղաքում տեղի ունեցավ Հայոց ցեղասպանության 104-րդ տարելիցին նվիրված հիշատակի արարողություն: Միջոցառմանը մասնակցեցին Ալֆորվիլի քաղաքապետ Միշել Ժերշենովիչը, Ֆրանսիայի Ազգային ժողովի Ֆրանսիա-Հայաստան բարեկամական խմբի փոխնախագահ Լյուկ Կարվունասը, քաղաքային խորհրդի անդամներ, համայնքային կառույցների ներկայացուցիչներ:

Ապրիլի 28-ին Շավիլ քաղաքում տեղի ունեցավ Հայոց ցեղասպանության 104-րդ տարելիցին նվիրված հիշատակի արարողություն: Միջոցառմանը մասնակցեցին Շավիլի քաղաքապետ Ժան Ժաք Գիյեն, քաղաքային խորհրդի անդամներ, համայնքային կառույցների անդամներ:

Ապրիլի 28-ին Իսի-լե-Մուլինո քաղաքում տեղի ունեցավ Հայոց ցեղասպանության 104-րդ տարելիցին նվիրված հիշատակի արարողություն: Միջոցառմանը ներկա էին Իսի-լե-Մուլինոյի քաղաքապետ Անդրե Սանտինին, Օ-դը-Սեն դեպարտամենտի սենատոր Էրվե Մարսեյը, Մեդոնի քաղաքապետ Դենիս Լարգերոն, քաղաքային խորհրդի անդամներ, համայնքային կառույցների ներկայացուցիչներ, ֆրանսահայեր:

Ոգեկոչման բազմամարդ միջոցառումներ են տեղի ունեցել նաև Լիոնում, Մարսելում, Վալանսում, Բուրգ-լե-Վալանսում, Վո-ան-Վլենում, Բորդոյում, Դեսինում, Նիցցայում, Էքս-ան-Պրովանսում, Տուլուզում, Մոնպելիեում, Ավինյոնում, Բանդոլում, Տուլոնում, Բուկ-Բել-Էրում, Սերեստում, Նիմում և այլ քաղաքներում»,- նշված է հաղորդագրության մեջ։

HayNews.am
 
Նմանատիպ նորություններ
Արտակարգ դեպք Լոռու մարզում. 60-ամյա տղամարդը դիմել է ոստիկանություն և հայտնել, որ գյուղապետը իրեն ծեծի է ենթարկել
01 Մայիսի 2019 - 00:03
SHAMSHYAN.com-ի տեղեկություններով՝ ոստիկանության Սպիտակի բաժնի հետաքննչական բաժանմունքում նյութեր են նախապատրաստվում՝ երեկ՝ ապրիլի 29-ին, ոստիկանության Սպիտակի բաժին դիմած Երևան քաղաքի բնակիչ, 60-ամյա Մարտին Սահակյանի դիմումի փաստով:
Պուտինը հետ է կանչել Բելառուսիայում ռուս դեսպանին
01 Մայիսի 2019 - 00:00
ՌԴ նախագահ Վլադիմիր Պուտինը հետ է կանչել Բելառուսիայում ռուս դեսպան Միխայիլ Բաբիչին և պաշտոնանկ է արել նրան: Այս մասին հաղորդում է РИА Новости-ն:
Հաղորդավարը եթերում առանց թույլտվության համուբուրել է մի կնոջ և զայրացրել Շառլիզ Թերոնին (Տեսանյութ)
30 Ապրիլի 2019 - 23:57
Դերասանուհի Շառլիզ Թերոնը դատապարտել է ֆրանսիացի հեռուստահաղորդավար Սիրիլ Հանունայի պահվածքը, որը հանկարծակի համբուրել է ստուդիայում գտնվող կնոջը: Նրա բողոքներին միացել են Համացանցի շատ օգտատերեր։
Բերդում «Opel»-ը դուրս է եկել երթևեկելի գոտուց և բախվել էլեկտրական սյանը
30 Ապրիլի 2019 - 23:55
Ապրիլի 30-ին, ժամը 22:00-ին «911» ծառայությանը տեղեկություն է հաղորդվել, որ Տավուշի մարզի Բերդ քաղաքի «Ֆլեշ» բենզալցակայանի մոտ տեղի է ունեցել ՃՏՊ, ավտոմեքենան բախվել է էլեկտրական սյանը. անհրաժեշտ է փրկարարների օգնությունը:
Հայ-լեհական դարավոր բարեկամությանը նվիրված Արամ Խաչատրյանի անվան տրիոյի համերգ՝ Վարշավայում
30 Ապրիլի 2019 - 23:51
Ապրիլի 29-ին Վարշավայի «Լաժենկի պուրակի թագավորական պալատի թատրոնի սրահում տեղի ունեցավ հայ-լեհական դարավոր բարեկամությանը և Լեհաստանի պետականության վերականգնման հարյուրամյակին նվիրված «Արամ Խաչատրյանի անվան տրիոյի» համերգը:
Վենեսուելայում բախումների հետևանքով 35 մարդ է տուժել. լրատվամիջոցներ
30 Ապրիլի 2019 - 23:49
Վենեսուելայի մայրաքաղաք Կարակասի Ալտամիրա ճանապարհային հանգույցի տարածքում ցուցարարների և իրավապահ մարմինների ներկայացուցիչների միջև տեղի ունեցած բախումների հետևանքով շուրջ 35 մարդ է տուժել, հաղորդում են լրատվամիջոցները:
Ջուր չի լինելու
30 Ապրիլի 2019 - 23:41
«Վեոլիա Ջուր» ընկերությունը տեղեկացնում է իր հաճախորդներին և սպառողներին, որ պլանային աշխատանքներով պայմանավորված,ս.թ. մայիսի 2-ին ժամը 10:00-ից մինչև մայիսի 3-ը ժամը 10։00 կդադարեցվի`
Ինչո՞ւ չի կարելի վստահել հղիության սովորական թեստերին
30 Ապրիլի 2019 - 23:39
Հղիության թեստերի հանդեպ զգույշ վերաբերմունք պետք է ցուցաբերել, քանի որ 11 թեստից 9-ը հաճախ կարող է կեղծ բացասական արդյունք ցույց տալ. կինը կարող է հղիանալ, բայց թեստը դա կարող է ցույց չտալ։ Այս մասին նախազգուշացնում են Վաշինգտոնի համալսարանի աշխատակիցները։
Մեսին իմ տեսած լավագույն ֆուտբոլիստն է. Կլոպ
30 Ապրիլի 2019 - 23:37
Մեսին իմ տեսած լավագույն ֆուտբոլիստն է, ասել է անգլիական «Լիվերպուլի» գերմանացի գլխավոր մարզիչ Յուրգեն Կլոպը «Բարսելոնայի» դեմ Չեմպիոնների լիգայի կիսաեզրափակիչի առաջին հանդիպման նախօրեին։
1 | 2 | 3 | 4 | 5 | 6 | 7 | 8 | 20175
 
Լրահոս`
 
Պուտինը հետ է կանչել Բելառուսիայում ռուս դեսպանին
Միջազգային, Հասարակություն, Քաղաքական
 
 
 
 
 
Ջուր չի լինելու
Հասարակություն
 
 
 
 
Բախումներ Վենեսուելայում. ԶԼՄ-ներ
Միջազգային, Հասարակություն, Քաղաքական