Facebook   Twitter
 
Անդմահատման հինգ ամենատարածված պատճառները մեկնաբանում է անոթաբանը

Անդմահատման հինգ ամենատարածված պատճառները մեկնաբանում է անոթաբանը

13 Մարտի 2018 - 23:11
Գոյություն ունեն մի շարք հիվանդություններ, որոնք բերում են վերջույթների տարբեր հյուսվածքների սուր կամ քրոնիկ ընթացքով ախտահարումների և ոչ սակավաթիվ դեպքերում նաև անդամահատումների։
HayNews.am-ը նշյալ հիվանդությունների մասին զրուցել է Վլ. Ավագյանի անվան ԲԿ Անոթային և լազերային վիրաբուժության բաժանմունքի վարիչ, բ.գ.թ. Տիգրան Քամալյանի հետ:

«Անդամահատումների հիմնական պատճառներից են զարկերակային հիվանդությունները»,- ասաց անոթաբանն ու մանրամասնեց. «Վերջույթների զարկերակների սուր թրոմբոզները կամ քրոնիկական խցանումները բերում են հյուսվածքների թերսնուցման՝ իշեմիայի զարգացման, մեռուկացման և հանդիսանում են անդամահատումների ամենահաճախ հանդիպող պատճառը»։

Ամենատարածված զարկերակային հիվանդությունները, որոնք բերում են տարածուն խցանման, Տիգրան Քամալյանի խոսքով, դա աթերոսկլերոզն է և խցանող թրոմբանգիիտը կամ Բյուրգերի հիվանդությունը։ «Նույնիսկ ժամանակին կատարված բուժական միջոցառումները հաճախ բավարար չափով արդյունավետ չեն լինում վերջույթը փրկելու համար»,- ասաց բժիշկը:

Հաջորդ պատաճառներից, ըստ մասնագետի, շաքարային դիաբետը, դիաբետիկ անգիոպաթիան և դիաբետիկ ոտնաթաթն են: «Շաքարային դիաբետի ժամանակ հիմնականում վնասվում են ծայրամասային փոքր տրամաչափի զարկերակները, որոնք աստիճանաբար խցանվում են և բերում վերջույթի տարբեր աստիճանի թերսնուցման զարգացման»,- ընդգծեց Տիգրան Քամալյանը և ավելացրեց, որ դիաբետիկ ոտնաթաթը հավաքական հասկացություն է՝ ներառում է անոթների, ներվերի ախտահարումները, ոտնաթաթի հենաշարժիչ համակարգի ախտահարումները, հաճախ ուղեկցվում է վերքերի առկայությամբ և տրածուն ինֆեկցիայի զարգացմամբ, ինչը հաճախ ավարտվում է անդամահատումով։

Անդամահատման պատճառ կարող են դառնալ նաև երակային և լիմֆատիկ համակարգի հիվանդությունները: «Երբեմն, երբ առկա է խիստ արտահայտված քրոնիկական երակային անբավարարություն, վերջույթի զգալի մակերեսը ընդգրկող, տարածուն, երկարատև չլավացող տրոֆիկական խոցերով, առավել ևս եթե այդ խոցերում նկատվում է չարորակացման հակում, անհրաժեշտություն է առաջանում գնալ անդամահատման»,- ասաց զրուցակիցս և շարունակեց. «Նմանատիպ ցուցումներ են դրվում նաև լիմֆոստազի խիստ բարդացած ձևերի, արտահայտված փղախտի դեպքերում, երբ առկա է վերջույթի տարածուն ախտահարումներ, խոցեր, ինֆեկցիա։ Սակայն բժշկի փաստմամբ՝ երակային և լիմֆատիկ համակարգի հիվանդությունների պատճառով անդամահատումների դեպքերը սակավաթիվ են։

Չարորակ նորագոյացությունները ևս անդամահատման պատճառ կարող են դառնալ: «Վերջույթների շրջանում զարգացող չարորակ նորագոյացությունները, որոնք հաճախ լինում են ոսկրային ծագման կամ փափուկ հյուսվածքներից զարգացող սարկոմաներ, ուշ են հայտնաբերվում, ունենում են խիստ չաորարկ ընթացք և հաճախ ախտորոշման ժամանակ ներաճած են լինում դեպի հարակից հյուսվածքները, ինչպես նաև մետաստազներ են հայտնաբերվում ավելի հեռակա հյուսվածքներում ու օրգաններում»,- նշեց Տիգրան Քմալյանն ու ընդգծեց, որ վերոնշյալը հիմնականում այլընտրանք չի թողնում, քան հնարավորինս արագ վերջույթի անդամահատում կատարելը առողջ հյուսվածքների սահմանում։

Անդամահատման վերջին, առավել հաճախ հանդիպող պատճառն անոթաբանը վնասվածքները նշեց: «Տարբեր պայմաններում ստացած բարդ վնասվածքները կարող են բերել վերջույթների լրիվ կամ մասնակի պոկման և պատճառ դառնալ անդամահատումների»,- նկատեց մասնագետը և ամփոփեց.

«Անդամահատման բերող վնասվածքների շարքում կարևոր է նշել նաև մեծ մակերեսով ցրտահարություններն ու այրվածքները, որոնք բերում են հյուսվածքների տարածուն մեռուկացման և ածխացման առաջացման, որոնք ենթակա չեն վերականգնման»։

Տաթև Առաքելյան
 
Նմանատիպ նորություններ
Չնայած նախարարի պաշտոնին՝ շարունակում եմ դասավանդել ԵՊՀ-ում. Արայիկ Հարությունյան
25 Սեպտեմբերի 2018 - 21:33
Սեպտեմբերի 25-ին Հայաստանի ամերիկյան համալսարանում (ՀԱՀ) տեղի ունեցավ ամֆիթատրոնի և ուսանողական ու դասվանդման նոր կենտրոնների բացումը։
Աճուրդի է հանվել բացառիկ վարդագույն ադամանդ (Տեսանյութ)
25 Սեպտեմբերի 2018 - 21:11
Sotheby’s աճուրդի տունը վաճառքի է հանել բացառիկ վարդագույն ադամանդ՝ տեղեկացնում է TCH-ը։

Գինտականները հրազենային վնասվածքները փակող փրփուր են ստեղծել
25 Սեպտեմբերի 2018 - 21:07
Փենսիլվանիայի բժշկական դպրոցի գիտնականները եռամյա պայմանագիր են կնքել ԱՄՆ ՊՆ-ի հետ ծանր հրազենային վնասվածքները փակելու համար հատուկ փրփուր ստեղծելու վերաբերյալ։
ԱԺ պատգամավորը «խոնարհվեց ճանապարհային ոստիկանի աշխատանքային փայտիկի առաջ» (Լուսանկար)
25 Սեպտեմբերի 2018 - 20:56
Սեպտեմբերի 25-ին, ճանապարհային ոստիկանության 2-րդ սպայական գումարտակի 1-ին վաշտի 2-րդ դասակի ավագ տեսուչ, ոստիկանության մայոր Կարապետ Հարությունյանի հանձնարարականով ճանապարհային երթևեկության կանոնները խախտելու համար վարչական պատասխանատվության է ենթարկվել Ազգային ժողովի պատգամավոր Տիգրան Ստեփանյանը։
Հայ-թուրքական սահմանը հատած 16-ամյա թուրք տղան ազատ է արձակվել կալանքից. Դատախազություն
25 Սեպտեմբերի 2018 - 20:48
Հուլիսի 24-ին հայ-թուրքական սահմանը հատած 16-ամյա Ումութ Ալի Օզմենի խափանման միջոց կալանավորումը փոխվել է: Նա ազատ է արձակվել կալանքից:
Վարչապետ Փաշինյանը ներկա է գտնվել ՄԱԿ-ի Գլխավոր ասամբլեայի 73-րդ նստաշրջանի ընդհանուր քննարկումների բացմանը
25 Սեպտեմբերի 2018 - 20:43
Վարչապետ Նիկոլ Փաշինյանը սեպտեմբերի 25-ին նախ մասնակցել է ՄԱԿ-ի գլխավոր քարտուղար Անտոնիո Գուտերեշի անունից` ի պատիվ հյուրընկալվող պատվիրակությունների ղեկավարների կազմակերպված ընդունելությանը:
Համաշխարհային օլիմպիադա. Հայաստանի հավաքականը հաղթեց Ղազախստանին
25 Սեպտեմբերի 2018 - 20:39
Երեկ Բաթումիում մեկնարկել է շախմատի համաշխարհային օլիմպիադան:
ՀՔԾ-ն մեղադրանք առաջադրեց Լևոն Երանոսյանին. նա հրաժարվել է ցուցմունք տալուց
25 Սեպտեմբերի 2018 - 20:31
Քիչ առաջ պարզ դարձավ որ Հատուկ քննչական ծառայությունը մեղադրանք է առաջադրել ՀՀ ոստիկանության Ներքին զորքերի նախկին հրամանատար, գեներալ-լեյտենանտ Լևոն Երանոսյանին՝ քր. Օր. 309 հոդվածի երկրորդ և երրորդ մասերով:
1 | 2 | 3 | 4 | 5 | 6 | 7 | 8 | 13410
 
Լրահոս`