Facebook   Twitter
 
Մեր դեմ հարձակումը կազմակերպված էր անձամբ Նիկոլ Փաշինյանի կողմից, բայց  կազմակերպվածն իր հունով չգնաց. «ԱդեկվաԴ» հաղորդման նկարահանող խումբ

Մեր դեմ հարձակումը կազմակերպված էր անձամբ Նիկոլ Փաշինյանի կողմից, բայց կազմակերպվածն իր հունով չգնաց. «ԱդեկվաԴ» հաղորդման նկարահանող խումբ

12 Հոկտեմբերի 2018 - 14:53
«ԱդեկվաԴ» հաղորդման նկարահանող խումբն այսօր ասուլիս էր հրավիրել ՝ ներկայացնելու Մարալիկում տեղի ունեցած իրադարձությունները, իրենց վրա հարձակում գործած մարալիկցիներին անվանելով խուլիգանախումբ, որոնք, իրենց հակահեղափոխականներ անվանելով, հարձակում են գործել նկարահանող խմբի վրա:
«Մարալիկում մեր նկատմամբ հարձակումը կազմակերպված էր, և մենք ոստիկանությունից պահանջել ենք բացահայտել ոչ թե այդ «բանկաբութուլկեքի և լնգուլավազների» ով լինելը, այլ թե ովքեր են մեզ «քսի տվել», և ովքեր են կազմակերպիչները: Մեզ հետաքրքիր է, թե նրանց կապը ինչքանով է Նիկոլ Փաշինյանի հետ անձամբ: Մենք վստահ ենք, որ անձամբ Նիկոլ Փաշինյանն է իրական հենարանը, ոչ թե հեղափոխական դըմփդըմփարաններն են, այս խուլիգանախմբերը պատժիչ ջոկատներ են կազմում այլակարծության դեմ»,- ասաց «Ադեկվատ» հաղորդման հեղինակ Նարեկ Մալյանը:

Նա շնորհակալություն հայտնեց «այդ խուլիգանախմբին», որոնք բացահայտեցին այն, ինչի մասին իրենք իրենց հաղորդմանը խոսում են վեց ամիս: «Երեկվա «լայվը» ցույց տվեց մեր իշխանության դեմքը՝ ստի ու կեղծիքի իշխանության, այս երևույթը մենք անվանում ենք փաշիզմ՝ այլակարծության դեմ»,- ասաց Մալյանը:

Հաղորդման հեղինակ Նարեկ Մալյանը պատմեց մանրամասները, թե ինչու էին գնացել Մարալիկ, և նշեց, որ 10 օր առաջ ստացել են տեղեկություն համայնքապետարանի աշխատանքի վերաբերյալ, որը չի գործում, քանի որ մի խումբ մարդիկ՝ 15-20 հոգի, աչքի են ընկնում ոչ ադեկվատ վարքագծով, գրավել են համայնքապետարանի շենքը: Փոխարենը, ըստ նրա, հենց Փաշինյանի կողմից առաջարկվել է իրենց գործունեությունը տարբեր գյուղապետարաններում անցկացնեն: Իրենք էլ գնացել էին, ուղղակի մարդկանց հետ հանդիպել, զրուցել:

««Փաշիստ» ֆեյքերով գրում էին, որ ուզում են սպանել, մենք էլ գնացել էինք՝ տեսնելու, թե ովքեր են այդ խուլիգանախումբը»,- ասաց Մալյանը:

Հաղորդման հեղինակները գոհ են ոստիկանների աշխատանքից, քանի որ իրենց տարել են ոստիկանական բաժին, որպեսզի իրենց «կյանքին ու առողջությանը վտանգ չսպառի»:

«Այս ամենը կազմակերպված էր անձամբ Նիկոլ Փաշինյանի կողմից, հստակ ասում եմ, բայց կազմակերպվածը իր հունով չգնաց, քանի որ «սատանի մայլեն քյանդրբազություն» էին ուզում անել»,- ասաց Մալյանը և նշեց, որ որոշակի փաստեր ունեն այդ մարդկանց կապի մասին իշխանության հետ:

Հարցին, թե Նիկոլ Փաշինյանին և իշխանությունների ինչին է պետք այս ամենը, հաղորդման հեղինակներից Արթուր Դանիելյանը նշեց, որ ենթադրում է՝ զուտ իրենց լռեցնելու համար:

«Իրենց պետք էր սադրել մեզ ինչ-որ քայլում, եկան ասացին, որ նենգափոխում ենք, մենք էլ առաջարկեցինք ուղիղ եթեր տալ, տեսան՝ չենք դիմակայելու, սադրանքի չենք գնալու, սկսեցին անշնորհք ձևով պահել:

Հարցին, թե այսինքն՝ իրենք այդքան մեծ ուժ են իրենցից ներկայացնում, որ իրենց դեմ պետք է իշխանական համակարգը գործեր, Նարեկ Մալյանը պատասխանեց. «Մեծ ուժ ենք, թե փոքր ուժ, դժվարանում եմ պատասխանել, փորձեցին մեզ սադրել, որպեսզի գործողություններ լինեին մեր դեմ, և իրավական պրոցես իրականացվեր»:

Արթուր Դանիելյանը նշեց, որ ինքը նախանշանները տեսնում է թե՛ խուլիգանության, թե՛ լրագրողական աշխատանքի խոչընդոտման, թե՛ ազատ տեղաշարժման, թե՛ իրավապահներին չենթարկվելու, ինչը ենթադրում է պատիժ 6-7 տարի:

«Իրավապահները ստիպված մեզ հեռացրին, և չեմ կարող ասել, թե ինչ ուղղությամբ կգնա գործը»,- ասաց նա:

Մալյանը հավելեց, որ իշխանությունների հետ կապը հաստատում է ոչ միայն Դավիթ Սանասարյանի այցը Մարալիկ, այլև մերձիշխանական իրավապաշտպանների հայտարարությունները, որոնք ողջունում էին կատարվածը.

«Իշխանության ծաղրածուները ոչ միայն չդատապարտեցին, այլ նաև ողջունում էին»,- ասաց նա:

Նարեկ Մալյանը վստահ է, որ գործն իրավական ընթացք կունենա, եթե քաղաքական ճնշումներ չլինեն:

«Ակնհայտ է, որ քաղաքական ճնշումներ լինելու են նախաքննող մարմնի վրա, նախադեպեր եղել են»,- ասաց նա:

HayNews.am
 
Նմանատիպ նորություններ
Մայրը շփոթմամբ 3 ամսական երեխային «մարգանցովկա» է խմեցրել, նա հիվանդանոցում մահացել է
12 Դեկտեմբերի 2018 - 13:52
Երեւանի հիվանդանոցներից մեկում, այսօր՝ դեկտեմբերի 21-ին, մահացել է Տավուշի մարզի Ոսկեպար գյուղի բնակիչ 3 ամսական աղջիկ, հաղորդում է Aravot.am-ը:
Վթարի պատճառով 24 ժամ ջուր չի լինելու Տավուշի մարզում
12 Դեկտեմբերի 2018 - 13:46
«Վեոլիա Ջուր» ընկերությունը տեղեկացնում է իր հաճախորդներին և սպառողներին, որ վթարային աշխատանքներով պայմանավորված, ս.թ. դեկտեմբերի 12-ին ժամը 12:00-ից մինչև դեկտեմբերի 13-ը ժամը 12:00-ն կդադարեցվի Տավուշի մարզի Դիլիջան քաղաքի ջրամատակարարումը:
Փայլանը դատապարտել է Էրդողանի հրահանգով քուրդ գործչի կալանումն ու ազատազրկումը
12 Դեկտեմբերի 2018 - 13:20
Թուրքիայի քրդական «Ժողովուրդների դեմոկրատական» կուսակցության հայ պատգամավոր Կարո Փայլանը Twitter–ում գրառում է կատարել կուսակցության նախկին առաջնորդ Սելահաթին Դեմիրթաշին ազատազրկելու հետ կապված։
Ավելի քան հազարազավոր նորզելանդացիներ բրիտանուհի զբոսաշրջիկի հիշատակին գիշերային հսկում են անցկացրել
12 Դեկտեմբերի 2018 - 13:07
Նոր Զելանդիայում ավելի քան 1000 մարդ վառված մոմերով սպանված բրիտանուհի զբոսաշրջիկ Գրեյս Միլանի հիշատակին գիշերային հսկում են անցկացրել, գրում է Associated Press-ը:
Առերևույթ կաշառք ստանալու դեպք՝ Երևանի 192 դպրոցում. հարուցվել է քրեական գործ
12 Դեկտեմբերի 2018 - 13:02
Քննչական կոմիտեում ստացվել և վարույթ է ընդունվել առերևույթ կաշառք ստանալու, կաշառք տալու և պաշտոնեական դիրքն օգտագործելով խոշոր չափերի վատնում կատարելու դեպքի առթիվ հարուցված քրեական գործը:
26-ամյա զինծառայողը հրացանով կրակել է իր վրա՝ փորձելով ինքնասպան լինել
12 Դեկտեմբերի 2018 - 12:55
Դեկտեմբերի 11-ին, ինքնասպանության փորձ է տեղի ունեցել մարզերից մեկում. տեղեկացնում է shamshyan.cօm-ը:
Վրացի հետախուզվողը հայտնաբերվեց օդանավակայանում
12 Դեկտեմբերի 2018 - 12:52
«Հետախուզում-2018» օպերատիվ-կանխարգելիչ միջոցառման շրջանակներում, «Զվարթնոց» օդանավակայանի գծային բաժնի ծառայողների ձեռնարկած
Սննդամթերքի անվտանգության տեսչական մարմինը երկու արտադրամասի թույլատրել է վերսկսել աշխատանքը
12 Դեկտեմբերի 2018 - 12:52
ՀՀ ԿԵ սննդամթերքի անվտանգության տեսչական մարմինը վերացրել է անհատ ձեռնարկատերեր Կարապետ Միքայելյանին (Վայոց Ձորի մարզ, գ. Ելփին) պատկանող ոչ ալկոհոլային զովացուցիչ ըմպելիքների և Արմինե Մարկոսյանին (Տավուշի մարզ, ք. Դիլիջան) պատկանող լավաշի արտադրամասերի գործունեության կասեցումը։
Դատարանում մեկնարկել է Արմեն Գեւորգյանի խափանման միջոցի հարցի քննությունը
12 Դեկտեմբերի 2018 - 12:51
Երեւան քաղաքի ընդհանուր իրավասության դատարանն այս պահին քննում է ՀՀ նախկին փոխվարչապետ Արմեն Գեւորգյանի խափանման միջոցի հարցը։
1 | 2 | 3 | 4 | 5 | 6 | 7 | 8 | 14306
 
Լրահոս`